Ebre 2:3 - Yaouré

³ 'Wɩ 'tʋwli zɩɛ, -yɛɛ bɔa "nyian min nɛn ya'a 'wɩlɛ "man -e Bali 'e 'si 'wɩ 'ji dɩɛ -a man. Bali 'wɩ "nɛn -kɔɔnman -yrɛ, e -ciala "da. Zozi nɛn Minsan a bɛ, -yɛɛ 'vɩ 'e tɛdɛ 'nan Bali min "sia 'wɩ 'ji. Minnun nɛn o 'wɩ zɩɛ -a 'man bɛ, waa 'vɩ -cɛɛ 'wein 'nan 'wɩ 'kpa nɛn.

Ebre 2:3 Iomraidhean Croise

Matie 23:33

Ka ya min -wlidɩnun -a! Bali -le tin -tɛa 'ka da -kpɔ. Te -a -cin 'e 'kɔn 'ka 'ji 'nan, 'tɛ nɛn ya'a 'driman dɩɛ e 'ka "bluman dɩ!

Matie 4:17

Tʋ zɩɛ -a man nɛn Zozi Bali -le 'wɩ vɩdɩ 'sia. Yaa 'vɩ 'nan: «'Ka 'si 'wɩ 'wlidɩ "drɛdɩ man -e 'ka 'fli -nɔn Bali lɛ! Bali -le mingɔnnɛn -blɩdɩ 'bɔ 'kogo.»

Mark 1:14

Zɩ minnun Zan -fɔ -pʋ 'kuin bɛ, ɛn Zozi 'li 'e da Galile 'lɛglɔn 'ji. -A -nan nɛn e Bali -le 'wɩ 'nɔnnɔn vɩdɩ 'sia minnun lɛ. Yaa 'vɩ -wlɛ 'nan:

Zozi Crizi -le 'wɩ 'nɔnnɔn nɛn Luk -a crɛn -tɛ 1:2

Minnun nɛn 'wɩnun zɩɛ o drɛ o yiɛ man -a pou sianan "bɛ, -wɛɛ 'sinan 'pa 'kʋɛ. Ɛn 'o 'bɔ nɛn Bali o 'pla 'nan 'o 'yee 'wɩ 'nɔnnɔn fuila "man.

Zozi Crizi -le 'wɩ 'nɔnnɔn nɛn Luk -a crɛn -tɛ 1:69

Bali -ta min 'plɛblɛ nɛn e -kɔlaman e min "sia 'wɩ 'ji bɛ -a -cɛɛ. -Yee 'nyranman 'pazan David kluda min nɛn.

Zozi Crizi -le 'wɩ 'nɔnnɔn nɛn Luk -a crɛn -tɛ 24:19

Ɛn Zozi -a laabʋ -wlɔ 'nan: «-Mɛ "wɩ 'bɛ drɛ Zeruzalɛm?» -A -nan nɛn o 'nan -yrɛ 'nan: «Nazarɛtɩ min Zozi 'le 'wɩ nɛn. Bali 'lewei vɩzan -dan nɛn. 'Wɩnun nɛn yaa 'vɩ, 'lee 'wɩnun nɛn yaa drɛ bɛ, -wɛɛ -ci -kɔɔnman 'nan Bali 'bɛ 'pa 'sia, ɛn minnun -a -tɔ 'nan 'wɩ 'kpa nɛn.

Zozi Crizi -le 'wɩ 'nɔnnɔn nɛn Zan -a crɛn -tɛ 15:27

'Ka 'bɔ "nyian, cɛɛ 'an 'nan wɩ ve minnun lɛ. Kɔɔ -e 'e 'sia 'mɛn 'nyranman pou sianan "trilii -e 'e bɔ cɛɛgʋ yi -a bɛ, ka -fʋ 'an "srɔn.

Drɛwɩ (Actes) 2:22

Ɛn Piɛri "e 'nan "nyian 'nan: «Izraɛl 'nɔn 'ka "trɔɛn "tɔ: Nazarɛtɩ min Zozi 'ta 'trɛda, -cɛ -srɔn "wɩnun nɛn Bali ciɩla "va, ɛn yaa drɛ bɛ, yaa -kɔɔnman 'wein 'nan Bali 'bɛ 'pa 'sia.

