Yook 83:2 - Yomgkom

² Kedi, eb bondan kuu yirinde baande kamiib, eb yaa arud wandembirimaibdan kuu wabkad keriwen kui.

Yook 83:2 Iomraidhean Croise

Yook 109:1

O God, eb kuu nembed ewaningko kankoonimainman, iwari keraab,

Yook 74:23

Eb yaa manmo keriwendanbed yirinde baandimaib kuyaa nonondandaab, kwane eb bondanbed womoniyiibban baankone komkimaib kuyaa kangkon nonondandaab.

Yook 74:4

Eb yoom nedbimaubbon yaa kuu eb bondanbed wene baankone komkiwen, kwane yi flaekiib mane kan daaniwen.

Yook 81:15

Kane kane Yariman yaa arud wandembirimaib kuu ye yaa unene ika anuk irinambenaniib, kwane ukum kandaniib kuu aron korem kwane angkimbaraneen.

Yook 93:3

O Yariman, karamok korem kuu baandiwen, karamok korem kuu kan ari kowe baandiwen, karamok korem kuu yi oknondok darewoob ben ari nongkobiwen.

Matyu 27:24

Kwane, Pailet kuu wedmoonka komarewa kerene wengambere ye weng kan amun kere ongkinban areb keruuna andowe yirinde baande kamiib kowe, koronde ok yuunde ye dingki kuu yi kiringkono arimbed ogoon. Ogekore yedmoon, “Karub keye umkan kubudaraneen ye dabab kuu ne yaa manaanban, kukuu yiibka kii!” andoon.

Kwamiwen 16:22

Kwanandiiwe, kadaareb yi kwangkon Pool yoom Sailas yoom yaa norin wande manmo keriwen. Kwane, korok korokbed yedmiwen, “Yi ayoob yi ebkad binge wande biangkandoka, nong yikyikiibbed yenbandime.” andiiwa,

Kwamiwen 17:5

Kumban Yuudan daboknindo kuu wungkandiwen kowe, yi kuu kiwaan ari wabkaddan yena ben dabok dabok kamenib, siti aom kowe kabuka kaanga kamen yarem andiwed. Kwane, Yason yambiwoom aidmo mene Pool yoom Sailas yoom kuu kadaareb yi dingki ari ben nongkobem ande onmenmo miniwen.

Kwamiwen 21:30

Sitidan korem kuu norin wandenib, kuna kunaya doriib yaambed kibindare menenib, Pool kuu awineniwen kwane awine irindore kurikuri boyambib darewoob kuuk bunangka angkaniiwe, kurikuri boyambib kuuk ambongko kebengkiwen.

Kwamiwen 22:22

Kwane Yuudanbaniib yaa wini ye weng dakmeen kumbed ombedande yi korem yirinde baandenib yedmiwen, “Karub kee aye kowi yeman kii! Ye dobaraneen kuu yiminban oi!” ande kamiwen.

Kwamiwen 23:10

Kwane, wengbiri miin darewoob keriwen kowe, ana nangmi korokbed meenoon kuu “Pool kuu aye worobe kurubkurub keraniib kii.” ande unoon kowe, ana nangmidan yaa yedmoon, “Wene, Pool kuu yi yaambed nendenib nub ambiwoom nenwinime.” andoona wene nenwiniwen.