Filipʋ 4:10 - Yaouré

¹⁰ 'Pa nɛn ka -ta "nyian -a wʋlɛ 'an 'va bɛ, yaan 'ci nran e -ciala "da. Ɛn 'wɩ nɛn kaa drɛ zɩɛ -yee "wɛan an Minsan muo -fɔa -dan. Maan -tɔa 'nan, kaa man -wɛɛman tʋ pɛɛnɔn man, 'nan 'ka -taa 'palɛ 'an 'va, 'pian -si nɛn kɔ 'ka 'sia bɛ ka'a -kɔlalɛ -a yɩdɩ -a dɩ.

Filipʋ 4:10 Iomraidhean Croise

2 Korɛnti 11:9

-A -cin 'e 'tɔ 'ka 'ji 'nan, tʋ nɛn maan drɛ 'ka 'va ɛn "lala 'wɩ 'tɔ 'an man bɛ, ma'an 'silɛ 'ka 'va min -tʋ -lɔ dɩ. 'Pian -kaa "bʋɩ Zozinɔn nɛn Masedɔa 'lɛglɔn 'ji bɛ -wɛɛ ta 'palɛ 'an 'va "lala "nɛn -a 'wɩ cɩ 'an man bɛ -a. Maan wɛɛ 'nan te 'an 'kɔn 'ka 'win -ji -trɔ -a dɩ. Ɛn maan dra tian zɩ.

2 Korɛnti 6:7

Ɛn "nyian bɛ, kʋ Bali -le 'wɩ tɩglɩ 'vɩ minnun lɛ, ɛn Bali ciɩla 'kʋ va e 'yee 'plɛblɛ ci kɔɔn minnun lɛ. 'Wɩ tɩglɩ nɛn kʋa dra, -yɛɛ cɩ 'kʋe 'kuli 'tan vɛ -a, ɛn -yɛɛ 'wɩ "sia 'kʋ man.

Galatɩ 6:10

'Wɩ zɩɛ e ya 'wɩ tɩglɩ 'a, -yee "wɛan -te -a -nan a -kaa 'lɔ bɛ, -kaa "yi "drɛ min pɛɛnɔn lɛ, 'pian -kaa 'sia -kaa "bʋɩ Zozinɔn da!

Galatɩ 6:6

Min nɛn o Bali -le 'wɩ 'nɔnnɔn "paaman "ji "bɛ, -a san zɩɛ fɛ pɛɛnɔn nɛn yaa ye bɛ, 'e min nɛn yaa "paaman "ji "bɛ -yee "nɔn.

Filipʋ 1:1

'An 'bɔ Pɔl 'lee Timote nɛn kʋ cɩ Zozi Crizi 'sunɔn 'a bɛ, kʋɛ 'fluba 'gʋɛ -a crɛn -tɛ. Kʋa crɛn -tɛ minnun pɛɛnɔn nɛn o drɛ Zozi Crizi -le vɛ -a ɛn o ya Filipʋ 'fla bɛ -wlɛ. Kʋa crɛn -tɛ minnun nɛn 'o yiɛ -tɔa -leglizi -va 'lee minnun nɛn o "paa o va bɛ -wlɛ.

Filipʋ 1:3

Tʋ -tʋdʋ pɛɛnɔn man -te 'ka 'cin -trɔa 'an 'ji bɛ, an 'mɛn Bali muo -fɔa.

Filipʋ 2:30

Kɔɔ Zozi Crizi -le 'nyranman 'padɩ -le "wɛan -a -kadɩ -fɔla tʋ. 'Pian 'e 'bli 'si 'yee 'belidɩ lɛ, ɛn e 'pa 'an 'va, ka 'ka 'nan -kogo dɩ -le "wɛan.