Drɛwɩ (Actes) 4:12

-A 'saza 'va nɛn 'belidɩ cɩ, -yɛɛ cɩ 'nan lakɔlɛ 'wlu 'gʋ, Bali 'ka 'tɔ 'tʋ -nɔnlɛ minnun lɛ -e min 'e 'ciɩla "va -e 'e 'belidɩ yɩ dɩ.»

Rɔmɛn 11:14

Kɔɔ -a -cin a 'an 'ji 'nan, 'cee drɛdɩ min tɩglɩ 'a Bali 'lɛ 'le "wɛan bɛ, man bʋdɩ -wlamlan 'an "bʋɩ Zuif 'nɔn 'ji, -e 'o man -wɛɛdɩ 'sia 'nan Bali 'e 'o 'sia min tɩglɩ 'a 'e 'lɛ. 'Wɩ zɩɛ -yɛɛ -maan 'lɔɔ -e 'an -kɔla o "fli yaa 'sidɩ -a 'wɩ 'ji.

Rɔmɛn 2:3

I tin -tɛa "minnun zɩɛ o da, te i ya 'wɩ 'wlidɩ "drɛzan "le -wee 'wɩ 'zʋ. -Te -a -cin a 'i 'ji 'nan Bali 'ka tin tɛa 'i da dɩɛ, te i ya 'i 'fli see "paanan.

1 Korɛnti 1:21

Fɛ -le "wɛan nɛn an 'wɩ zɩɛ -a 'vɩ bɛ, -yɛɛ cɩ 'nan blamin 'ka 'kɔlaman -e 'e Bali -tɔ 'yee 'wɩ 'tɔdɩ -a dɩ. Bali 'bɔ 'bɛ 'wɩ zɩɛ -a drɛ 'yee 'wɩ 'tɔdɩ -a. Yaa 'yɩ "yi 'nan, min nɛn e yi -tɛra 'wɩ nɛn kʋa ve 'cɛɛ bɛ -a da bɛ 'e "sia 'wɩ 'ji. 'Wɩ zɩɛ te kʋ ya -a vɩnan 'cɛɛ bɛ, minnun -a maan "le klin "tɛ wɩ -zʋ.

1 Tesalonik 5:3

Tʋ nɛn minnun -a ve 'nan, 'o 'fʋ -trɔɔ, 'wɩ 'tʋ 'ka 'o man dɩɛ, 'nun tɔɔn -e 'wɩ yɩdɩ -dan zɩɛ 'e bɔ o man kligli. E dra "le zɩ 'nɛn 'yadɩ -le ci "yaa -pɔnzan "kuan bɛ -yee 'wɩ 'zʋ. Min -tʋ 'ka 'so -yrɔ "fo "dɩ.

1 Timote 1:15

Zozi Crizi -ta 'trɛda 'nan, -e 'e 'wɩ 'wlidɩ "drɛnɔn 'si 'wɩ 'ji. 'Wɩ zɩɛ 'wɩ tɩglɩ nɛn. E ya "le min 'e yi -tɛra "da "fo. 'I 'ci "nrɔn 'mɛn 'wɩ da. An 'wɩ 'wlidɩ drɛ 'e mlinla "da,

'Fluba nɛn Pɔl -a crɛn -tɛ Tit lɛ 2:11

'Wɩ pɛɛnɔn zɩɛ -a 'bɔ nɛn 'i 'cin -tɔ minnun ji, kɔɔ Bali 'yee "yi "nɛn e cɩ blamin pɛɛnɔn 'si 'wɩ 'ji vɛ -a bɛ -a ta 'bɔla.

Ebre 1:1

'Li 'e tɛdɛ bɛ, Bali ciɩla 'e 'lewei vɩnɔn 'va, ɛn e 'wɩ tin 'ba -kaa tranun lɛ. E 'wɩ tin 'ba -wlɛ 'e 'pa -a "kaga, ɛn e ciɩla 'pɛ "kaga "ji te yaa tin "baa -wlɛ.

Ebre 1:14

Bali -le 'pasianɔn nɛn laji bɛ -wee vɛ a "mɛ 'kɔ? O ya Bali 'sunɔn 'a, ɛn Bali o "paa -sia 'nan 'o 'pa minnun nɛn Bali o "sia 'wɩ 'ji bɛ o va.

