Zaji 5:5 - Yaouré

⁵ Ɛn "nyian bɛ fɛ -tʋ 'ka 'klɩlɛ 'ka man dɩ, 'ka 'ci 'sɔ wɩnun pɛɛnɔn drɛ 'trɛda. 'Trɛda -nyan tʋ 'bɔ 'kogo, 'pian te ka -ko fɛnun -blɩdɩ -a, ɛn ka -ko bɔadɩ -a "le -sru nɛn o cɩ -a 'lɛ bʋnan 'nan -e 'o -blɩ bɛ -yee 'wɩ 'zʋ.

Zaji 5:5 Iomraidhean Croise

Zozi Crizi -le 'wɩ 'nɔnnɔn nɛn Luk -a crɛn -tɛ 16:19

"Bɛ -sru Zozi -kɔnnɛn "tʋ -fɔ "nyian. E 'nan: «Fɛzan -tʋ a. Min zɩɛ mingɔnnɛnnun da sɔ nɛn -a 'flɛ cɩ bɛ, -nyrɛn yaa wo. Ɛn tʋ -tʋdʋ pɛɛnɔn man te -a ci a 'e 'sɔdɩ, te e "fɛdi -ble.

Zozi Crizi -le 'wɩ 'nɔnnɔn nɛn Luk -a crɛn -tɛ 16:25

Ɛn Abraam "e -yrɛ 'nan: ‹'Mɛn 'nɛn, -a -cin 'e 'tɔ 'i 'ji 'nan, tʋ nɛn i ya 'trɛda bɛ i "yi 'yɩ, te Laza "e yra ye. -Yee "wɛan 'bɛ nɛn 'gʋɛ, -a "sii tʋ 'bɔ ɛn 'yie yra yɩ tʋ 'bɔ.

Rɔmɛn 13:13

-Cee 'ta wʋ -pɛ 'e 'kɔn tɩglɩ, ɛn 'e 'kɔn 'wein minnun pɛɛnɔn 'le vɛ -a, -e o yiɛ 'e 'nan -kaa man. Te -kaa fɛ -blɩ 'e 'ciɩla "da "dɩ! Ɛn te -kaa wɛn mlin 'e 'ciɩla "da "dɩ! Te -kaa nyin lɩ -sru te -kaa nan "cɛɛ dɩ! Ɛn te -kaa nyin -kɔnnɛn -sru te -kaa sran "cɛɛ dɩ! Te 'ka drɛ lɩ -wɛɛnɔn 'a dɩ, ɛn te 'ka drɛ -kɔnnɛn -wɛɛnɔn 'a dɩ! Te -kaa 'wɩ 'blɩ dɩ, ɛn te -kaa man bʋ dɩ!

1 Timote 5:6

'Pian lɩmɔn nɛn e ya -cale -a, ɛn -a 'bɔ ci 'sɔ wɩnun -sru "nɛn e 'ta wo bɛ, -te -a yiɛ a "man oo, Bali "le 'va bɛ, e ya min -kadɩ -a.

2 Timote 3:4

O wlɛ -fɔdɩ ye "yi, ɛn -te o ya "vale 'nan 'o fɛ -tʋ ye bɛ, wa'a 'ci nrɔnman 'o bɔɛzan pee -le 'wɩ 'a "fo "dɩ, kɔɔ 'fli drɛdɩ -dandan o 'sa. Wa'a Bali ye "yi "fo "dɩ, o 'bɔ 'ci 'sɔ wɩ nɛn waa ye "yi.

2 Piɛri 2:13

'Wɩ 'wlidɩ "nɛn waa drɛ bɛ, o -taa -a "nɛn "yɩlɛ yra yɩdɩ -a. -Te tʋ cɛɛn bɛ, 'wɩ nɛn e 'o ci "nranman bɛ -nyrɛn "fɛdi -blɩdɩ -a. Minnun zɩɛ -te o yra 'cee -blɩfɛ -sru "bɛ, 'wɩ nɛn e ya paan "le 'e o -tɛ 'yra -a bɛ, e o ci "nranman. Wɛɛ -maan minnun 'ka 'tɔ srɛman.

'Fluba nɛn Zud -a crɛn -tɛ 1:12

-Te Zozinɔn 'o cin 'yɩ 'nan, -e 'o fɛ -blɩ 'e cin va bɛ, vɛ -mienun zɩɛ o ya 'o yei. 'Yra 'ka 'o yiɛ man fɛ -blɩnan dɩ. O 'bɔ 'pɔn -ji fɛ nɛn waa -wɛɛman. Wɛɛ -maan minnun 'ka 'tɔ srɛman. Vɛ -mienun zɩɛ o ya "le 'nan laa 'bɛ wla "ji, 'pian 'yi 'ka "ji -e 'e 'fɛn dɩ, fulɔ -ciala waa "da. Ɛn o ya "nyian "le yiba "nɛn -a ba tʋ 'bɔ, te -a 'blʋ "ka "man "dɩɛ, -yee 'wɩ 'zʋ. O ya "le yiba "nɛn waa 'sʋra bɛ, -yee 'wɩ 'zʋ. O -ka "fo.

Apokalis 18:7

'Fla zɩɛ, zɩ 'e 'tɔ 'wɩdɩ 'yɩ "yi ɛn e fɛ yɩdɩ 'yɩ "yi "bɛ, -a da nɛn o 'tɛ "paa "da, ɛn -a da nɛn waa ta dra -trɔdrɔ. Yaa 'vɩ 'e 'fli man 'nan, e ya mingɔnnɛn -blɩnan, ɛn -kɔnnɛn 'ka 'kalɛ 'e da dɩ, ɛn 'e 'ta 'ka 'li 'dra -trɔdrɔ "fo "dɩ.