San Lucas 24:4 - Zapotec San Juan Guelavía

⁴ Ne laiquɨpac cadxibdeb quɨt racbeedeb xa gúndeb, chi gunádeb tiop bniety nguiu zuldí gax rut zuguaadeb, nacudeb lady rcuabcháa.

San Lucas 24:4 Iomraidhean Croise

San Marcos 16:5

Chiy chi biiudeb láani baaqui, gunádeb tuby bíiny zubbɨ lad naldí, nacubɨ tuby lady nguits ziuul ax bdxibdeb.

San Lucas 2:9

Tuisquɨ bdiacá tuby ánglɨ xte Dios rut zuguaa de pastorqui ne guelrcuabcháa xte Dios bzieeny iduibte rut zuguaadeb. Chiy quesentiand bdxibdeb.

San Lucas 24:5

Ne de tant bdxibdeb ax bsabquiadeb axt lo liu, chiy de bniety nguiuqui raipy laadeb: —¿Xínii rguíilytɨ tuby bniety ni nabány lo de bɨnguty?

Hechos 1:10

Lalzi caguiaadeb zeyaaipy Jesús yabaa, ax bdiacá tiop ánglɨ rut zuguaadeb nacudeny lady nguits.

Hechos 12:7

Tuisquɨ bdzɨny tuby ánglɨ xte Dios ax bzieeny tuby bcháa láani lizguiibqui. Chiyru bsees ánglɨqui cueláany Bed par bcuanyny laab, raipny laab: —Gueeldzi quegüeste. Hóracqui biab de caden ni liiby de naab,

1 de Timoteo 3:16

Dunnɨ nanchuun dec quesentiand guroo nány, laany ni roldilaaznɨny: Beedny lo guɨchliu zec tuby bniety guɨchliu, gunii Spíritu Sant dec laany nania naniany ne guná de ánglɨ laany beedny lo guɨchliu. Brɨɨch xtiidxny iduibte lo guɨchliu, iranezte güeldilaaz bniety laany ax bieepny llayabaa.