Ebre 1:2

'Pian tʋ -nyranman nɛn -kaa cɩ -ji 'gʋɛ, Bali 'e 'fli kɔɔn -cɛɛ 'e 'pɩ -a. Bali ciɩla "va, ɛn e fɛ pɛɛnɔn drɛ. Fɛ pɛɛnɔn 'bɔ zɩɛ Bali -a -nɔn -yrɛ -yee vɛ -a.

Ebre 12:25

'Ka drɛ "yi! -Te Bali a 'wɩ tin 'banan 'cɛɛ bɛ, te 'ka -fɔla 'ka "trɔɛn -sru "dɩ! Bali 'wɩ 'pla Izraɛl 'nɔn lɛ Sinai pɔn "srɔn, 'pian 'wɩ zɩɛ waa -fɔla 'o "trɔɛn -sru, ɛn Bali 'wɩ "nɛn kɔɔn -wlɛ. 'Bɛ nɛn 'gʋɛ, Bali a laji ɛn e ya 'wɩ planan -cɛɛ. -Te -kaa 'wɩ zɩɛ -a -fɔla -kaa "trɔɛn -sru "bɛ, Bali 'wɩ "nɛn -kɔɔnman -cɛɛ -kpɔ.

Ebre 4:1

-Te Bali -a 'vɩ 'nan, e fɛ -tʋ -nan 'pla minnun -le 'flinla "nan "a bɛ, -kaa yiɛ 'tɔ -kaa fli -va, "tɔgɔ -kaa 'va min -tʋ 'e vɩlɛ 'e bɔ 'flinla "nan zɩɛ -a -nan dɩ!

Ebre 4:11

-Yee "wɛan -kaa -cee 'plɛblɛ pɛɛnɔn 'sia, -e -kaa bɔ 'flinla "nan zɩɛ -a -nan! -Kaa drɛ zɩɛ, -e min -tʋ 'e vɩlɛ 'e 'kɔn -kaa yei -e 'e 'wɩ drɛ "le -kaa tranun -le 'wɩ 'zʋ dɩ. Wa'a 'ta wʋlɛa Bali wei da dɩ, ɛn wa'a bɔlɛ 'flinla "nan zɩɛ -a -nan dɩ.

Ebre 5:9

Zɩ Zozi cɛɛn 'wɩ pɛɛnɔn 'lɛ sɔɔdɩ man Bali 'lɛ bɛ, -a -nan nɛn e drɛ minnun pɛɛnɔn nɛn o 'ta 'wʋla -a wei da bɛ o 'sizan 'wɩ 'ji -a 'li 'trilii.

Ebre 9:28

'Wɩ 'tʋwli zɩɛ Crizi -a drɛ, e -ka 'e 'pa -a -tʋwli "cɛ 'nan, -e Bali 'e min "kaga 'le 'wɩ 'wlidɩ 'fui. Crizi -ta pee wo "nyian, 'pian ya'a 'taa 'nan -e 'e 'ka -e Bali 'e minnun -le 'wɩ 'wlidɩ 'fui dɩ. E -taa 'nan -e 'e minnun nɛn o cɩ -a -pɛnnan bɛ o 'si 'wɩ 'ji.

1 Zan 1:1

Wei nɛn e 'belidɩ -nɔan "min lɛ bɛ, kʋ -yee 'wɩ 'crɛn -tɛa 'cɛɛ. E ya 'li 'e 'cɛn 'wɩ pou sianan "nun, kʋa 'man, kʋa 'yɩ 'kʋ yiɛ 'a, kʋa bʋʋ tɩglɩ, ɛn kʋ klɛ "man 'kʋ 'pɛ -a.

'Fluba nɛn Zud -a crɛn -tɛ 1:17

'An beenun, 'wɩnun nɛn -kaa san Zozi Crizi -le 'pasianɔn -a 'vɩ 'e 'cɛn bɛ, -a -cin 'e 'tɔ 'ka 'ji.

Apokalis 7:10

O -paanman wei 'plɛblɛ 'ji 'nan: «'Kʋ "tɩ Bali nɛn 'e -nyrandɩ 'yee mingɔnnɛn pɛin -da bɛ, 'o 'vale 'yee 'bla 'a -wɛɛ -maan kʋ 'si 'wɩ 'ji.»