San Juan 16:3 - Zapotec San Juan Guelavía

³ Zundeb ziy, pur ni gady gumbeedeb Xtadnɨ Dios niclɨza nare.

San Juan 16:3 Iomraidhean Croise

San Lucas 10:22

’Xtada abnɨɨdxny nare irate de cos par inabiia dengui. Ruteete quɨt tu gánti túngui Jesucrist Lliin Dios sino que soltisy Dios, ne ziyza soltisy Jesucrist cun de bniety ni reldilaaz laany, laadebɨy ná ni rumbeezadeb Dios.

San Juan 15:21

Irate de cosquɨ gunnédeb laat pur nát xpɨnnia, ne pur ni quɨt rumbeedeb ni bxiaald naa.

San Juan 15:23

te pur de ni rdxichné nare, néza Xtada Diosɨy rdxichnédeb.

San Juan 17:25

Xtada, laatisbiu runbiu zec ni riáld. Masquɨ quɨt rumbee bɨnguɨchliu laabiu, per naa rumbiia laabiu ne de xpɨnniaré anándeb dec laabiu bxiaaldbiu naa.

San Juan 17:3

Ne guelnabányqui ná par de ni rumbee dec laatisbiu nábiu Dios ne rumbeezadeb Jesucrist ni bxiaaldbiu lo guɨchliu.

San Juan 8:19

Laadeb ax gunabdiidxdeb laany: —¿Cúnllɨ xtadu dxa? Jesús cuaibny: —Laat quɨt rumbeetit naa, niclɨza Xtada. Te pur belrulati rumbeet nare ziyza rumbeet Xtada.

San Juan 8:55

Laat quɨt rumbeetitny, per nare rumbiiany. Ne belati iniia laat dec quɨt rumbeetiany, ax anágaca tuby bɨndixú zecac laat. Per nare rumbiiany ne rcuadiagzaca xtiidxny.

Hechos 3:17

’Nare nánna dec laat cun de gurtisy xtentɨ, chi gudinxút Jesús baantɨ ziy sin quɨt gántit xi cayuntɨ.

1 de Corintios 2:8

Niy ná tuby cos ni quɨt niacbeeti de ni rnabee lo guɨchliuré, te pur belrulati niacbeedebni ax quɨt nicuaatideb Xtadnɨ Jesucrist lo cruzy, laany ni rápny guelrnabee.

2 de Tesalonicenses 1:8

Chiy gúnny castigu de bniety ni quɨt rumbee Dios, de bniety ni quɨt rcuadiag diidx chaldilaaz de didxzaac xte Xtadnɨ Jesucrist.

1 de Timoteo 1:13

masquɨ guloqui guniia de diidx mal pur laany, ne guzunaldzaca de ni reldilaaz laany ax quesentiand rnia baania tratdeb. Per Dios blaslaazny nare pur ni quɨt gucbeetia xi cayuna pur ni gady chaldilaaztia Jesucrist.

1 de Juan 2:23

Te pur tutix ni rnii dec Jesucrist gati Lliin Diostiny, laab quɨt rumbeetib Xtadnɨ Dios. Per ni rnii dec Jesucrist ná Lliin Dios, laab rumbeecbɨ Xtadnɨ Dios.

1 de Juan 3:1

Gulgaany xgab xi guroo ná guelrcaaz xte Xtadnɨ Dios par cun dunnɨ. Niyla relee lán de lliin Dios. Ne gati láiztin ziy sino que lliinpacny dunnɨ. Per de ni quɨt zenuu xnez Dios, quɨt rumbeetideb dunnɨ zec de lliin Dios pur ni quɨt rumbeedeb Dios.

1 de Juan 4:8

Ne ni quɨt rcaaz saa bnietni zeczi gady gumbeetib Dios te pur, pur Dios zéed guelrcaaz.

1 de Juan 5:20

Ne ziyza nánnɨ, Jesucrist Lliin Dios abeedny lo guɨchliuré ax bxalny xquelriennɨ par rdxambeen mermerpac Dios. Dunnɨ rbeznénny pur Lliinny Jesucrist ne laatisny nány Dios, ax pur laany nuu guelnabány par chazy.