Apocalipsis 14:3 - Zapotec San Juan Guelavía

³ Ne tuby cant cubiy cayuulddeb nez lo yallily rut zub ni rnabee ne nez lo idapte de many ni zuguaa ruy cun nez lo irate galdbitap de bɨngul. Ruteete quɨtru tu chaleeti iseed cantqui, soltisy tuby gayuaa cuarenta y cuatro mily de bnietqui, laadeb ni guládeb lo de bɨnguɨchliu.

Apocalipsis 14:3 Iomraidhean Croise

1 de Corintios 1:18

Irate ni rniin xi pur guty Jesucrist lo cruzy, xíteete sactini par de ni zé nez mal. Per par dunnɨ ni ardxapnɨ perdón, quesentiand sac guelguty xtenny te pur ziy racbeen guelrnabee ni ráp Dios par ichuny zec ni nabánnɨ.

1 de Corintios 2:14

Per bniety ni quɨt rbezné Spíritu Sant quɨt reldilaaztib de cos ni zéed pur Dios ni rliuu Spíritu Sant dunnɨ, te pur par laab ni quɨt illiúziy. Ax quɨt xo gacbeetib de cos xte Dios te pur axtisy cun guelgucné xte Spíritu Sant par gacbee bniety xi zeloni.

Apocalipsis 14:1

Ziyza gunáa zuguaa Corder xte Dios quia dany ni lá Sión. Corderqui zuguanény tuby gayuaa cuarenta y cuatro mily bniety, iratedeb cá lá Corderqui ne lá Xtadny locuadeb.

Apocalipsis 15:3

Ax cayuulddeb cant xte Moisés xpɨny Dios ne cant xte Corder xte Dios, cantqui rnii: Quesentiand guroo ne ni idxalocpac bniety de cos ni runbiu, Xtadnɨ Dios ni nap irate guelrnabee. Xnezquɨpacni ne zecquɨpac ni riáld runbiu, laabiu ni rnabeebiu lo irate bɨnguɨchliu.

Apocalipsis 2:17

De ni rcaaz icuadiag, gulcuadiag ni rnii Spíritu Sant par de xpɨnnia: Bniety ni gún gan lo duld, nare sdeedab iquiinbɨ maná, aliment xte llayabaa ni quɨt rumbeeti bniety. Ne sdeedzacab tuby guia nguits rut cá lá cubybɨ ni quɨt tu gánti sino que soltisy laab ni icáab guiaqui gacbeebni.”

Apocalipsis 5:9

De bɨngulqui ruulddeb tuby cant cuby ni rnii: Laabiu riáldbiu icáabiu guiitsquɨ ne idzɨcábiu de sei ni guiidyni. Te pur laabiu gutybiu ax cun rɨny xtenbiu ni bxíibiu gudillybiu pur iralote bniety par gacdeb xpɨny Dios, quɨt xi gúnti xi diidx rueedeb, o calí lo family, o calí guɨdx, o xi lo nacionza zádeb.

Apocalipsis 7:4

Ax bindiaga bélddeb cua seiqui locuani. Pur irate de bniety Israel, tuby gayuaa cuarenta y cuatro milydeb cua seiqui locuani.