San Lucas 8:10 - Zapotec San Juan Guelavía

¹⁰ ax raipny laadeb: —Dios rcaazny gacbeet de ni ná xgaats lo guelrnabee xtenny. Per stuby de bniety rniníadeb cun púrzi cuend te masquɨ rianlodeb, per lazu quɨt rianlotideb ne masquɨ rindiagdeb per quɨt racbeetideb.

San Lucas 8:10 Iomraidhean Croise

San Mateo 11:25

Láani de dxiqui Jesús guniiny: —Nare rzubyaa laabiu, Xtada, Dad ni rnabee llayabaa ne lo guɨchliu, te pur abliuubiu de bniety ni quɨt xi gán de cos ni bcuaatsbiu lo de ni nán ne de ni racbee.

San Mateo 16:17

Ax raipy Jesús laab: —Dichos liú Simóny, llingaan Jonás, te pur gati bɨnguɨchliuti gunii liú xa iniiu sino que Xtada ni rbez llayabaa.

San Marcos 4:11

Chiy cuaibny lodeb: —Laat absaan Dios gacbeet xa ná guelrnabee xtenny ni gady gacbeet. Per par de bniety ni quɨt reldilaaz guelrnabee xte Dios, cun púrzi de cuend ná par iseedadeb.

San Marcos 4:12

Te pur masquɨ rguiaadeb ne rindiagdeb, per quɨt xi gacbeetideb ax quɨt yaicquitideb cun Dios par gúnny perdón de xtulddeb.

San Juan 12:40

Laadeb nádeb zec tuby ni quɨt rianlo o ni quɨt racbeeza pur ni abcay xquelriendeb par quɨt yaicquideb cun nare par gúna perdóndeb.

Romanos 16:25

Rdeednɨ gracy Dios dec laany zelee gacnény laat par chaza gacbeet ne sutipnét de didxzaac xte Jesucrist, zecquɨ ni abseedani laat xa xquel par gaptɨ perdón. Te pur ziy ná xgab Dios desde anste ni gurixti guɨchliu, xgab ni quɨtga niacbeeti bniety desde gulo.

1 de Corintios 12:11

Per tubylote pur guelgucné xte Spíritu Sant run bniety de cosquɨ, laany anánny cún ni rsiáldny gún cad tuby bniety.

Colosenses 2:2

Cayuna pur chuzaclaazdeb, te par chalaa ibánydeb tubyzi, icaazdeb saadeb ne gapdeb guelrieny zecpaczaxnarul par chalee gumbeedeb ni quɨt bliuuti Dios bniety gulalqui ne laaniy Crist.

1 de Timoteo 3:16

Dunnɨ nanchuun dec quesentiand guroo nány, laany ni roldilaaznɨny: Beedny lo guɨchliu zec tuby bniety guɨchliu, gunii Spíritu Sant dec laany nania naniany ne guná de ánglɨ laany beedny lo guɨchliu. Brɨɨch xtiidxny iduibte lo guɨchliu, iranezte güeldilaaz bniety laany ax bieepny llayabaa.