San Juan 1:1 - Zapotec San Juan Guelavía

¹ Desde anste ni gurixti guɨchliu agac nuu tuby ni lá Diidx. Laany rbeznény Dios ne laazacny nány Dios.

San Juan 1:1 Iomraidhean Croise

San Mateo 1:23

Tuby dxaap sbeznéb necidá xte tuby bdoo ne chi galby idialáby Emanuel, zelo diidxqui: Dios zuguané dunnɨ.

San Lucas 24:53

Ne llillite nuudeb laniudoroo xte Jerusalén rniideb de diidx zaac pur Dios. Amén.

San Juan 1:14

Diidx ni gulezné Dios desdɨ gulo, laany gucny bniety. Gubánny lo guɨchliu cun dunnɨ, ne gati gullieezti ná guelrcaaz xtenny ax púrpac didxldí guniiny. (Dunnɨ gunán guelrnabee xtenny, guelrnabee ni cuáany pur laatisny nány Lliinpac Dios.)

San Juan 1:18

Gady chúuti dxi iniá bniety Dios, quesoltisy tubyzi Lliinny ni rbezné laany abliuu dunnɨ xa ná Dios.

San Juan 1:2

Ni lá Diidxqui agac rbeznény Dios chi guzulo gurixti guɨchliu.

San Juan 16:28

Bdiaa rut rbez Xtadnɨ Dios par belda lo guɨchliuré, anre ax aidiaa lo guɨchliuré par yaicquia rut rbezny.

San Juan 17:5

Anre ni aguedná laabiu, Xtada, bguaadbiu nare guelrnabee zectiziac ni gúpany cun laabiu desde anste ni gurixti guɨchliu.

San Juan 20:28

Chiyru raipy Mally laany: —¡Laabiuy Xtada ne Dios xtena!

San Juan 8:58

Jesús ax guniiny: —Rguixtiia lot dec nare agac nabánia desde anste ni chúu Abraham.

Romanos 9:5

Ne gati zíyziti sino que ziyza lo xfamily de bniety gulal ni baany sirvɨ lo Dios zádeb, lo de bnietiac ni záza Crist chi beedny lo guɨchliu, laany ni nány Dios ni riáld gap bniety didxdoo iduibtiampte pur ni rápny guelrnabee lo irate ni nuu. Amén.

Efesios 3:9

Ne par quixteldía lo iraru bniety xa ná xgab Dios ni banchuu irate, xgab ni quɨt niliuugatiny bniety.

Filipenses 2:6

Te pur masquɨ laany nány Dios per quɨt nizutiptiny dec laany nány Dios

Colosenses 1:15

Quɨt tu chaleeti yianlo Dios. Per Crist ná zectispac ni ná Dios ne laany agac rnabeeny cun Dios desde anste ni gurixti guɨchliu.

Colosenses 1:17

Crist agac nuuny anste ni gurixti guɨchliu, laany zubquiany ne rnabeeny irate.

1 de Timoteo 3:16

Dunnɨ nanchuun dec quesentiand guroo nány, laany ni roldilaaznɨny: Beedny lo guɨchliu zec tuby bniety guɨchliu, gunii Spíritu Sant dec laany nania naniany ne guná de ánglɨ laany beedny lo guɨchliu. Brɨɨch xtiidxny iduibte lo guɨchliu, iranezte güeldilaaz bniety laany ax bieepny llayabaa.

Tito 2:13

lalzi ni canuun idzɨny dxi nasaa ni gac cumplir xtiidxny zec ni aguniiny dunnɨ dec sbíi gueed Dios Xtadnɨ Jesucrist cun guelrnabee xtenny, laany ni baanny perdón de xtuldnɨ.

Hebreos 13:8

Ne Jesucrist lagacniy nay, lagacniy andxiré ne iduibtiampte.

Hebreos 7:3

Melquisedecqui quɨt tu ganti tú rac xtadbɨ, xnanbɨ o tú de rac de to xpɨngul gulalbɨ. Nicza quɨt tu ganti gúc gulbɨ ne gúcza gutybɨ. Laab gucbɨ bxoz zeguaald zecac Jesús Lliin Dios, laany ni anány bxoz par chazy.

2 de Pedro 1:1

Nare Simóny Bed, naa tuby apóstol xte Jesucrist ne cayuna sirvɨ lony. Cacuáa cartré par laat ni naptɨ saatiziac guelreldilaaz nasaa ni rdxapnɨ anre ni arguiaa Dios dunnɨ nania pur ni anan perdón pur Xtadnɨ Jesucrist.

1 de Juan 5:20

Ne ziyza nánnɨ, Jesucrist Lliin Dios abeedny lo guɨchliuré ax bxalny xquelriennɨ par rdxambeen mermerpac Dios. Dunnɨ rbeznénny pur Lliinny Jesucrist ne laatisny nány Dios, ax pur laany nuu guelnabány par chazy.

1 de Juan 5:7

Te pur chon testigu nádeny llayabaa: Xtadnɨ Dios, Jesucrist ne Spíritu Sant ax iyontecny ná tubyzi Dios.

Apocalipsis 1:11

ni gunii: —Nare naa zec A ne Z, de letrɨ ni rzulo ne ni rlull tuby alfabet, te pur naretizia rnabiia. Bcuaa lo guiits irate ni caguiuu chiy bxiaald guiitsqui lo gadz cuaa de xpɨnnia ni rbez nez Asia, láani de guɨdx Efeso, Esmirna, Pérgamo, Tiatira, Sardis, Filadelfia ne Laodicea.

Apocalipsis 1:17

Parzi chi gunáany, biabba nez lony zec tuby bɨnguty. Per laany cun lad naldí bzubnaany quiaa, guniigany: —Quɨt rdxibiu, nareniy ni rnabiia desdɨ gulal ne par chazy.

Apocalipsis 1:2

Ax caniia irate ni ná didxldí pur xtiidx Dios, pur Jesucrist ne pur irate ni gunáa.

Apocalipsis 1:8

Xtadnɨ Dios laany ni napny irate guelrnabee, laany ni nány Dios desde gulal, anre ne iduibtiampte, laany guniiny pur laany: “Nare naa zec A ne Z, de letrɨ ni rzulo ne ni rlull tuby alfabet, te pur naretizia rnabiia.”

Apocalipsis 19:13

Ne dibyrɨntec xabny, ax lány: XTIIDX DIOS.

Apocalipsis 2:8

’Anre bcuaa ni ixiaaldu lo bniety ni rnabee lo de xpɨnnia láani guɨdx Esmirna. Quebcuaa: “Ni rnabee desdɨ gulal ne par chazy, ni guty ne ni agubíi gubány, laany rniiny laat:

Apocalipsis 21:6

Ne guniizacny naa: —Aguc ni ná par gac. Nare naa zec A ne Z, te pur naretizia rnabiia desdɨ gulo ne par chazy. Elquɨ ni rdxá nis, nare ideedab nis ni rachy rut rachy nis xte guelnabány ne iguaadziani.

Apocalipsis 22:13

Nare naa zec A ne Z, de letrɨ ni rzulo ne ni rlull tuby alfabet, te pur naretizia rnabiia desde gulo ne par chazy.

Apocalipsis 3:14

’Anre bcuaa ni ixiaaldu lo bniety ni rnabee lo de xpɨnnia láani guɨdx Laodicea. Quebcuaa: “Laany ni rzuubny xtiidxny, laany ni baanny irate ni ná par gúnny, laany ni guldípacny, laany ni agac rnabeeny cun Dios desdɨ anste ni gurixti guɨchliu, laany rniiny laat: