San Lucas 24:6 - Zapotec San Juan Guelavía

⁶ Laany aquɨtiny ruré, te pur agubánny. Gulchanelaaz ni guniiny laat chi zuguaany Galilea.

San Lucas 24:6 Iomraidhean Croise

San Mateo 12:40

Te pur zec ni guu Jonás láani beldroo, chon dxi ne chon guxin, ziytiziacza nare Bniety ni bxiaald Dios, chon dxi ne chon guxin chuua láani baa.

San Mateo 16:21

Desdɨ chiy guzulo gudixteeny lo de xpɨnny dec ná par chiany Jerusalén, ne de gurtisy xte Israel cun de bxoz ni rnabee de bxoz ne de maistrɨ ni nán ley, laadeb ná ni quesentiand guelzii iteeddeb laany. Raipny de xpɨnny dec de bnietqui quinxú laany, per ni rion dxi sbíi ibánny stuby.

San Mateo 27:63

raipdeb laab: —Dad, dunnɨ renelaaznɨ dec chi gubány bɨndixúqui guniib dec chi gac chon dxi sbíi ibánybɨ stuby.

San Mateo 28:6

Per laany aquɨtiny rurén, te pur agubíi gubánny stuby, zec ni guniiny. Gultaa íguiaat rut gudixdebny caniát.

San Marcos 16:6

Per laab raipbɨ laadeb: —Quɨt rdxibtɨ. Laat rguíilytɨ Jesús de Nazaret ni cua lo cruzy. Per laany agubíi gubánny stuby. Aquɨtiruny ruré. Gulguiaa rut gudixdebny caniát.

San Marcos 8:31

Chiyru guzulo caguixteeny lo de xpɨnny, raipny laadeb: —Nare Bniety ni bxiaald Dios, ná par teda guelzii quesentiand. Quɨt icaazti de gurtisy xte Israel nare niclɨ de bxoz ni rnabee lo de bxoz niclɨza de maistrɨ ni nán ley, sino que sguinxúdeb naa. Per ni rion dxi, sbíi ibánia stuby.

San Lucas 24:34

Chiy raipdeb de bnietqui: —Didxldícpacquɨy dec agubány Xtadnɨ Jesús, ne abliulony lo Simóny.

San Lucas 24:5

Ne de tant bdxibdeb ax bsabquiadeb axt lo liu, chiy de bniety nguiuqui raipy laadeb: —¿Xínii rguíilytɨ tuby bniety ni nabány lo de bɨnguty?

San Lucas 9:22

ax raipny laadeb: —Nare naa Bniety ni bxiaald Dios lo guɨchliu teru quesentiand guelzii teda. Ne sdxichné de gurtisy xte Israel naa cun de bxoz ni rnabee de bxoz cun de maistrɨ ni nán ley. Sguinxúdeb naa per ni rion dxi sbíi ibánia stuby.

San Lucas 9:44

—Gulcuadiagzaac ni iniia ne quɨt yianlaaztitni. Nare Bniety ni bxiaald Dios, zaca entriagu laznaa de bɨny.

Hechos 2:24

Per Dios gusbánny laany stuby, gucnény Jesús lo guelguty te pur guelguty quɨt napti guelrnabee zecac Jesús.

2 de Tesalonicenses 2:5

Gulchanelaaz dec ziy guniia laat chi guzuguanía laat.