Yoon 1:29 - Yomgkom

²⁹ Kuye awarimbed Yesu kuu Yooniib yaa meneena wedmenekore yedmoon, “Kee God ye Sibi Mana, okad ye nimakarub korem yi ambarakmi araneenman kii!

Yoon 1:29 Iomraidhean Croise

Matyu 1:21

Yu kuu karub dana woonanuun kowe, eb kuu yaningko kone Yesu ande, amborom kuu yembed ye nimakarub yi ambarakmi ye kakman yaa kuu burudande bindaneen kowe.” andoon.

Matyu 20:28

Kwane, Karub Ye Mingki kuu deme kondoko yenambed awinime andi ye dowad minindo, yembed yena yi dabab yaa awandi ye dowad menene nimakarub yemoon bi ye dowad ye wadkerimbed amoddok monoon.” andoon.

Yoon 1:35

Kwane kuye awarimbed, Yoon kuu ye kedmengkandeendan ayoob yoom angkon kuyaa doriiwa,

Yoon 1:36

Yesu kuu meneen. Meneene, Yoonbed wedmenekore yedmoon, “Kedi, yakuu God ye Sibi Mana meneen kii!” andoon.

Yoon 1:43

Kwane kuye awari, Yesu kuu Galeli angka wanandamene meenoon. Kwane, Filip wedmenekore yedmenoon, “Eb ne yoman mene.” andoon.

Yoon 2:1

Aron ayoobmim arimbed kambong Kena Galeli angka wonong orok derebi andowiwen kowe, Yesu ye awaan kuu kuyaa wuneen.

Yoon 3:16

Kwamune, God kuu okad nimakarub yaa ye mimyob dowaken darewoob keendoon kumbed ye Mingki mimo kondoon. Kowe, kane kanembed ye yaa anam andaniib kuu bobnaibban, wadkeri aron korem korem kandaniib.

Yoon 4:42

Kwane wonong kuyaa yedmendiwen, “Ubbed dakmewen kumbedmo nub anam andokban, amborom kuu nubka nubkarewiib wengamberenub kwane kaadkeruwen kuu, anam kuu ye kuu okaddan Bobni Yaa Burudande Bindi Ye Karub kii.” andiwen.

Yoon 6:51

Ne kuu wad doreen ye om animan Ewen arimbed kamonoon kui. Kane kuu keye om ananeen kuu aron korem dobaraneen. Om kee ne id kui. Kukuu okaddan korem yaa wadkeri dowad kondaniin.” andoon.

Kwamiwen 13:39

Kowe, Moses ye amobbed ambarakmi yaambed yiib ben obon kerundindeban, kumban yiib kuu Yesu yaa anam andaniib kuu yembed ambarakmi yaambed ben obon kerundaneen.

Kwamiwen 8:32

Kuin yu korok kuu God Ye Weng Karadmo ye buk daande kimingkanmo weneen kuu, ‘Ye kuu sibi mana nenwene ayimaib areb nenwiniwen. Sibi kimi wande kamaiwa kabang kamimokban kerimaan areb, ye kuu mongkod daande ma kabang kamindo.

1 Korindan 15:3

Kedi, korem burudandoon ye inamen kukui ande yedmewoone kandaan kuu yiib yaa kangkon kondaan kuu kei, God Ye Weng Karadmo ye id kwamune arebmo kuu Keresu kuu nub ambarakmi are kirari dowad bobnoona,

2 Korindan 5:21

Godbed ma ambarakmiyiibbanman ongmoonkob nub dowad ambarakmi yeman keroon kumbed, ye yaambed nub kuu God ye yorokmodan keranuub.

Galasiadan 1:4

Keresu kuu nub ambarakmi dowad yeka ye wadkeri kondene bobnoon. Kwanoon kuyiib kibikee miin arewa dobiri yaron yaa nub kumaom doruub kuu ben burudande bindaniin manok anded. Ye kuu nuwambe God ye dowaken yaambed kwanoon.

Galasiadan 3:13

God Ye Weng aombed wongkoon kuu, “Karub kane ayarimbed kankooniwen kuu arewa kerundi ye dabab kandoon.” andoon kowe, Keresumbed nub dowad arewa kerundi ye dabab kandoon kumbed Moses ye amobbed arewa kerundi ye dabab yaa nub kuu biddoon.

1 Timoti 2:6

Ye kuu yeka yemeren nimakarub korem biddi dowad kondoon. Kukuu yi akmi yeman, aron anam ari keroona bindi ye kiwaan ongmoon.

