Yems 5:16 - Yomgkom

¹⁶ Kwana kowe, Godbed yiib ongmendaneena wadkeraniib ye dowad yiib ambarakmi kuu yiib kuristen angkodmia yaa neman dianmo dakmoon dakmoon kamenekorib neman kurikuri neman kurikuri kamime. God ye yorokmoman ye kurikuri kuu ambangki yiminmo keri yeman.

Yems 5:16 Iomraidhean Croise

Andowoon 19:29

Godbed Abraham yoom dakmiwen ye weng kuu nonondandindo kowe, Lot yaa awanenoone taun monmaroon kuu kombiri wonoon.

Andowoon 20:17

Andoone, Abrahambed God yaa kurikuri keroone Godbed Abimelek yoom ye wonong yoom ye deme no kakmaniibban awinembiri ye nima yoom yaa ongmoone wadkeriwen

Andowoon 20:7

Kwani kowe, kibireb kee ebbed wonong kuu domondene, yu karub yaa. Ye kuu ne weng dakmi ye karub kowe, yembed eb yaa kurikuri keraneene bobnaabban. Kumban, angkon ika konokban keraneeb kuu nembed yedmebdaan kuu eb yoom eb nimakarub yoom duknaniib.” andoon.

Andowoon 32:28

karub kumbed yedmoon “Kibikee eb aningko kuu Yekob andimban, Israel andaniib kii, amborom kuu eb yoom God yoom nangme awine kanyiri kowoon kanyiri kowoon kameniiwa burudandewen, angkon eb yoom karub maa maa yoom nangme awine kanyiri kowoon kanyiri kowoon kameniiwa burudandewen.” andoon.

Yook 34:15

Yariman ye indob kuu yorokmo kame doriibdan yaa kerenombirimaan, yi awandi dowad, kwane ye kerendem kuu yi baandi yaa nandimaan.

Matyu 21:22

Kwane, yiib kuu anam andaniib kumbed kurikuri aombed God yaa komo kaamobaniib kuu baniib.” andoon.

Matyu 3:6

Kuyaambed yi ambarakmi korem God yaa mimyob kowe dakmekoriwa, ok Yooden yirimbed baptais kerundoon. Kwane menebe wengambaraiwa baptais kerundaane winimo kamiwen.

Maak 1:5

Kwanoone, Yudea ambibkin ye kambong mimim koremdan yoom yi siti Yerusalemdan yoom, nimakarub yewudmo kuu yeyiib yaa winiwen. Wenenib, yi ambarakmi kuu dakmiiwe, yembed ok Yooden yirimbed baptais kerundoon.

Yesu Ye Weng Amun Lukbed Wongkoon 9:6

Kowe, yi kuu wene kambong kambong yaa nimakarub kunaya kunaya dange yariib kuu weng amun kedmengkandenib bob anikaddan kuu ongmenabiwen.

Yoon 9:31

Nub nubkaad kui, God kuu ambarakmidan yaa kuu wengamberendimokban. Kumban God ye kerekmen ye kiwaan ari doriibdan kwane Godbed dowakeniib keroon yaa awinimaib kuu Godbed wengamberendimaan.

Kwamiwen 10:38

Kukuu Yesu Nasaretman kuu Godbed kine ye aromkono konoona, Kingkin Karadmombed ibnenoona, wene amun amun kamimaane Setenbed kebendoondan korem ongmenaboon, amborom kuu Godiib awanenoon kowe.

Kwamiwen 19:18

Kwane, nimakarub yemoon anam andiwen kuu mene kidangkambonbed yi ambarakmi arewa kuu anam kamuwen ande dakmiwen.

Kwamiwen 8:24

Kwanandoone, Saimonbed yi ayoob yaa inande yedmoon, “Ne dowad yiibbed Yariman yaa kurikuri keriiwo, ne yaa kwamune dakmewen areb ma kwanaanban kerok.” andoon.

Romdan 3:10

Kekane God Ye Weng aombed yedme wongkoon, “Mim kane ma yorokmoyiibban, korem dowan kai.

Romdan 5:19

Kedi, karub mimo God ye weng wengamberedandoon kumbed nimakarub yemoon kuu ben ambarakmidan kerundoon. Kowe kwamune areb kuu karub mimo God ye weng wengambere awine kandoon kumbed nimakarub yemoon kuu ben yorokmo kerundaneen kii.

Kolosedan 1:9

Kwamune ye dowadbed ibduruk yiib dowad wengamburuwen kumbed mene ari kuu yiib dowad womoniyiibban kurikuri kamimaub. God yaa kaamonimaub kuu kingkin ye kerekmen ye meeni kangdomiib kaadkeriyiib korem yaambed ye dowaken yaa yiibkaadkeri kuu yiib inamen aom dembok anduwed.

1 Tesalonaikadan 5:17

Kwane, kurikurimo kamembirime.

1 Tesalonaikadan 5:23

Yewenub ye Godbed yekareb yiib niindem aom kumundin yaa karadmo kerundok. Kwane, Yariman Yesu Keresu mananeen yaron yaambed yiib idiib kingkiniib yaa arewayiib ande dedmoniyiibban kerok, kumundin amunmo kerundok.

1 Tesalonaikadan 5:25

Angkodmia, nub dowad kurikuri kerime.

Hibrudan 11:4

Anam andi yaambed, Abel kuu dingkan aye nengke agedmo kere baeb koni yeman amun kuu God yaa konoon, Kein yeman konoon arebban. Kwane, Abel ye anam andi yaambed, Godbed Abel ye koni yeman kuu amun andoon kowe, ye kuu Godbed yorokmo ye karub andunoon. Ye kuu bobnoon kuned, ye anam andimbed nub yaa kwane dakmeen.

Hibrudan 11:7

Noa yaron kuu dabab menebaneen ye weng okad kiridan korem yi koron kuu Noa yaa ongkane daanoone, anam andi yaambed God yaningko kankoone ye weng awine kandene ye nimadana yoom bobni yaa burudande bindi dowad motod yenboon. Ye anam andi yaambed okad kiridan korem yaa wengyunde arewadan andene anam andi yaambed yumbon yorokmo keruni yeman kuu kandoon.

Hibrudan 12:13

yiib yon yeman kiwaan dabonmo ongmime. Kwananiib kumbed yon aandem dingki aandemdan kuu miin yiminban keraibban, koronde amun keraniib.

Hibrudan 13:18

Nub dowad kurikuri kerime. Nub dowaken kuu kiwaan korem yaambed nimakarub yena korem yi aningko kankoone dobaranduwed kowe, nubkaad nub meeni dobiri inamen kiwaan kuu yorokmo.

1 Pita 2:24

Ye kuu yekareb nub ambarakmi korem kuu ye id arimbed at ming ari karine bobnoon. Kukuu nub kuu ambarakmi yaa bobnemoon areb kerubko yorokmo dobirime andi ye dowad kwanoon. Kedi, ye id yaa anbandiwen kumbed yiib kuu wadkeri kandiwen.

1 Yoon 3:22

ye yaambed komo komo kaamonanuub kuu nub yaa bangkandaneen, amborom kuu ye weng amob kuu wengamberenub ye dowaken yaambed awinimaub kowe.