San Lucas 11:9 - Zapotec San Juan Guelavía

⁹ Pur ningui, rniia laat: Quɨt cuezti inaabtɨ lo Dios ne laany sguaadquɨny ni rcaaztɨ. Gultíilyny ne sdxialquɨtny. Gultɨdx gulnaab lony, ne zunquɨny cuend laat.

San Lucas 11:9 Iomraidhean Croise

San Mateo 21:22

Irate ni inaabtɨ lo Dios, belati reldilaaztɨny, laany sguaadny ni inaabtɨ.

San Mateo 21:31

Anre gulnii nare: ¿Tú de lo iropdeb baany ni rcaaz xtaddeb gúndeb? Chiy cuaibdeb lo Jesús: —Lliinbɨ ni raipbɨ gulote. Chiyru raipy Jesús laadeb: —Nare rguixtiia lot dec de ni run cobrɨ impuest par Roma, ne de gunaa ni nabánydxab, nidooldeb yiiudeb lo guelrnabee xte Dios que laat.

San Mateo 6:29

per niclɨ rey Salomón quɨt guzuchuuti zec ni zuchuu de guiaa masquɨ más guzuchuub.

San Marcos 11:24

Pur ningui, rniia laat, irate ni inaabtɨ lo Dios, gulchaldilaaz dec scaatni, ne scaactɨni.

San Marcos 13:37

Ne ni caniia laat, raipzaca irate bniety: Gulbány zec ni riáld, gulsuguasin par dxiqui.

San Lucas 11:10

Te pur elquɨ ni rnaab, scáab. Ne ni rguíilny, sdxialquɨbny. Ne ni rguiiny rnaab lony zunquɨny cuend laab.

San Juan 14:13

Ne irate ni inaabtɨ lo Dios pur naa, nare zunani ax pur Lliin Dios yíany xa ná guelrnabee xte Dios.

San Juan 15:16

Gati laatit gulét nare sino que nare guliaa laat, ne abcuabiia laat par chatɨɨchtɨ guelreldilaaz ni naptɨ par chaldilaazru bniety naa ax quɨt nitloti guelreldilaazqui. Ziy xquel inɨɨdx Xtadnɨ Dios laat ni inaabtɨ lony pur naa.

San Juan 15:7

’Belati chalaa gactɨ tubyzi cun nare, ne belati chalaa icuadiagtɨ xtiidxa, chi xi inaabtɨ ax zacquɨ zec ni inaabtɨ luaa.

San Juan 4:10

Chiy raipy Jesús laab: —Belrulati racbiiu ni rcaaz Dios inɨɨdxny liú, ne belrulati racbiiu tú canaab nis liú, liú snaabu nis nare ne nare snɨɨdxa liú nis ni rguaad guelnabány.

Romanos 2:7

Chiy laany sguaadny guelnabány par chazy par de bniety ni quɨt rexaclaazti run pur ibány zacru, pur ni cayundeb pur yálddeb guelnazaac llayabaa, ne pur ni cayundeb pur yanzaacdeb nez lo Dios par gapdeb cuerpɨ ni aquɨt chúuti dxi nitlo.

2 de Corintios 6:2

Te pur lo xquiitsny rnii: Chi bdzɨny dxi ni gúna cuend liú, baania cuend liú ne chi bdzɨny dxi ni gapu perdón ax gucnía liú. Ne dunnɨ rniin laat dec abdzɨny dxiqui par laat, abdzɨny dxi ni gún Dios cuend laat ne ni gúnzacny perdón laat.

Hebreos 11:6

Ne ruteete quɨt tu chaleeti gún zec ni rdxalaaz Dios belati quɨt reldilaazbɨny. Tutix ni rcaaz gap nez par cun Dios ná par chaldilaazbɨ dec nuu Dios, ne chaldilaazzacbɨ dec laany rdeedny ni rniiny ideedny de ni rguíily laany.

Hebreos 4:16

Pur ningui, cun confianz azelee ibiin inaabnɨ lo Dios ni rcaaz dunnɨ par ilaslaazny dunnɨ. Ax pur guelrcaaz xtenny, laany zacnény dunnɨ hor ni rcaaznɨ tu gacné dunnɨ.

Santiago 1:5

Per belati tubytɨ runlieedxbɨ guelnán, inaabbɨni lo Dios. Te pur Dios rguaadpacny guelrieny irate bniety, ne par laany quɨt xi gúnti masquɨ gadigati inaab bnietni lony.

Santiago 5:15

Guelrnaab lo Dios pur guelreldilaazny ax ziac bniety racxúqui, sbíi sldeste Dios laab stuby. Ne belati nuu de duld ni abaanbɨ, zunny perdón laab.

1 de Juan 3:22

Ziy xquel, laany sguaadny irate ni inaabnɨny pur ni rcuadiagnɨ diidx rdxannɨ zec ni rnabeeny, ne pur ni rdxannɨ pur idxannɨ zec ni rdxalaazny.

Apocalipsis 2:24

Par irateru de xpɨnnia ni rbez láani guɨdx Tiatira, laat ni quɨt zenuut zec ni rseed Jezabelqui de bniety, laat ni rniideb quɨt gántit de ni ná axt lúltmɨ xte bɨndxab pur ni quɨt runtɨ cuenddeb, quɨtru xi stubyti rniia laat,