1 Juan 2:1 - Zapotec Yareni

¹ Xa xi'ini to kia, runia nuní lo yetsi‑ni kini lebi'i bittu uinle tulha. Ganna nuxa ttúle uinle tulha, gwa doba benne edíbie ri'i arlo Tataha, delába Jesucristu benne runi attiba ankaba geni.

1 Juan 2:1 Iomraidhean Croise

San Lucas 10:22

―Tata kiaha iyába chi betebie lasi náya lhe anágaba lanú nu ankabienna neti benne ankaa Xi'inieha, sunruba Tataha gwankabianie neti lhe lanú nu ankabienna Tataha, sunruba neti benne ankaa Xi'inieha ankabiati benneha, lhe anágaba sunruba ka benne raka lasia ule'enia ke benneha ki uinbiake bie.

San Juan 10:15

Ttiba Tata kiaha chi ankabianie neti, anágaba neti chigaba ankabiatie lhe rutea elha nabani kia‑ni kini gattia ki odiláya ka neruha.

San Juan 13:33

Xi'ini to kia, attu satti toruba gwadoa len lebi'i, nianna tti egilale neti. Nnanna upeya le nu chigaba xpeya ka nu loni ge ka benne Israel‑ni: Ata eya'ayaha, lebi'i labí aka esiale niha.

San Juan 14:16

Neti nna innabaa len Tataha ki idhelhe attu benne aka lenie le kini benneha nna dhoe lenle ttu dia lii,

San Juan 14:6

Jesús‑ni nna bekabie, ree na: ―Netiba nuha ankaa nedaha lhe netiba nuha ankaa benne rigixxi'aya ge nu anka gwalí lhe ankaa benne runia ki satíaba raka ben ka benne lhe. Lanú nu aka geni tsiana ata do Tataha ganna abíba neti echea na.

San Juan 21:5

Jesús‑ni nna unnaba tise, rabie ke: ―Xi'ini to, ¿si bi gwa bedaxxule belha ki gori'i? Lake nna bekabike gebie, ráke: ―¡Birula xa tata!

San Juan 5:14

Delola nna beti'a Jesús‑ni benne beyakaha ro'o yotuha nna ree bie: ―Biyúruga chiba beyakalu. Bitturu uinlu tulha kini ka satelu ttu nu satsarula tti nu gwatelu‑na.

San Juan 5:36

Ttaka neti teela ttu nu rigixxi'a tseruna kia tti nu utixxi'a Juan‑ni, delába ka milagru bedha'an Tataha len neti ki unia. La ka nuha‑ba rigixxi'akana deki gwalíba labe udhelhe neti.

San Juan 6:27

Bittu udona lele kilale elho nu abittu ruchíana isá, sinuki gwaludola lele gwalegila elho nu uinna kini satíaba aka benle. Neti benne daya yebáha, neti unia ki satíaba aka benle arlo Tata Do Yebáha, kumu neti chi bedha'ane ki unia aní.

San Juan 8:11

Nuilaha nna bekabina, rana: ―Niba ttúkana xa tata. Nianna ra Jesús‑ni nuilaha: ―Anágaba neti labí ukinnia lu. Beyya lisiluha nna debá nnanna bitturu uinlu tulha.]

Hechos 7:52

Ttiba ben ka xuttoleha, iyába ka benne uka profetaha gwanalhakana ke berio lákana ke lhe bettibakana ka profeta ka benne utixxi'ake deki isia ttu benne unie attiba ankaba geni. Nnanna nna benne utixxi'ake geeha, chiba bita benneha yiesi lo yu‑ni, lebi'i nna betelalee lasi ná ka nu bedaxxukaneha lhe benlale kini bettikane lhe.

Romanos 5:10

Kumu, ki attila abittu raka uyúri'i Tata Do Yebáha, la'aniala nuha bese'e tseri'i lenie de utti Xi'inieha utixe geri'i, adírula nnanna, de chi se'e tseri'i lenie, godilábe ri'i de chi beyaka ben Xi'inieha lo elhuttiha.

Romanos 6:15

Gwalinnáruga, nnanna labíru xigari'i lo bia bennabi‑na, sinuki chi se'e lhaari'i redí baari'i nu tse redá le Tata Do Yebáha rutebie geri'i. ¿Si de nuha nna gwaka geri'i uinruri'i tulha ak? ¡Ko'o, labí!

Romanos 8:34

Nianna, ¿núla eyaxinna urixxi ukinnina ka benneha ganna? ¿Si Jesucristuha ak? ¡Ko'o, labí! Ki kwinala Jesucristuha uttie kini utixe ge ka benneha lhe anágaba beyaka bengabe lo elhuttiha lhe. Nnanna nna chi doe daka ná ben ge Tata Do Yebáha nna rinnabe geri'i len benneha.

