San Lucas 11:1 - Zapotec San Juan Guelavía

¹ Tuby güelt Jesús canaabny lo Dios tuby lat, ne chi blduullny gunaabny lo Dios, tuby de xpɨnny raipy laany: —Dad, bseedbiu dunnɨ inaabnɨ lo Dios zec ni bseed Juany Bautist de xpɨnbɨ.

San Lucas 11:1 Iomraidhean Croise

San Lucas 10:42

Per tubyzi cos ni mazru sac nuu. María guléb ni mazru sac, ne ruteete quɨt tu idzɨcátini lob.

San Lucas 11:2

Jesús raipny laadeb: —Chi inaabtɨ lo Dios gulnii: Xtadnɨ Dios, laabiu ni rbezbiu llayabaa Quesentiand riáld idxapnɨ didxdoo lábiu Su gueed guelrnabee xtenbiu. Su chagac zec ni ná volunta xtenbiu lo guɨchliu zec ni racni llayabaa.

San Lucas 6:12

Láani de dxiqui, Jesús güeny láani tuby dany par güenaabny lo Dios. Gudedgueeltec gunaabny lo Dios.

San Lucas 7:13

Chi gunány ziy, Dad Jesús bgány bniety gunaaqui ax raipny laab: —Quɨt ruunu.

San Lucas 7:19

ax bxiaaldbɨ laadeb par chanabdiidxdeb Jesús la laaniy Crist ni ná par gueed o la ná par icanuudeb stuby irɨnquɨ.

San Lucas 9:18

Tuby dxi chi gubicá Jesús tuby lad par canaabny lo Dios ne né de xpɨnny zuguanény, chiy gunabdiidxny laadeb: —¿Xi rnii de bniety, tú nare?

San Lucas 9:28

Chi guc zecti tuxman ni gunii Jesús de diidxqui, güeny láani tuby dany par güenaabny lo Dios. Güenény Bed, Jacob cun Juany.

Hebreos 5:7

Chi gubány Jesucrist lo guɨchliuré quesentiand axtpacza ruunny gurɨdx gunaabny lo Dios ni zelee nildá laany lo guelguty ni gudeedny. Chiy Dios baanny cuend Jesús bdeedny laany valor pur ni bzuubny irate xtiidx Dios.

Judas 1:20

Per laat de saniroldilaaznɨ Jesucrist, gulsutipné ni reldilaaztɨ, te pur guelreldilaazqui ná ni mazru nania. Gulnaab lo Dios cun guelgucné xte Spíritu Sant.