Taitus 2:14

Ye kuu yekareb nub dowad kondoon, arewa korem yaa nub bidde bindanded, ye nimaya karuwa kerubko karadmo ongmendoko nindorokiibbed amunmo kamime anded.

Hibrudan 1:3

Mingki kuu God ye nambiri kuu dianmo keroon. Ye kuu ye Ambe ye inamen meeni korem areb ibmo doboroon. Ye weng aromkonoyiib kumbed kumkam korem angkeen. Kwane, ambarakmi aari ye kiwaan kuu ambangke dowan kerekore, Ewen ari daane Aningko Arimbed Ye God ye dingki wiwi angkambed dibeen.

Hibrudan 2:17

Keye dowad kumbed Yesu kuu kiwaan korem yaa kuu ye damana areb keri yeman ongmoon. Kwane ongmoon kuu mimyob keende kakman are nonondandiyiib ma korondiyiibbaniib God dore nimakarub dore wedyiri dobiridan yi korok darewoob God ye deme awinimaan ye karub kerok anded, nimakarub yi ambarakmi kuu biddok anded.

Hibrudan 9:28

Keresu kuu nimakarub yemoon yi ambarakmi aari dowad ye umkan mimo onduknoon. Kwane, ye kuu angkon ika mananeen, ambarakmi aari dowadban, kane kane ye ande meedmiibdan kuu bobni yaa burudande bindi dowad.

1 Pita 1:19

Keresu ye umkanbed biddoon. Ye umkan kuu barang darewoob yeman. Ye kuu arewayiibban demkoronmo ye sibi mana areb kere Burudandoon ye orok yaron arimbed nub dowad ayiiwe bobnoon kui.

1 Pita 2:24

Ye kuu yekareb nub ambarakmi korem kuu ye id arimbed at ming ari karine bobnoon. Kukuu nub kuu ambarakmi yaa bobnemoon areb kerubko yorokmo dobirime andi ye dowad kwanoon. Kedi, ye id yaa anbandiwen kumbed yiib kuu wadkeri kandiwen.

1 Pita 3:18

Kedi, nimakarub yi ambarakmi korem ye dowad kuu Keresumbed mimo bobnoon, yorokmomanbed yorokmobandan yi dowad bobnoon kui. Ye bobnoon kuu God yaa yiib be mananded. Ye id ayiiwa bobnoon kumban, ye kingkin yaa kuu wadkeri konoon.

1 Yoon 2:2

Ye kuu nub dowad bobnoon kumbed nub ambarakmi are nonondandi ye kiwaan ongmoon. Kukuu nub dowadmomban, nimakarub korem okad yimin yimin yi dowadiib.

1 Yoon 3:5

Kumban yiib yiib-kaadkeriwen kuu ye kuu nub ambarak-mi aranded monoon. Ye kuu ambarak-miyiibban dowan.

1 Yoon 4:10

Kowe, mimyob dowaken kuu kwamune kui, nubbed ye yaa mimyob dowaken keenimban, yeka nub yaa mimyob dowaken keendene ye Mingki kuu kondoona monoon kuu, nub dowad bobnoon kumbed nub ambarakmi are nonon-dandi ye kiwaan ongmoon.

Korokboon 12:11

Yi kuu Sibi Mana ye umkaniib weng anam dianmo dakmiweniib kumbed Seten burudanduniwen. Kwane, bobni ye dabab yi yaa meneboon kuu yika yi anam andi koronde yi wadkeri kuu ma amuknindo.

Korokboon 13:8

Okad yiridan korem kuu ye yaa kurikuri kere yaningko kankoonaniib, kukuu aye kowiwen ye Sibi Mana ye wadkeri buk aombed kumkam korem ongmenaboon yaron yirimbed aningko wongkindodan kui.

Korokboon 14:1

Kedi, wedmaanka, Sibi Mana kuu aangko Saiyon ari doreen. Kuyaa kuu nimakarub 144,000iib yi binad ari ye aningkoyiib Awodki yaningkoyiib wongkanaboondan kumbed ye yoom doriib.

Korokboon 14:10

God ye arud miin darewoob ye ok arewa kangkon kande ananeen. Ok kee Godbed ye norin ye kabus aom bunoon, ok maayiib kuyaom dabokne bunindo, aromkono kumundinmo bunoon. Kwane, kuye karub kuu Sibi Mana yoom karadmo ye engyus yoom yi arinambo arimbed bot sulfaa deneen kumbed durud yewed konimamaneen.

