San Lucas 3:11 - Zapotec San Juan Guelavía

¹¹ Juany cuaibbɨ lodeb: —Ni nap tiop gamilly, ná par ideedbɨ tubyni elquɨ ni quɨt rápni. Ne ni ráp zieny comid, ná par ideedbɨ duudxni elquɨ ni runlieedxni.

San Lucas 3:11 Iomraidhean Croise

San Mateo 25:40

Chiy icaibny lodeb, laany ni nány Rey: “Rguixtiia lot, irate ni baantɨ par gucnét tuby de xpɨnnia, masquɨ más senciy náb, per narenacay gucnét.”

San Lucas 11:41

Pur ningui gulgacné de ni quɨt xi napti te par yíany dec güenquɨpac nát.

San Lucas 18:22

Chi bindiag Jesús ziy ax raipny laab: —Per rieedx gúnu stuby cos: güetóo irate de ni rápu ax bdeed mɨlyqui de prob, te ziy xquel gapu guelnazaac llayabaa. Chi abtóo de xixtenu, ax quedanald nare.

San Lucas 19:8

Chiy guzuldí Zaqueo ax raipbɨ Jesús: —Bguiaabiu, Dad, quiizia iruldti ni napa lo de prob. Ne belati nuu bniety ni abaania cobrɨ mazru que zec ni ná par quillybɨ, anre ideedab tap zecti ni gulaanab.

San Juan 13:29

Ne cun laznaa Judas nuu bols mɨly, parzi nuudeb baandeb xgab dec nuudxa xi gunabee Jesús laab chasiib par laní, o nuudxa xi chadeedbɨ de ni ná probeen.

Hechos 10:2

Ne masquɨ gati bniety Israelti laab, per bdxibbɨ Dios, ax laab ne irate de bniety ni guu lizbɨ btodeb Dios. Ziyza la gucnéb de bniety Israel ni ná prob, ne quɨt rbezti rnaabbɨ lo Dios.

Hechos 10:31

ax guniib: “Cornely, Dios abindiagny de xtiidxu ne zéneny cuend irate zec ni racníu de prob.

Hechos 10:4

Laab bguiaab lo ánglɨqui ne quesentiand bdxibbɨ ax guniib: —¿La caniibiu, Dad? Chiyru raipy ánglɨqui laab: —Dios abindiagny de xtiidxu ne agunázacny irate zec ni racníu de prob.

Efesios 4:28

Elquɨ ni rbaan ná par isaanbɨ guelrbaanqui ax gúnbɨ dzɨɨny, te par cun dzɨɨny zaac ni gúnbɨqui ax chalee gapbɨ xi cun gacnéb de ni runlieedxni.

1 de Timoteo 6:17

De bniety ni ná ricu lo guɨchliu anre, gutsdeb quɨt gunnarootideb niclɨza quɨt chanelaaztideb dec ni rápdeb a ná par chazy, te pur de guelnazaac ni ráp bniety ruu chi rrany. Güenru chanelaazdeb Dios ni rbeznabány te pur laany ná ni rguaadny dunnɨ irate cos zecpaczaxnarul par saclaaznɨ.

1 de Timoteo 6:18

Gutsdeb gúndeb ni ná güen, gúndeb zienzi de ni illiú ne saclaazdeb gacnédeb de bniety ni runlieedxni.

Hebreos 6:10

Ne laany quɨt nátiny tuby Dios ni quɨt run zec ni riáld par yianlaazny de cos güen ni abaantɨ cun irateru zec ni abliuutny dec rcaaztɨny, ax gucnét ne zélaa cayacnét de saniroldilaaznɨ Jesucrist.

Santiago 1:27

Te pur par Dios ni guldípac zenuu xnezny sin quɨtru xi malti, ná: guelracné de bzaby cun de bniety gunaa ni ná viud zec chi xi runlieedxdeb, ne guelrcualo cun iraloizru de mal ni nuu lo guɨchliuré.

Santiago 2:14

Anre nare rniia laat dec, ¿xílesa zelo ni inii tuby bniety dec reldilaazbɨ Dios ne quɨt runbɨ zec ni rcaazny? ¿Tatix zapbɨ perdón masquɨ de diidxzi rniib reldilaazbɨny?

1 de Juan 3:17

Per belati tubynɨ quɨt xi runlieedxtib lo guɨchliuré chiy rguiaab tuby ni cayunlieedxni ne quɨt gacnéb laab ax, ¿xólesa iniib dec zéneb cuend guelrcaaz xte Dios?

1 de Juan 4:20

Belati nuu ni rnii dec rcaazbɨ Dios ne chiy rdxichnégacbɨ de saa bnietbɨ, laab naizbɨ tuby bɨndixú. Te pur de saa bnietclab ni rguiaab quɨt rcaazbɨ, latixcu Dios icaazbɨ ne gady iniábny.