Zaji 2:7 - Yaouré

⁷ Ɛn -wɛɛ 'tɔ "srɔnman 'tɔ fɛnyian nɛn Zozi Crizi 'tɔ a bɛ -a man.

Zaji 2:7 Iomraidhean Croise

Matie 1:23

«"I 'yiɔ! Nɔnbɛ "nɛn, ya'a tian 'kɔnnɛn -tɔlɛ dɩɛ, 'e 'pɔn "sia, -e 'e 'nɛn 'klɔnmɔn -ya, waa 'tɔ "paa Emanuɛl.» Emanuɛl -ci nɛn 'nan, Bali a -kaa 'va.

Matie 12:24

Zɩ Farizɛn 'nɔn 'wɩ nɛn minnun -a 'vɩ bɛ -a 'man bɛ, ɛn waa 'vɩ -wlɛ 'nan: «-Yʋnun tazan Bɛlzebul -le 'plɛblɛ 'a nɛn min 'labɛ e -yʋ -wlidɩnun -pian "minnun -sru.»

Matie 27:63

O 'nan -yrɛ 'nan: «'Kʋ 'san, 'wɩ 'tʋ -cin -trɔa 'kʋ 'ji, -yee "wɛan nɛn kʋ -ta. 'Wluzan 'labɛ, te -a yiɛ a tian "man "bɛ, e 'nan, -te e -ka bɛ, e yi dra yaaga -e 'e 'wluan 'kanɔn 'va.

Drɛwɩ (Actes) 11:26

Zɩ yaa 'yɩ bɛ, ɛn o -ta 'o 'vale -a Antiɔs. Waa drɛ lɛ -tʋ Antiɔs -leglizi -ji. O 'pa o va, ɛn o Bali -le 'wɩ paa minnun "kaga 'ji. Antiɔs nɛn o minnun nɛn o 'ta 'wʋla Zozi 'le 'wɩ da bɛ o 'tɔ 'pa 'e tɛdɛ Crizi -le minnun.

Drɛwɩ (Actes) 15:17

'dʋ -e min -mienun nɛn o -fʋ bɛ, 'o Minsan -wɛɛ 'o 'vale 'lɛglɔn -mienun nɛn 'an 'tɔ yra o man bɛ waa.

Drɛwɩ (Actes) 26:11

An ciɩ cin yɩ 'kɔn 'tʋdʋ pɛɛnɔn 'ji, te an Zozinɔn -sɔan. An -tɔa "o -sru "sa -a, te o "we "wlidɩ Zozi man. 'An 'ci a 'e srɛdɩ o man "bʋʋ -le "wɛan, an 'tɛ 'pa o da, ɛn an -kʋ 'tɛ 'palɛ o da 'flanun nɛn -pɛn da bɛ -a da.

Drɛwɩ (Actes) 4:12

-A 'saza 'va nɛn 'belidɩ cɩ, -yɛɛ cɩ 'nan lakɔlɛ 'wlu 'gʋ, Bali 'ka 'tɔ 'tʋ -nɔnlɛ minnun lɛ -e min 'e 'ciɩla "va -e 'e 'belidɩ yɩ dɩ.»

Efɛz 3:15

-Yɛɛ cɩ 'lɛglɔn 'tʋdʋ pɛɛnɔn nɛn 'trɛda 'lee laji lou "bɛ -a san -a.

1 Timote 1:13

'E tɛdɛ bɛ, an wɩɩ Zozi 'bɔ man -wlidɩ, ɛn an 'tɛ 'pa Zozinɔn da, te an -kuli -taan "o man. 'Pian 'an nyrinda -sɛn Bali da. Tʋ zɩɛ -a man bɛ te ma'an yi tɛala Zozi da dɩ, ɛn 'wɩnun nɛn maan dra bɛ, ma'an -ci tɔa dɩ, -yee "wɛan 'an nyrinda -sɛn Bali da.

1 Piɛri 4:16

'Pian -te 'ka 'va min -tʋ a, ɛn e ya 'e yra yɩnan, 'nan e ya Zozizan -a -le "wɛan bɛ, te 'wɩ zɩɛ -a 'yra 'e -tɛ dɩ, 'pian 'e Bali 'tɔ drɛ -dan 'wɩ zɩɛ -yee "wɛan.

Apokalis 19:13

Sɔ nɛn e ya 'e 'fɔdɩ nyɛn -a bɛ, -a 'bɔ nɛn 'e wʋdɩ "da. O min 'bɔ laabo Bali wei.

Apokalis 19:16

'Tɔ 'tʋ a 'e 'crɛn -tɛdɩ -yee sɔ da -a "pin "man. Waa crɛn -tɛ 'nan: Mingɔnnɛnnun da mingɔnnɛn, ɛn minsannun da Minsan.