San Juan 3:2 - Zapotec San Juan Guelavía

² ax güetixlob Jesús tuby guxin. Chiy raipbɨ laany: —Maistrɨ, dunnɨ nánnɨ dec Dios bxiaald laabiu par iliuubiu dunnɨ, te pur ruteete quɨt tu chaleeti gún saa de milagrɨ ni runbiu belati quɨt rbeznéb Dios.

San Juan 3:2 Iomraidhean Croise

San Mateo 22:16

Ax bxiaalddeb de xpɨndeb cun de xpɨny Herodes par chagaipdeb laany: —Maistrɨ, dunnɨ nánnɨ dec laabiu rueebiu didxldí, ne guldípacbiu rliuubiu xa xquel rcaaz Dios ibány bniety, sin quɨt runtibiu cuend tú ná bniety. Te pur nez lobiu tubylote ná bniety.

San Mateo 23:7

Chiy riulaazdeb gap bniety didxdoo laadeb lo nez, ne gaipza bniety laadeb maistrɨ.

San Mateo 23:8

’Per laat quɨt náti par idxalaaztɨ inii bniety laat maistrɨ, te pur tubylote saat rac. Tubyzi Maistrɨ naptɨ, ne laaniy Crist.

San Marcos 12:14

Ax raipdeb laany: —Maistrɨ, dunnɨ nánnɨ dec laabiu rueebiu didxldí sin quɨt runtibiu cuend tú ná bniety. Te pur nez lobiu tubylote ná bniety, ne guldípacbiu rliuubiu bniety xa xquel rcaaz Dios ibány bniety. Pur ningui, rnabdiidxnɨ laabiu: ¿Ta ná güen idillynɨ xte impuest lo rey César o quɨt náti güen? ¿La sdillynɨ o quɨt idillynɨ?

San Juan 1:38

Deni bziecquilo Jesús, chi gunány zanalddeb laany, ax raipny laadeb: —¿Xi rguíilytɨ? Laadeb ax cuaibdeb: —Maistrɨ, ¿calí rbezbiu?

San Juan 10:38

Per belati cayuna zec ni rniiny, masquɨ quɨt chaldilaaztɨ nare per gulchaldilaaz dec pur laany zéed ni cayuna, te par yalo gacbeet dec rbeznía Dios ne laany rbeznény naa.

San Juan 12:37

Masquɨ zieny milagrɨ ni baany Jesús nez lodeb, per quɨt nialdilaaztidebny

San Juan 14:10

¿Ta quɨt reldilaazu dec rbeznía Xtadnɨ Dios, ne laany rbeznény naa? Irate ni rniia laat quɨt rniitiani pur xgabzia sino que lagac Xtadnɨ Dios ni rbeznía, laaniy runny ni rguiaat runa.

San Juan 15:24

Belati nare quɨt niuna de milagrɨ ni gady tu gúnti, laadeb quɨt xi duldti napdeb zec ni nabánydeb. Per ziy masquɨ agunádeb de ni abaania, laadeb rdxichnégacdeb naa. Ne cun rdxichnédeb nare néza Xtada Diosɨy rdxichnédeb.

San Juan 2:11

Niy ná nidoote milagrɨ ni baany Jesús. Laany baanny milagrɨqui láani guɨdx Caná ni ná nez Galilea. Ziy xquel bliuuny guelrnabee ni napny ax güeldilaaz de xpɨnny laany.

San Juan 20:16

Chiyru raipy Jesús laab: —¡María! Laab bziecquilob ax raipbɨny cun diidx hebreo: —¡Raboni! (zelo diidxqui, Maistrɨ).

San Juan 3:26

Chiyru güegatsdeb Juany: —Maistrɨ, caurienbiu dec bniety ni guzuguanébiu dets gueeu Jordán ni benébiu dunnɨ xtiidxni, anre acatiubnisbɨ de bniety ne iratedeb azenuu laab.

San Juan 4:31

Per lalzi ni zé gunaaqui láani guɨdxqui, de xpɨny Jesús raipdeb laany: —Maistrɨ, bquiinbiu.

San Juan 5:36

Per nare mazru ni iliuua laat que ni bliuu Juany laat pur naa. Te pur ni gunii Xtada Dios gúna, laaniy cayuna anre par iliuu dec didxldícpac Dios bxiaald nare.

San Juan 6:2

Zienguilliú bniety guzanald laany, pur ni agunádeb iralote de milagrɨ ni runny chi rsiacny de bniety racxú.

San Juan 7:31

De lo bniety guilliú ni zuguaa ruy zieny de ni güeldilaaz laany, ax guniideb: —Chi gueed Crist, ¿tatix mazru zieny de milagrɨ gúnny que bnietquɨ?

San Juan 9:16

Chiy nuu de fariseuqui guniideb: —Ni bsiac bsloo gati xpɨny Diosti laab, niyla quɨt rápbɨ didxdoo dxi ni rzilaaz bniety. Per stuudxdeb gunii: —¿Xólesa chalee gúnbɨ de milagrɨc belati bɨnduld laab? Iralozy xquel guniideb

Hechos 10:38

Laat nanldít dec Dios abdeedny Spíritu Sant ne guelrnabee Jesús de Nazaret, ax cuandzány baanny de ni ná güen, bsiacny irate de bniety ni cadeed guelzii pur bɨndxab. Laany güelee baanny ziy pur ni rbeznény Dios.

Hechos 2:22

’Anre gulcuadiag ni iniia laat de bniety Israel: Laat nántɨ dec Jesús de Nazaret, laany gucny tuby bniety ni bxiaald Dios ax baanny de milagrɨ nez lot cun iraloteru ni rdxalo bniety zec tuby seny par gacbezaactɨ dec laany beedny pur Dios.

Filipenses 1:14

Ne chi guná de saniroldilaaznɨ Jesucrist dec nuua láani lizguiib mazru guzutipdeb ne casi iradeb guzaclaazdeb par itɨɨchdeb xtiidxny sin dxiby.