Apocalipsis 21:3 - Zapotec San Juan Guelavía

³ Ax diipguilliú bindiaga rsee tuby ni gunii nez rut zu yallily xte Dios: —Arbez Dios glay bniety. Laany ibanynény laadeb ne laadeb gacdeb de xpɨnny, chiy laany suguanény laadeb gacny Xtiosdeb.

Apocalipsis 21:3 Iomraidhean Croise

San Juan 1:14

Diidx ni gulezné Dios desdɨ gulo, laany gucny bniety. Gubánny lo guɨchliu cun dunnɨ, ne gati gullieezti ná guelrcaaz xtenny ax púrpac didxldí guniiny. (Dunnɨ gunán guelrnabee xtenny, guelrnabee ni cuáany pur laatisny nány Lliinpac Dios.)

San Juan 14:23

Jesús cuaibny: —Ni rcaaz nare, zunbɨ cuend ni rniia, ax scaaz Xtada laab. Chiy nare cun Xtada yiopldeznénbɨ.

2 de Corintios 6:16

Irɨnquɨ ná de bniety ni reldilaaz Xtadnɨ Dios par de bniety ni reldilaaz de cos ni rlilodeb ná dios. Te pur dunnɨ ni roldilaaznɨ Dios ni rbeznabány, dunnɨ nan xquiudoony, zecquɨ ni cá tuby lat lo xquiitsny rut rnii: Nare sbezníadeb ne suguaníadeb nez ruttisy chiadeb. Nare gaca Dios xtendeb ne laadeb gacdeb de xpɨnnia.

2 de Corintios 6:18

ax nare gaca tuby dad par laat ne laat gactɨ de llingaana ne de llindxaapa. Ziy rnii Xtadnɨ Dios, laany ni napny irate guelrnabee.

1 de Tesalonicenses 3:11

Xtadnɨ Dios ne Dad Jesucrist gacnény dunnɨ chalee yiopguiaan laat.

Hebreos 11:16

Per ziy, laadeb mazru rundeb xgab pur tuby lat rut ná mazru güen, mazru rundeb xgab pur llayabaa. Pur ningui Dios quɨt rtiulotiny nány Dios xtendeb, ax abanzaacny tuby lat rut cuezdeb llayabaa.

Hebreos 8:10

Ne ziyza guniiny: Squé xquel abíian diidx gac cun de bniety chi idzɨny dxi: Láani quiadeb isáana de ley xtena ne láani lazdoodeb icuáani. Chiy nare gaca Xtiosdeb, ax laadeb gacdeb de xpɨnnia.

Hebreos 8:2

Ruy anuuny de bxoz, laniudoo ni bzuub Dios, gati bɨnguɨchliuti.

Apocalipsis 10:4

Chi gulull gunii gadz guziuuqui, anicuáa ni gunii de guziuuqui, chiy bindiaga rsee tuby ni guniné nare desdɨ llayabaa, guniib: —Quɨt icuaatiu ni gunii gadz de guziuuqui, te pur quɨt náti par gacbee de bnietni.

Apocalipsis 10:8

Chiyru gubíi guniné ni guniné nare desde llayabaa, guniib: —Quegüecáa libreen ni zullal lonii laznaa ánglɨ ni zuldí lo nisdoo ne lo guɨchliu.

Apocalipsis 12:10

Chiyru diipguilliú bindiaga rsee tuby ni gunii desdɨ llayabaa: —Abdzɨny dxi ni bldá Dios dunnɨ, abdzɨny guelrnabee xtenny ni inabeeny cun Jesucrist, te pur agubicá ni rbaaicqui xquej de sáan, laab ni rbaaicquibɨ xquejdeb lo Xtadnɨ Dios rdxi ne guxin.

Apocalipsis 21:7

Bniety ni gún gan lo duld, ziáldbɨ irate de cosquɨ. Ne nare gaca Dios xtenbɨ, chiy laab gacbɨ lliinia.

Apocalipsis 22:3

Ruy aquɨtru xi malti chúu, Dios cun Corder xtenniy cuez lo yallily xtenny láani guɨdxqui, chiy ito de xpɨnny laany.

Apocalipsis 7:15

Pur ningui, zuguaadeb nez lo yallily xte Dios, ax rdxi ne guxin cayundeb sirvɨ rut rbezny. Chiy laany ni zubny lo yallilqui azuguanény laadeb, ax laany icualony laadeb.