Yoon 17:19 - Yomgkom

¹⁹ Yi dowadbed ne kuu neka are karadmo kere eb inamenmo awinaan. Kwanaan kumbed yi kwangkon anammo are karadkonomo kere eb inamenmo awinidan kerok andid.

Yoon 17:19 Iomraidhean Croise

Yoon 10:36

‘Ne kuu God ye Dana Mingki.’ ande yedmaan kuu komande yiib kuu ne yaa ‘God yaningko monmarewen.’ ande yedmiib? Ne kuu Ambembed yeka ye dowad nenkine kowekore okad yiri nenkowoona manaan.

Yoon 15:13

Mimyob dowaken korem burudandoon kukei, karub maambed ye angkodmia yi dowad bobnaneen.

Yoon 15:3

Yiib kuu nembed komo weng daandaan kumbed yiib kuu aroon.

Yoon 17:17

Eweng kuu anam anam kii. Kuyaa kumbed ebbed yi kuu ben are karadkonomo kerunde.

Yoon 17:20

“Ne kedmengkandaandanmo kurikuri kerundokban. Yi weng yaambed kane kane ne yaa anam andaniibdaniib yi dowad kangkon kurikuri kerundaan.

1 Korindan 1:2

God yaa anam andiwendan Korin aom doriib, yiib kuu Yesu Keresumbed karadmo kerundoondan, yiib kuu ambarakmi yaa daboknaib yiibka kere dobirime ande baandoon. Yiib yaa kerek kee keenduwen. Yiib yoom kane kane kuna kuna yaa doriib kuu nub Yariman Yesu Keresu yaa baandimaibdan yoom ye yaa dabokne doriib, ye kuu nub yoom nub Yariman.

2 Korindan 4:15

Keyiib korem kee yiib dowadmo, God ye kabamoon kondoon ye mimyob dowaken kuu wenene nimakarub yenayiib ari yemoon yemoonmo benmo wonoko eso miin darewoob andibko God kuu nambiri darewoowiib kerok anded.

2 Korindan 7:14

Ne anukbed yiib dowad ye yaa kerengkan kamaan. Kwane, yiib kuu ne kerengkan weng ibmo kerenib ye yaa awaneniwen kumbed yiib ne yaa karak ma kawindo. Nub yiib dowad weng dakmuwen korem kuu anammo keroon kwamune areb kuu, nub kerengkan weng yiib dowad kwane Taitus yaa dakmuwen kangkon anammo ande korokbenoon.

2 Korindan 8:9

Amborom kuu nub Yariman Yesu Keresu ye mimyob dowaken kabamoon kondoon kuu yiibkaad, kiwaan korem yaambed ye kuu yiminmo kumban yiib dowad yeka kankubune kubuniibban keroon kowe, ye kubuniibban keroon yaambed yiib kuu yiminmo kerime anded.

Kolosedan 1:6

Okad yimin yimin korem kuyaom kuu weng amun kee monoon areb kuu kwane yiib yaa monoon kii. Kwane, weng amun kee yiib kumaom kuu idiib irimaan, kwane kawiib yeederebene kainderebimaan. Okad yimin yimin korem kuyaom kuu kwamunemo kamimaan. Kukuu yiib kuu weng amun kee aron ibduruk arimbed wengamberenib, Godbed kabamoon kondoon ye mimyob dowaken ye weng id anam korem yiibkaadkeriwen. Kaadkeriwen kumbed mene ari kuu yiib kuyaom kwamune areb kamimaan kui.

1 Tesalonaikadan 4:7

Godbed nub yaa baandoon kuu ambarakmi ye dowadban, karadmo dobirime anded.

2 Timoti 2:10

Kwana kowe, Godbed kinoondan yi dowad ne kuu dabab korem meneboon yaa kuu kangdommo doberembirimain. Kwanimain amborom kuu yi kangkon Godbed bindi yeman Yesu Keresu yaambed monoon kuu, dowan keraanban ye nambiriyiib kandime andid.

Taitus 2:14

Ye kuu yekareb nub dowad kondoon, arewa korem yaa nub bidde bindanded, ye nimaya karuwa kerubko karadmo ongmendoko nindorokiibbed amunmo kamime anded.

Hibrudan 10:29

Kumban, kibikee karub maa anam andoon kuned ambarakmembaraneen kuu God ye Mingki yaa kande ye yon dowood yeman kerunene, amob weng ongmoon ye umkanbed karadmo kerunoon kuyaa kuu karadmo ye barangban ande wunekarene, mimyob dowaken kabamoon keenoon ye Kingkin yaa damangkananeen. Kowe, yiibbed meeniib kuu ye dabab kuu Moses ye amob wunekariwendan yi dabab burudande arimbed dabab komoyiib daboknaneen?

Hibrudan 2:11

Nimakarub ongmaane karadmo kerimaib ye karub Yesuyiib angkon ongmendoone karadmo keriwendaniib, yi ayoob kuu yeka yekamban id mimo. Kowe, Yesu kuu yi yaa damana andimaan kuu karak yemanban yiminmo.

Hibrudan 9:13

Naningkodiib buromakau ambiyiib yi umkaniib buromakau yingki ingkod ye agediib kuu kongamki yamob domabangkiwendan yaa engkeremabmo kiradme bunabimaib, karadmo kere God ye deme awini dowad. Kumban kwanimaib kuu ambarakmi are yimin keri kuu kad angka yemanmo.

Hibrudan 9:18

Kekee kwanekob, ibduruk ye amob weng Yuudan kandiwen kuu dingkan yaniiwe duknaniiwe dingkan yi umkaniibbed engkerekmakmo kiradme bunabe amob weng andowe awiniwen.

Hibrudan 9:26

Kwamune keroon karen kuu, kumkam ongmenaboon yaron yirimbed mene kibikee Keresu kuu kwane durud yewed yemoon ika ika kandoon karen. Kumban kibikee aron yeenbon kerandamuun yaambed aron korem dowad mimo angkadere monoon kumbed ambarakmi ben kiradmi dowad yekareb ye umkanbed onduknoon.

1 Yoon 3:18

Ne danaya, nub mimyob dowaken keendi kuu wengmo mongkodkonom-bed dakmi yemanban. Awandenmo anammo mimyob dowaken keendem.

1 Yoon 3:3

Ye kuu karadmoman kowe, kane kanembed ye areb keranuub andi ye inamen awinaniib kuu yi kangkon yikareb yi niindem aom arene karadmo keraniib.