Zaji 2:9 - Yaouré

⁹ 'Pian -te ka min 'bʋ "va "bɛ, te ka 'wɩ 'wlidɩ drɛ. Ɛn te Bali -le -pei zɩɛ e tin -tɛa 'ka da Bali 'lɛ.

Zaji 2:9 Iomraidhean Croise

Zozi Crizi -le 'wɩ 'nɔnnɔn nɛn Zan -a crɛn -tɛ 16:8

-Te e -ta bɛ, 'wɩ nɛn e cɩ 'wɩ 'wlidɩ "a bɛ 'lee 'wɩ nɛn e cɩ 'wɩ tɩglɩ 'a bɛ 'lee Bali -le tin 'badɩ bɛ, -yɛɛ -ci -kɔɔnman 'trɛdanɔn lɛ.

Zozi Crizi -le 'wɩ 'nɔnnɔn nɛn Zan -a crɛn -tɛ 8:46

Min -tʋ 'ka 'ka yei -e 'e -ci -kɔɔn 'nan an 'wɩ 'wlidɩ drɛ dɩ. Ɛn -te 'wɩ tɩglɩ nɛn maan ve bɛ, -mɛ "le "wɛan ka'a yi 'tɛala 'an da dɩ?

Zozi Crizi -le 'wɩ 'nɔnnɔn nɛn Zan -a crɛn -tɛ 8:9

Zɩ Farizɛn 'nɔn 'lee 'fluba 'ci vɩnɔn 'bɔ 'wɩ zɩɛ -a 'man bɛ, ɛn o pɛɛnɔn 'kʋ -tʋdʋ. Min cejenun 'bɛ 'kʋdɩ 'sia 'e 'flin. -A -nan nɛn lɩ bɛ e -fʋ 'e 'tɔdɩ Zozi 'lɛ 'e -tʋwli minnun yei.

Drɛwɩ (Actes) 10:34

-A -nan nɛn Piɛri -a 'bɔla 'e 'le 'nan: «'Wɩ 'kpa nɛn, maan -tɔ "mɛn 'nan, Bali 'ka min bo "va "dɩ.

Rɔmɛn 3:20

-Yee "wɛan 'ta wʋladɩ Bali -le -pei -tɔ wɩnun da min 'bɔ 'le 'plɛblɛ 'a bɛ, -a man "cɛɛ Bali min "siala min tɩglɩ 'a 'e 'lɛ dɩ. 'Pian Bali -le -pei -tɔ wɩnun 'bɛ -maan ɛn min -a -tɔa 'nan e ya 'wɩ 'wlidɩ "drɛzan.

1 Korɛnti 14:24

'Pian -te Zozinɔn pɛɛnɔn zɩɛ o ya Bali 'lewei vɩnan, ɛn min nɛn ya'a yi tɛala Bali da dɩɛ, -te 'bɛ "cɛɛ dɩ, Zozizan nɛn ya'a tian 'wɩ zɩɛ -a -nan yɩlɛ dɩɛ, 'e -wla o va bɛ, 'wɩ pɛɛnɔn nɛn o cɩ -a vɩnan bɛ, -yee "wɛan e 'yee 'wɩ 'wlidɩ -tɔa 'e 'bɔ 'a, -e -a -wulo -ji "nrɔndɩ 'e tin -tɛ "da.

Galatɩ 2:19

'An 'bɔ 'le vɛ bɛ, -pei -le 'plɛblɛ 'ka "nyian 'an da dɩ, kɔɔ an -ka 'wɩnun zɩɛ -yee "wɛan. 'Bɛ nɛn 'gʋɛ, an ya 'an 'belidɩ Bali -le vɛ -a. 'Kʋ 'vale Crizi -a kʋɛ drɛ min -tʋwli "a, ɛn kʋ -ka yiba "plan da.

1 Zan 3:4

Min nɛn e 'wɩ 'wlidɩ "dra bɛ, te -a pei a 'e 'padɩ Bali man, kɔɔ 'wɩ 'wlidɩ "drɛdɩ bɛ, e ya pei 'padɩ -a Bali man.

'Fluba nɛn Zud -a crɛn -tɛ 1:15

-e 'e 'trɛdanɔn pɛɛnɔn 'le tin 'ba. E 'wɩ "nɛn -kɔɔnman minnun nɛn o drɛ wɩ cɩ -wlidɩ "bɛ -wlɛ, 'wɩnun nɛn waa drɛ "va 'zia -wlidɩ 'lee 'wɩnun nɛn waa 'vɩ "va 'zia -wlidɩ "bɛ -a man.»