Biblia Todo Logo
Bìoball air-loidhne

- Sanasan -




Yook 102:1 - Yomgkom

1 O Yariman, ne kurikuri kee wengamberewe. Ne awawe ande baandi kuu eb yaa monok.

Faic an caibideil Dèan lethbhreac




Yook 102:1
28 Iomraidhean Croise  

Yarimanbed yedmoon, “Kamboknondan kuu arewa kamidanbed ben dabab wayiroon kuyiib yenbandiwendan wareki kamiib kuyiib wedmaan kowe, kibireb kee yaro dobaraan. Yaro dobere yi dowaken yaambed dorondande awandaniin.” andoon.


Kowe ne niindem aom kuu wuudne miin yiminban keraan, kwane ne mimyob kuu unimbed yidne wonoon.


O Yariman, ne kingkin kuu kombarandamoon kowe, kirodmo inanduwe. Ne yaa kuu eb murubia kan yekne biknaab. Kan yekne biknaneeb kuu bobkonombon yiri winiwen areb keraniin.


Kane kane yi kuu ye yaa une bumangkimaib kuu yembed yi dowaken yaa kuu id kerundi kondimaan, kwane yi baandi kuu wengamberende ben burudande angka nongkobimaan.


Ne mimyob wande miin yiminban keraan kumbed Yariman yaa baandaan, kwane ne God yaa awawok ande komkaan. Kwane, ye kurikuri ambib aombed ne weng kuu wengamboroon, ne baandi kuu wene ye kerendem aom aomnoon.


O Yariman, ne kurikuri weng wengambere. Ne awawe ande baandaan kuu wengambere. Ne ameng kami yaa kuu kerendem warudki areb keruwaab. Amborom kuu ne yaa arud wandewen kumbed ne kuu eb yaa owodman areb keraan, nawoya yiri areb norodman keraan kui.


Anuk kuu nembed kadaareb bindore God ye kurikuri ambib yaa kinban winimain, kukuu kube baandiyiib eso ande baandiyiib ne yoom kadaareb yoom God ye orokbon winimaub. Kuyaa kuu kibikee ika meenekori ne mimyob wandi kuu God yaa koneni ye yaa baandimain.


Ne King, ne God, ne awawi kawi dowad eb yaa ke baandaan kee wengamberewe, amborom kuu eb yaa kurikuri kerimain kowe.


Ne kuu okad yimin yimin yaambed eb yaa baandimain. Ne niindem aom bobne kombirikin keroon kumbed eb yaa baandimain. Ne nen kinbanmo dumnad ambab ne arebban ari nen wene.


O nimakarub, aron korem ye yaambed yone doberembirime. Yiib niindem aom kuu komo komo dabawiib keriwen kuu ye yaa daanime, amborom kuu God kuu nub ben kukbimaanbon. Selah


God yaa meenekori kwane warekaan, kwane ye kuyaamo meendobiine ne kingkin kuu miin aromkonoyiibban keroon. Selah


Kwane, Yesu ye niindem aom kuu miin yiminban keroon kowe, kwane aromkonomo kurikuri kamemboroon. Kwane, kamene nimin ok kuu umkan areb okad yiri kiroboon.


Yesu okad yiri doboroon yaron kuu yembed naawonmo ameng kamiyiib inok wiyiib kamoon kumbed kurikuriyiib kaamoniyiib kuu bangkanoon, ayiwed bobnimbon yaa burudande nendaneen kuu yimin ye God yaa. Kwane, Godbed ye weng wengamboroon, amborom kuu Yesu kuu yekareb kankubune aningko kankooniyiib God ye dowaken yaambed doberembirimaan.


Lean sinn:

Sanasan


Sanasan