Yook 101:3 - Yomgkom

³ Ne indob ari kuu karakiib arewa ye barang kuu ma dowakeniib kerainban. God yaa angkurom korokbeniwendan yi kamenabi yaa kuu kongendimain, yi kuu ne ma nen kimyen wanaibban kii.

Yook 101:3 Iomraidhean Croise

Yook 119:113

Aadidmidan kuu naawonmo kongendimain, kumban eb amob yaa mimyob dowaken kowaan.

Yook 119:37

Kerengkan keri ye kumkam yaa kuu ne indob kuu kiwaan kimyen yaa nen kowe. Eb kerekmen yaa dobiri ye inamen ika kawebko awine aromna.

Yook 125:5

Kumban kane kane yi kuu kimyen wene inamen unitab awinimaib kuu Yarimanbed kuye arewa kamenabidan kuu ben kiradmaneen. Israel aom kuu iwari yewenuwiib kerok.

Yook 139:22

Nembed yi yaa naawonmo arud wandembirimain kumbedmo, yi kuu ne bondan andimain.

Yook 14:3

Kumban yi korem kuu amonombe yangmad kere kimyen wenebiwen, kwane yi kuu ibonmo yorokmoyiibban unitab keriwen. Yi mim kuyaa kuu kanembed ma amun kamimokban, korem dowan kai.

Yook 36:3

Ye mongkodkonombed dakmimaan ye weng kuu yena yaa bon kerundi ye weng angkon dudanabi weng, kwane ye kuu inamen kangdomiib kami amuniib yaa korondoon dowan.

Yook 39:1

Nembed yedmaan, “Ne dobiri kerekmen kuu nekareb kangkadmaniin, kwane ne weng dakmi yaambed ambarakmain. Arewa kamidaniib ne arinambo ari keraniibbed kuu weng ma dakmainban.” andaan.

Yook 40:4

Kane kanembed Yariman yaambed yone dobiriwen kuu amun kerundoon, yi kuu kerengkandan yaambed yone dobirindo, God anam yaa koronde dudi god yaa winiwendan yaambed yone dobirindo kui.

Yook 41:9

Nangkodmi anam, ye yaambed yone dobaraan, ye kuu ne om animan animaan kuned, ye kangkon ne yaa manmo keroon.

Yook 78:41

Ikakman ikakman God kuu kandunib komboon kaamobeni yeman kerembirimaib, kwamaiwe Israeldan yi God Karadmo kuu yewed kandimaan.

Yook 78:57

Yi kuu yi awodkiya areb God yaa angkurom korokbenib koronde kimyen winiwen, yi kuu ana unitabbed barandaiwe kimyen wenemoon areb keriwen kui.

Yook 97:10

Yariman yaa mimyob dowaken keenimaibdan, arewa yaa kuu wangdandunime. Kedi, ye kerekmen yaambed doriibdan kuu yembed dorondarimaan, kwane yi kuu yembed miin arewadan yi aromkono aom ben angka nongkobimaan.

Matyu 5:28

“Kumban nembed yiib yaa ke yedmendaan kei, karub kanembed wonong wedmende ye dowaken ambarakma ande meenaneen kuu dowan kii, ye inamen aombed wonong kuu nenem kamoon kii.

Romdan 12:9

Yiib mimyob dowaken keendi kuu ma aadikmiyiibban kerok. Arewa kami ye barang yaa kuu miin dowakeniibban kerime, kwane amun kami ye barang yaa kuu amuknime.

Galasiadan 4:9

Kumban kibikee yiib kuu God yaa yiibkaadkeriwen. Kumban anam kuu God kuu yiib yaa yekaadkerundoon. Kowe, komarewa yiib kuu amonombe okad yiri dobiri ye amowamob yaa ika wanandamiib kee? Kuye amowamob kuu inamen amuniibban, awandi yemanban kii. Yiib dowaken kuu ikakman amowamobbed awine yerengkoon ye dabderem yirimbed doberem andiwedoo?

Hibrudan 10:39

Kumban yiiwa nuwa kuu koronde ika winiiwe monmariwendan kwamune arebban, yiiwa nuwa kuu anam anduuwe bobni yaa burudande bindoondan kwamune kii.

2 Pita 2:21

Kowe, amun kuu yorokmo ye kiwaan kuu yikaadkerundindo karen, yi nonoonmo doriib karen, amborom kuu kuyaa kaadkerundekoriwe kwanime andi ye weng karadmo yi yaa kondoon yaa amonombesare angkurom korokbe wini kuu miin arewa kowe.

1 Yoon 2:19

Yi kuu kuristendan nubkan-mo kumbed yaro winiwen, kumban yi kuu nubkanmo mimo anamban. Kuu kwamune kii, yi kuu nubkanmo anam karen, yi kuu nub yoom ibmo doruub karen. Kumban, yi kuu koronde winiwen kumbed korokboon kuu yi korem kuu nubkanmo mimomban keroon kii.