1 Corintios 15:34

Gwalotte da ge nu ruinle‑na; abitturu uinle tulha. Kumu ttu chupale labí ankabienle Tata Do Yebáha. Ria aní kini lebi'i dhile elhittu.

2 Corintios 5:21

Cristuha labí tulha ben benneha, ttaka de ri'i nna bejua Tata Do Yebáha bie tulha geri'i kini de nu gwateeha nna utua Tata Do Yebáha yua kwe'eri'i ge ka tulha ruinri'i.

Gálatas 4:19

Xi'ini to kia, gele nuní raditea rodoyúa elha disa attu libe, ratea attiba rate ttu nuila tti retti lhe'eni gali xi'inni. Ratea aní axtaliba ganna chi innabia Cristuha lhe'e lastole.

Efesios 2:18

Kumu de Cristuha nna lebi'i lhe ri'itu lhe chiba yali lo neda geri'i ki ibigari'i len Tataha, kumu de ttúba Espíritu geeha chi do lhe'e lastori'i.

Efesios 4:26

Ttixka rise'enle, abittu ixegwile uinle ttu bixa nu satsa; abittu ni galhaba sá sa risa'abinle.

1 Timoteo 2:5

Kumu ttúruba Tata Do Yebáha do lhe ttúrugaba benne do ki rose'e tsebie ri'i len Tata Do Yebáha, delába Jesucristuha. Lee nuha uke benne attiba ankari'i.

1 Timoteo 3:14

Lu nna Timoteo, ruxxen lasia deki chi tteba itaa etelannia lu, ttaka runia nuní lo yetsi‑ni nna ridhelhaa na lenlu,

Hebreos 9:24

Kumu Cristuha labí lhe'e yotu nu ben ka benne se'e yiesi lo yu‑ni nuha uta'abie. Kumu yotu nu do yiesi lo yu‑ni sunruba rixúna kini yuri'i gasina anka yotu do yebáha. Labí uta'abie lhe'e yotu nu ben ka benne, sinuki kwinaga yebáha nuha uta'abie. Niha nuha doe nnanna rinnabe geri'i arlo Tata Do Yebáha.

Santiago 1:27

Ttaka ganna ute nári'i len ka nuto bidabi to lhe len ka benne nuila bidabi ttixka ruyúke ttu bixa elha disa lhe anágaba ganna abitturu uinri'i nu satsa raka yiesi lo yu‑ni, nu uinri'iha nuha nu gwalíga anka tse lhe nu gwalíga ru'u le Xxudiri'i do yebáha lhe.

Santiago 3:9

kumu len lhusari'i‑ni rulhari'i ge Tata Do Yebáha benne anke Xxudiri'iha lhe len lhusari'i‑nigaba rigeri'i iki ka benne se'e yiesi lo yu‑ni lhe, delába ri'i ka benne ben Tata Do Yebáha attiba anke.

1 Pedro 2:22

Benneha labí nu satsa benie lhe labí gwen lasi unnebie lhe.

1 Pedro 3:18

Kumu anágaba gwate Cristuha. Benneha suna ttu lidúba uttie utixe ge ka tulha geri'i. Labie nuha anke nu ruin tse nna uttie utixe ge ka nu ruin satsa. Aníha benie kini echebie ri'i kwe'e Tata Do Yebáha. Uttie len bela latieha nna atti beyaka banieha nna espírituba beyake.

1 Juan 3:18

Xi'ini to kia, bittu suna len tisaba innári'i deki gwa rakabin ge luesiri'i. ¡Ko'o! Sinuki len elha ruin geri'i ule'e loori'i deki gwalíga rakin ge luesiri'i.

1 Juan 3:5

Ttaka lebi'i chiba yule deki Jesús‑ni bite yiesi lo yu‑ni kini boxíbie ka tulha geri'i. Benneha labí tulha runie.

1 Juan 3:7

Xi'ini to kia, abittu dhielhale tsia lele ge ka nu ruin lekani reki naa, kumu gwa yúbari'i ganna ttu benne runie nu dika ixú, benneha ruinbe attiba ankaba geni attiba Cristuha ruinbe attiba ankaba geni.

1 Juan 4:4

Lebi'i xa xi'ini to, chiba ankale ge Tata Do Yebáha nna chiba udaale bedúle lo ka nu ruin lekani reki naa, kumu benne do lhe'e lastole‑na xxenirula ra le benne‑na tti nu xxegwi reki yiesi lo yu‑ni.

1 Juan 5:17

Iyába nu satsa ruinri'i, tulhaba anka nuha, ttaka se'e ka tulha ka nu labí rigilakana elhutti geri'i.

1 Juan 5:21

Xi'ini to kia, gwaluyú gele, bittu tsia lele ge ka nu labí gwalíga ankakana diosi.

3 Juan 1:4

Labí bixa ge redeakaruti, sinuki redeakaruti tti runaa ge ka benne rakati ke ttiba xi'inia, runaa deki gwa rudobake tisa ge nu anka gwalí.