Yoon 10:1 - Yomgkom

¹ “Nembed yiib yaa ke anammo yedmendaan kei, karub kanembed sibi kuu bot kuuk wiriniwen ye ambongkombed aomdorokban keraneen kerene kiwaan yenambed aomdaraneen kuu yid bi ye karub kii.

Yoon 10:1 Iomraidhean Croise

Matyu 7:15

“Kaadkerime. Kwamunene dudi god yi profesidan yaro menebaniib kii. Yi kuu sibi yi akmi areb kuu inamen amuniib areb yiib yaa mananiib kii. Kumban anam kuu, yi niindem aom kuu arud dura anon areb kii.

Yoon 10:7

Kwani kowe, Yesumbed ika yedmendoon, “Nembed yiib yaa ke anammo yedmendaan kei, ne kuu sibi yi ambongko.

Yoon 3:3

Kwane, Yesumbed neman inande yedmoon, “Nembed ke anammo yedmebdaan kei, God ye oonimbon aom kuu angkon ika woonaneeb kumbed wedmaneeb.” andoon.

Romdan 10:15

Kwane, komarewa kere yi yaa God ye weng kanwene daandaniib, kukuu yena ben nongkoboone yiyiib yaa winiwen kumbed kii. God Ye Weng aombed yedme wongkoon kwamunemo, “Kane kane weng amun kanminiwen kuu amun yeman kii!” andoon.

Romdan 16:18

Kedi, nimakarub kwamunedan kuu nub Yariman Keresu ye deme awinindo, yika yi id ye dowaken yaambedmo awine kande kwane ambangkimaib. Yi kuu ok wengiib dudi ye benkoobi ye wengiib kumbed yi inamen arewa yaa koron keriwendan yaa nemengkandimaib.

Taitus 1:11

Kwane, yi dudi weng kuu kebenime, amborom kuu yimbed inamen arewa od bi dowadmo kedmengkandimamenib ambib yena kumaom doriibdan yi anam andi kankubuniwen.

Hibrudan 5:4

Karub kanembed yekareb aningko darewoob arimbed ye deme kee ma kandaanban, Eeron yoom yawoya yoom yaa Godbed baande kinoon kwane keraneenkob kandaneen.

1 Pita 1:10

Godbed bindi keye dowad profesidan kuu God ye kabamoon kondoon ye mimyob dowaken yiib yaa mananeen ye weng unyemanbed dakmiwen kumbed, yi kuu God Ye Weng yaambed kimingkanmo wene korobe onmiwen kuu,

2 Pita 2:1

Kumban kurin kuu Yuudan kumaom kuu dudi ye profesidaniib kumaom dabokne dobiriwen. Kwane, yiib kumaom kuu dudi ye kedmengkandi korok korok kwangkon kumaom dabokne dobaraniib kii. Yi kuu yemyebbed kuristen ye kedmengkandi ben amonombe monmari ye inamen kerundaniib. Kiwaan abdon wananiib kumbed ari kuu yi biddoon ye Yariman Ambengkan Yesu yaa aadidmaniib, kowe yimbed kwananiib kumbed yi ari monmari kuu kirodmo menebaneen.

2 Pita 2:3

Kuye dudi kedmengkandi korok korok kuu yiribman yemoon be amukni ye inameniib kowe, yi meenimo yaambed mooweng ongmenib yiib nemengkande yiib od bendaniib kii. Yi wengyundi dabab weng kuu kurin kurin anukbed nekwe kowoone, yi monmari ye karub kuu nekwe doreen, unuk angkokban.

1 Yoon 4:1

Ee, nangkodmia, kingkin korem yi weng kuyaa anam andaib, amborom kuu dudanabi profesi weng ben dakmidan yemoon kuu okad yimin yimin yaa wenebiwen kowe. Kingkin kee, yi kuu God yaambed dee kuu kom-boon kaamonime.