San Juan 19:4 - Zapotec San Juan Guelavía

⁴ Pilat gubíi bdiiab, ax raipbɨ de bniety Israelqui: —Gulguiaa, acuiiab te par gacbeet dec quɨt xi xfaltib rdxiala.

San Juan 19:4 Iomraidhean Croise

San Mateo 27:19

Lalzi ni zub Pilat rut cacáab cuendqui, ax bdzɨny rson xte chialbɨ, raipbɨ laab: “Quɨt xi gunnétiu bnietquɨ te quɨt xi duldti napbɨ, te pur quesentiand rnia gunixcaalda pur laab nuch.”

San Mateo 27:24

Chi guná Pilat dec aquɨt releeti sub lodeb, sino que mazru scandroo cayundeb, chiyru bxiaaldbɨ ni güecáa nis ax gudibynaab nez lo iratedeb, guniib: —Quɨt xi duldti napa gaty bnietré, aríianiy pur laat.

San Mateo 27:4

raipbɨ laadeb: —Abaania duld pur ni baania entriagu tuby bniety ni quɨt xi duldti nap. Chiy cuaibdeb lob: —Ruy quɨt xi riáldtin, ¡niy aríianiy pur liú!

San Mateo 27:54

Chiy capitán cun iraru de suldad ni cacualo Jesús, chi gunádeb cayac llu cun irateru de ni cayacqui, quesentiand bdxibdeb ax guniideb: —Didxldícazaquɨy Lliin Dios bnietquɨ.

San Lucas 23:4

Chiy Pilat raipbɨ de bxoz ni rnabee de bxoz cun irate de bɨny: —Xíteete xfalti bnietré quɨt rdxialtia.

San Lucas 23:41

Dunnɨ riáldquɨpacnɨ guelziic, te pur zeec riáld idillynɨ pur de cos ni abdxannɨ. Per bnietquɨ xíteete mal gady gúntibɨ.

San Lucas 23:47

Chi guná capitán xte de suldad romanqui irate zec ni guc, ax guniib de diidx zaac par Dios. Laab guniib: —Didxldícazaquɨy dec xíteete malti quɨt baanti bnietquɨ.

San Juan 18:33

Pilat gubíi biiub láani palacy, gurɨdxbɨ Jesús ax gunabdiidxbɨny: —¿Ta liúy Rey xte de bniety Israel?

San Juan 18:38

Chiy raipy Pilat laany: —¿Xílezaquɨy didxldí? Chi gulull gunii Pilat ziy, bdiiagacbɨ par gubíi güeninéb de bniety Israel, raipbɨ laadeb: —Xíteete xfalti bnietré quɨt rdxialtia.

San Juan 19:6

Chiy de bxoz ni rnabee de bxoz cun de ni rcualo yudoroo xte Jerusalén, chi gunádebny guzulo rbɨxtiadeb: —¡Bcuaabiub lo cruzy! ¡Bcuaabiub lo cruzy! Chiy raipy Pilat laadeb: —Laat gulchanéb dxa ne gulcuaab lo cruzy, te nare quɨt xi xfaltib rdxiala.

2 de Corintios 5:21

Te pur Jesucrist quɨt xi duldti baanny, per pur de xtuldnɨ bsaan Dios gutyny zec tuby bɨnduld te par pur guelreldilaaz laany, ax acaguiaa Dios dunnɨ zec tuby ni gady gúnti duld.

Hebreos 7:26

Pur ningui laaniy bxozroo ni rquiinnɨ gacné dunnɨ. Te pur laany nány sant, quɨt xi malti runny, nania naniany, irɨnquɨpac nány par bɨnduld, ax rbezny llayabaa cuee Dios.

1 de Pedro 1:19

sino que pur rɨny nasaa xte Jesucrist ni bxíiny chi gutyny zec tuby corder ni nania ne ni quɨt xi náti.

1 de Pedro 2:22

Laany quɨt guuti dxi niunny duld ne niclɨza tuby dixú quɨt bdiiati ruuny.

1 de Pedro 3:18

Te pur axt Crist gudeed guelzii. Laany cun tuby güelt gutyny pur de xtuldnɨ, masquɨ quɨt baantiny duld per gutyny lo xcuendnɨ dunnɨ ni nan bɨnduld, te par chalee idxapnɨ nez par cun Dios. Gutyny zec bniety guɨchliu, per gubíi gubánny pur spírit xtenny.

1 de Juan 3:5

Laat nántɨ dec Jesucrist beedny lo guɨchliu par idzɨcány xtuld bniety, ne laany quɨt guuti dxi ne quɨtza chúuti dxi gúnny duld.