San Juan 4:10 - Zapotec San Juan Guelavía

¹⁰ Chiy raipy Jesús laab: —Belrulati racbiiu ni rcaaz Dios inɨɨdxny liú, ne belrulati racbiiu tú canaab nis liú, liú snaabu nis nare ne nare snɨɨdxa liú nis ni rguaad guelnabány.

San Juan 4:10 Iomraidhean Croise

San Lucas 11:13

Laaclat nát bɨnduld ne nántɨ rdeedtɨ ni rcaaz de lliintɨ, ¡latixcu Xtadnɨ ni rbez llayabaa quɨt inɨɨdxacny Spíritu Sant par de ni rnaabny!

San Juan 16:3

Zundeb ziy, pur ni gady gumbeedeb Xtadnɨ Dios niclɨza nare.

San Juan 17:3

Ne guelnabányqui ná par de ni rumbee dec laatisbiu nábiu Dios ne rumbeezadeb Jesucrist ni bxiaaldbiu lo guɨchliu.

San Juan 3:16

’Ne de tant ni rcaaz Dios bniety guɨchliu ax masquɨ tubyzi Lliinny, per bxiaaldny Lliinny te par irate ni chaldilaaz laany quɨt inittideb lo Dios sino que gapdeb guelnabány par chazy nez lony.

San Juan 4:14

Per elquɨ ni guée nis ni ideeda, quɨtru chúuti dxi idxábni. Te pur nis ni ideedab zacni nez láanbɨ zec tuby rut quɨt rbezti rachy nis, ax anapbɨ guelnabány par chazy.

San Juan 6:35

Jesús ax raipy laadeb: —Nareniy guechtily ni rguaad guelnabány. Ne elquɨ ni gueed cun nare quɨt chúuti dxi ildiaanbɨ. Ziyza ni chaldilaaz nare quɨt chúuti dxi idxáb nis.

San Juan 6:51

Ne nareniy guechtilbány ni biat llayabaa. Elquɨ ni iquiiny guechtilré, zbánybɨ par chazy nez lo Dios. Guechtily ni rdeeda ná lagac xcuerpa. Nare ideedani pur guelnabány xte bniety guɨchliu.

Hechos 9:11

Chiyru raipy Jesucrist laab: —Quegüesú, güe nez ni lá Nez Tibyldí. Chi idzɨniu liz Judas, gunabdiidx pur tuby bniety nguiu ni zá guɨdx Tarso, laab láb Saulo. Te laab caguiin canaabbɨ luaa.

Romanos 8:32

Dios quɨt bcuatiny Lliinny, bsaanny guty Lliinny pur dunnɨ. Ne belati Lliinclany bnɨɨdxny par gutyny pur dunnɨ, ¿latixcu iraru de cos quɨt inɨɨdxny dunnɨ?

1 de Corintios 1:30

Anre pur Dios anát tubyzi cun Jesucrist, ax pur laany raadnɨ guelnán xte Dios. Ne pur ni roldilaaznɨ Jesucrist aquɨt idxáldtin castigu, pur laany ananian ne ardxapzacnɨ perdón lo Dios.

1 de Corintios 10:4

Ne iratezadeb güéedeb nis ni bguaad Dios laadeb, nis ni guch tɨɨx tuby guia. Niy zelo dec desdɨ chiy agac rbezné Crist laadeb nez ruttisy zédeb.

2 de Corintios 9:15

¡Xtiosten Dios pur ni abguaadny dunnɨ pur Lliinny axt niclɨ quɨt rdxialnɨ xa iniin pur ziy!

Efesios 2:8

Pur ni zaac Dios ningui ardxapnɨ perdón, gati pur nátin bɨnzaac nez lony sino que pur guelreldilaaz ax zéed perdón xte Dios.

Hebreos 6:4

Te pur de ni anán pur Dios, de ni agucbee pur de cos xte llayabaa, de ni anán xi run Spíritu Sant,

1 de Juan 5:20

Ne ziyza nánnɨ, Jesucrist Lliin Dios abeedny lo guɨchliuré ax bxalny xquelriennɨ par rdxambeen mermerpac Dios. Dunnɨ rbeznénny pur Lliinny Jesucrist ne laatisny nány Dios, ax pur laany nuu guelnabány par chazy.

Apocalipsis 21:6

Ne guniizacny naa: —Aguc ni ná par gac. Nare naa zec A ne Z, te pur naretizia rnabiia desdɨ gulo ne par chazy. Elquɨ ni rdxá nis, nare ideedab nis ni rachy rut rachy nis xte guelnabány ne iguaadziani.

Apocalipsis 22:17

Spíritu Sant cun dxaap ni gac chial Corder xte Dios, rniideb: —Quedaa. Chiy ni rindiag rniideb ziy, ziyza rniib: —Quedaa. Tutix ni rdxá nis, gueedbɨ, ne ni rcaaz zelee guéeb nis xte guelnabány sin quɨt xi quillytib.

Apocalipsis 7:17

Te pur Corder ni zuguaa rut zuguaa yallily xte Dios, laany icualony laadeb zec ni rcualo tuby pastor de llíily, ax zenény laadeb rut rachy nis ni rguaad guelnabány. Chiy Dios, laany iraany ruu bslodeb irate nis ni biindeb.