Yoon 6:32 - Yomgkom

³² Kwanandiiwe, Yesumbed yedmendoon, “Nembed yiib yaa ke anammo yedmendaan kei, Ewen arimbed om animan kuu yiib yaa bangkandoon kuu Mosesbedban. Kukuu ne Ambe Godbed Ewen arimbed om animan anam yiib yaa bangkandimaan,

Yoon 6:32 Iomraidhean Croise

Yook 78:23

Kumban ye kuu ambid ari yedme kowoona ambid ambongko nanaboona

Yoon 1:9

Nambiri anam kee nimakarub korem yaa nambiri kondimaan kuu okad kiri monoon kii!

Yoon 15:1

Kwanekore, ye kedmengkandeendan yaa yedmoon, “Ne kuu nong ambokab anam, kwane ne Ambe kuu yongbon yariman kii.

Yoon 6:31

Nub awoya aman yiri kuu amiibban ye amboon angkambed om mena kuu aniwen. God Ye Weng Karadmombed kwane ‘Ewen arimbed yi yaa Mosesbed om animan bangkandoona aniwen.’ ande wongkoon.” andiwen.

Yoon 6:33

amborom kuu God ye om animan anam kuu Ewen arimbed kamenene okaddan yaa wadkeri kondi ye karub kui.” andoon.

Yoon 6:35

Kwane Yesumbed yi yaa yedmoon, “Ne kuu wadkeri ye om animan. Kane kanembed ne yaa mananeen kuu ma mungi bobnaanban. Kane kanembed ne yaa anam andaneen kuu ma ok moom bobnaanban.

Yoon 6:41

Ne kuu Ewen arimbed kamonoon ye om animan kui ande Yesumbed yedmoon kuye dowadbed Yuudan kuu ye yaa andowe kankowe daani yeman keriwen.

Yoon 6:50

Kumban kekei Ewen arimbed kamonoon ye om animan kuu karub kanembed kee ananeen kuu bobnaanban.

Yoon 6:55

Amborom kuu ne id kuu animan anam, ne umkan kuu ok anam kui.

Yoon 6:58

Keye om kee Ewen arimbed kamonoon kui. Yiib awoya aman yiri kuu om mena aniwen kumban dukniwen. Kumban kanembed om keyaambed ananeen kuu bobnaanban, aron korem korem wad dobaraneen.” andoon.

Galasiadan 4:4

Kumban wene aron kowoon yaa kuu mene nanduuna, Godbed ye Mingki nenkowoona monoon. Ye kuu okad wonongbed woonuuna Moses ye amob dabderem yirimbed doboroon.

1 Yoon 5:20

Nub kangkon nubkaadkeruwen, God ye Mingki menene ye inamen kaadkeri nub yaa kondoon kuu anam anam ye God nubkaadkeri dowad. Angkon, nub kuu anam anam ye God ye niindem aom ye yoom doruub, ye Mingki Yesu ye niindem aom doruub kui. Ye kuu God anam, wadkeri aron korem korem ye karub kui.