Korokboon 14:4

Kekee, yi kuu nima yoom ma dangindodan, nima yaa ma ambarakmindo. Yi kuu Sibi Mana kunaya winimaan kuu yiyiib yoman winimaib. Yob ibduruk wandimaib kuu be God yaa bangkanimaib kwamune areb kuu yi kuu nimakarub aombed biddekore God yoom Sibi Mana yoom yaa yidin be bangkandoon.

Korokboon 15:3

God ye deme karub Moses ye yookiib Sibi Mana ye yookiib wingkiwen, “Aromkono Korem ye Yariman God, ebbed kami kuu arimbed darewoob yeka mamaa yeman kii. Ambibkin Korem ye King, ebbed ambangkimaab kuu yorokmo anammo kii.

Korokboon 17:14

Kwane, yi kuu Sibi Mana yaa nangbenaniib kumban, yembed burudandaneen, amborom kuu ye kuu yariman korem ye Yariman, king korem ye King, angkon yembed baande kinoondan ma korondiyiibban ye yoman winiwen kuu ye yoom miniwen kowe.” andoon.

Korokboon 19:7

Kubi darewoob kerenub God yaa kubenenub ye yaa nambiri konem! Amborom kuu Sibi Mana awani ye orok yaron munuune, awani ye wonong kuu yukareb nekwane dowan kereen kowe.

Korokboon 19:9

Kwane, engyumbed ne yaa yedmoon, “Wongke, ‘Kane kane Sibi Mana ye awani orokbon yaa ani yeman baandoondan kuu amun kerundoon kii!’” andekore ika yedmoon, “Weng kee God ye weng anam.” andoon.

Korokboon 21:14

Siti kuuk yimin yiri dedmobe dariwen ye bot kuu wad ayoob. Kuyaa wongkiwen kuu Sibi Manambed kinoona apaso keriwendan wad ayoob yi aningko wongkiwen.

Korokboon 21:27

Kumban God ye dowakenban ye yiribmaniib keyaom ma be menebaibban. Kwane komyeng kamenabidaniib dudanabidaniib kuu ma awunaibban, kane kane yi aningko Sibi Manambed ye wadkeri buk aom wongkoondan kumbedmo awunaniib kii.

Korokboon 21:9

Kwane, yeenbon dabab kondi yeman ediib meneki wongdem ediib aombed anukbed ondukniwen ye engyus ediib kuyaom mamaambed mene ne yaa yedmoon, “Menebko, Sibi Manambed awanandameen ye wonong kuu korokbebda.” andoon.

Korokboon 5:6

Kwane wedmaane, Sibi Mana kuu aye kowaiwe bobnemoon areb king ye ooni ye dibirimbon wedyirimbed doreen, kwane angkara angkara kuu dingkan kaningiib aamkono aamkonoyiib kumbed awanewandiwen. Ye kuu indob ediib durub ediib. Indob kuu God ye Kingkin aromkono ediib kumbed Godbed yedmoone okad kumundin yaa weneboon kui.

Korokboon 5:8

Kwane kandoone dingkan kaningiib aamkono aamkono wad kaningiib kuu ye murubia ari bumangkiwen. Yi korem mimim kuu yook yeman yaningko haap kuyiib goldbed ongmiwen ye yabad kobukmo aom baeb amun nengke koni yeman dembooniib kuu awingkiwen. Baeb amun nengke koni yeman kukuu God ye karadmodan yi kurikuri kui.

Korokboon 6:1

Kwane wedmaane, beegod bedmiwen yaa dere dere karangkiwen ye at nunung ediib ibduruk kuu Sibi Manambed daandoon. Kwanoone, wengambaraane dingkan kaningiib mim kuyaa kumbed naawonmo nambad areb baande yedmoon, “Mene.” andoon.

Korokboon 6:16

Yimbed aangkoyiib boyiib yaa yedmiwen, “Nub ari kirobenib, King ye ooni ye dibirimbon ari dibeen ye murubiayiib Sibi Mana ye noriniib kuyaa kuu yiibbed nub dabune biknime.

Korokboon 7:14

Kwanandoone, nembed inandaan, “Aamkono, ebkaadee.” andaane yembed yedmoon, “Kekee yi kuu dabab miin arewa menebe yenbandoon aombed miniwen. Kwane, yi ebkad kuu Sibi Mana ye umkanbed oganabe kawanmo kerundoon.

Korokboon 7:17

Amborom kuu Sibi Mana king ye ooni ye dibirimbon ye wedangka doreen kumbed yi yaa sibi ooni ye karub areb kerundaneen kowe, yembed wadkeri ye dem ok menebuun yaa be wananeen. Kwane, Godbed yi indob yaa yi inok kuu korem aadmendaneen kii.” andoon.