Yoon 5:39 - Yomgkom

³⁹ Yiib kuu God Ye Weng Karadmo kuu kimingke andangkembirimaib kumbed wadkeri aron korem yeman kandanuub manok ande kamimaib. Kedi, God Ye Weng Karadmo kee dakmeen kuu ne dowad dakmeen,

Yoon 5:39 Iomraidhean Croise

Yook 1:2

Ye kubi dowaken kuu Yariman ye amob yaa kerene, aronkiyiib amkiyiib kuu kimingke andangke meenmembirimaan.

Yook 119:11

Eb weng kuu kube ne niindem aom awine amuknaan, eb yaa ambarakmain andi dowad.

Yook 133:3

Kukuu aangko Heemon arimbed wood nurok aangko Saiyon ari menemoon areb. Amborom kuu Yariman kuu Saiyon arimbed amun kerundimaan kowe, wadkeri aron korem kui.

Yook 16:11

Ebbed wadkeri ye kiwaan kuu korokbewewen. Kwane eb arinambo arimbed ne yaa kubi kawaneeb, aron korem ye kubiyiib eb dingki wiwi angkambed kui.

Yook 21:4

Yembed wadkeri dowad kaamobdoone konewen, aron yemooniib, aron korem korem kui.

Yook 36:9

Amborom kuu eb yaambed wadkeri ye ambokab ye ok meneboon, kwane eb nambiri yuroon kumbed wad dobere wedmuub.

Matyu 22:29

Kwane, Yesumbed inande yedmoon, “Yiib meeni kuu anamban, amborom kuu yiib kuu God Ye Weng Karadmoyiiwa yaromkonoyiiwa kuu yiibkaadban.

Maak 10:3

Andiiwe, yembed inande yedmoon, “Mosesbed kuu komo amob yedme kowoon?” andoon.

Maak 12:10

Yiib kuu God Ye Weng Karadmo kee ma kimingkiwenoo? ‘Boyambib yenbimaibdanbed bot kankaariwen kuu ambib kumundin amun yenbi ye dongka bot keroon.’ andoon.

Yesu Ye Weng Amun Lukbed Wongkoon 16:29

“Kumban Abrahambed inandoon, ‘Yi kuu Moses ye amowiib profesidanbed wongkiweniib kuu yi yaa angkeen kowe kimingkime. Kwane kuyaambed kaadkerime!’ andoon.

Yesu Ye Weng Amun Lukbed Wongkoon 16:31

“Kumban Abrahambed ye yaa yedmoon, ‘Eb damana kuu Moses yoom profesidan yoom yi weng wengamborokban keraniib kuu, bobnoon yirimbed dembaneen ye karub ye weng kangkon wengambaraibban kii.’” andoon.

Yesu Ye Weng Amun Lukbed Wongkoon 24:25

Kwanandiiwe, Yesumbed yi yaa yedmoon, “Yiib kuu ongme meenimokbandan kere profesidanbed dakmiwen yaa kuu anam andindodan areb keriwen.

Yesu Ye Weng Amun Lukbed Wongkoon 24:27

Kwanekore, Yesumbed ye dowad Moses ye wengiib profesidan yi wengiib ibduruk kedmengkandekore, God Ye Weng Karadmo kumundin yaambed kedmengkandoon.

Yesu Ye Weng Amun Lukbed Wongkoon 24:44

Kwane, yembed yi yaa yedmoon, “Anuk kuu ne kuu yiib yoom doburuwen kuu kekee dakmaan, Moses ye amob wengiib profesidan yi wengiib kurikuri yokiib yaa weng korem ne dowad wongkiwen kuu anam id keraneen.” andoon.

Yoon 1:45

Kwane, Filipbed Natenio wedmenekore yedmoon, “Mosesbed ye amob weng aombed wongkoon ye karub, profesidanbed ye dowad kwangkon wongkiwen kuu wedmenuwen. Kukuu Yesu Nasaretman, Yosef ye mingki kui.” andoon.

Yoon 5:32

Kumban karub maambed ne dowad yaa daandimaan, ye kuu God kui. Ne nekaad, ye weng ne dowad dakmeen kuu yiminmo yee.

Yoon 5:36

“Kumban ne dowad daandoon yeman maambed Yoonbed ne dowad daandoon burudande darewoob arimbed kukei. Ne Ambembed deme kawoona awinaan kuu yembed nenkowoona manaan ye korokbendi yeman kui.

Yoon 5:40

kumban yiib kuu mene wadkeri kandi dowad kuu ne yaa wunekariwen.

Yoon 5:46

Yiib kuu Moses yaa anam anduniwen karen, ne yaa kangkon anam andiwen karen, amborom kuu Moses ye kuu ne dowad wongkoon kowe.

Yoon 7:52

Kwane yimbed inandiwen, “Kwani kowe, eb kwangkon Galelimanoo? God Ye Weng aom kuu ongme andangke kaadkere ebka wedme. Profesiman kuu Galeli angkambed ma mananeen andindo.” andiwen.

Kwamiwen 13:27

Yerusalemdaniiwa yi korok korokiiwa kuu Sabat korem ari God Ye Weng kimingkenib dakmembirimaib kumban, Godbed Kinoona Monoonman Yesu kuu wedmene yikaadkerindo kerekorib, wunekariwen. Wunekariwen kowe, ye yaa komo keraneen God Ye Weng kumaom unyemanbed wongkoon kuu anam id keroon.

Kwamiwen 17:11

Nimakarub kuyaa doriib kuu Tesalonaikadan arebban inamen amundan kowe, yi kuu Poolbed weng ku dakmoon kuu dowaken nindorokiibbed wengamberenib, God Ye Weng Karadmo yaambed andangke dakmiwen.

Kwamiwen 26:27

“King Agripa, eb kuu profesidan yi weng kurin dakmiwen kuu anam andewen dee? Nembed nekaad kuu kee anam andewen kii.” andoon.

Romdan 1:2

Kuye weng amun ye dowad kuu unyeman anukbed Yesu okad yiri minindombed Godbed weng kunduk ongmekore ye profesidan yaambed Ye Weng Karadmo ye buk aom wongkoon.

Romdan 3:2

Anam kai! Kiwaan korem yaambed id darewoowiib kii! Meeni ibduruk kuu Yuudan kuu Godbed ooni dowad ye weng kondoon.

Kolosedan 3:16

Meeni kangdom korem yaambed neman kedmengkane ongkanoon kedmengkane ongkanoon kamibko, yiib niindem aom kubi dowakeniib kumbed God Ye Weng ye yookiib God yaningko kankooni yookiib kurikuri yookiib wingkanabime. Kwamibko, Keresu ye weng amun kumbed yiib niindem aom yiminmo muubnok.

Hibrudan 11:16

Kumban yi kuu koronde okad kiri ye ambibkin arebban amunmo ye ambibkin, Ewen kui, kuyaa meenmembiriwen. Kwanikob, God yaa yimbed yi God andi kuu ye kuu karakiibban, amborom kuu yembed yi dowad siti nekwe ongmoon kowe.

Hibrudan 11:35

Nima kuu yi karubkim yoworiwen kuu anam andiwendanbed ben dembiiwe ika wadkeriiwe nimambed ika biwen. Anam andiwendan yena yaa kuu yenbande durud yewed kondimo kamiiwe nub anam andi yaa korondaubban andiiwe kwane awingkiwen domondindo. Kwane kumbed bobni yaa ika dembi yeman arimbed kandi ye dowad.

Korokboon 19:10

Kuyaambed ne kuu engyu ye yon yiri bumangke korok kankibineni yaningko kankoonande kamaan kumban, yembed yedmewoon, “Kwamaab! Ne kuu eb areb, eb angkodmia Yesu ye weng awinimaibdan areb, nub kuu ibmo, God ye demedan kui. God yaningko kankoone! Amborom kuu Yesu ye weng dakme korokbi kuu profesi weng ye inamen ye id kowe.” andoon.