Yems 5:11 - Yomgkom

¹¹ Kwane, iwari meenme kangdommo doberembiriwendan kee Godbed amun kerundoon ande yedmimaub kuda. Jobbed dabab meneboon kuyaa iwari meenme kangdommo doberemboroone Godbed ye dowad komo ambangkoon ye weng kuu yiib kuu wengambiriwen. Yariman kuu mimyob keendiyiib mimyob keende kakman are nonondandiyiib yiminmo awinoon.

Yems 5:11 Iomraidhean Croise

Yook 103:13

Awodkimbed dana meed yaa mimyob kowimaan kwamune areb kuu, Yarimanbed ye yaa unimaibdan yaa kangkon mimyob kowimaan.

Yook 103:8

Yariman kuu mimyob kowi ye God, kabamoon kondoon ye mimyob dowaken keendi ye God, ye kuu kirodmo norin wandimokban, ye kuu mimyob dowaken darewoob keendi ye God.

Yook 116:5

Yariman kuu kabamoon kondoon ye mimyob dowaken keendi ye God, ye kuu yorokmo dobiri ye God, nub God kuu mimyob keendimaan.

Yook 119:132

Ne yaa murubia kaweneb ne yaa mimyob keewe kakman are nonondande. Eb yaa mimyob dowaken keebdimaibdan yaa komo kamimaab kuu ne yaa kwamunemo kame.

Yook 145:8

Yariman kuu kabamoon kondoon ye mimyob dowaken keendimaan angkon mimyob keende kakman are nonondandimaan, kwane ye norin arud kuu yodbirimban emambed angkon mimyob dowaken darebmoyiib.

Yook 37:37

Ambarakmiwen kii ande kadwondiyiibban yimo doriibdan yi dobiri yaa kuu ongme meene wedmendime, kwane kangdommo doriibdan yi dobiri yaa andangke meene wedmime. Amborom kuu kane kanembed yewenubmo dobiri ye kiwaan arimbed doriib kuu ari danayayiib awoyayiib keraniib.

Yook 51:1

O God, eb womoniyiibban ye mimyob dowaken yaambed mimyob keewe kakman are nonondande. Eb mimyob keendi darewoob kerekmen yaambed ne wabkad kami kuu are kankare.

Yook 78:38

Kuned God kuu yi yaa mimyob kowekore, yi ambarakmi kuu are nonondandoon, yi kuu yembed ben monmarindo. Aron yemoon kuu ye norin kuu yeka kan kubunoon, kwane ye norin kuu darewoob arimbed kowindo.

Yook 86:15

Kumban, o Yariman, eb kuu mimyob keene kakman are nonondandi ye God, eb kuu kabamoon kondoon ye mimyob dowaken keendi ye God, eb kuu kirod arud wandi ye karubban, eb kuu womoniyiibban ye mimyob dowakeniib ma korondiyiibban no awinembiriyiib yiminmo ye karub kui.

Yook 86:5

O Yariman, eb kuu amunmoman kuda, eb kuu ambarakmi are nonondandi ye karub, kwane kane kane eb yaa baandimaibdan kuu womoniyiibban ye mimyob dowaken yiminmo keendimaab.

Yook 94:12

O Yariman, ebbed didangkewenman kuu amun kerunewen. Eb amob yaambed kedmengkanewenman kangkon amun kerunewen.

Matyu 10:22

Nimakarub korem kuu yiib yaa arud darewoobmo wandembirimaib, amborom kuu yiib kuu ne karuwa nimaya kowe. Kumban, kanembed ne weng awinenmo dobaraneenkob wene yimin wandaneen kuu, Godbed burudande bindaneen.

Yesu Ye Weng Amun Lukbed Wongkoon 1:50

Kane kane God ye dabderem aom doriib kuu yembed mimyob keendembirimaan.

Yesu Ye Weng Amun Lukbed Wongkoon 11:10

Karub korem kanembed kaamonaneen kuu kandaneen, kanembed onmaneen kuu wedmaneen, kanembed ambongko yaa wangkaneen kuu ye yaa nandaneen.

Yesu Ye Weng Amun Lukbed Wongkoon 6:36

Yiib Ambembed mimyob keendimaan areb kwane korem yaa mimyob keendime.

Romdan 2:4

Ogoodmo wengyundimaibdan, yiib yaa kuu God ye awandi ben yiib amonombime andi yeman kuu yiib ongme kaadkerindo kumbed, dembe yiminmo keroon ye awandiyiib kirod wengyundainban andi ye inameniib yodbirimban iwarimbed dobiriyiib Godbed awinoon kuyaa kuu nongdomatom andimaiwoo?

Efesusdan 1:6

God ye kabamoon kondoon ye mimyob dowaken kee nambiriyiib kowe, ye yaa kube kankoonem! Kamune kondoon kuu ye mimyob dowaken keenoonman yaa ben daboknoon kumbed yiminmo kondoon nub yaa.

Efesusdan 2:4

Kumban mimyob keende kakman yemoon are nonondandi ye God kuu, ye mimyob dowaken miin darewoob kumbed

Hibrudan 10:39

Kumban yiiwa nuwa kuu koronde ika winiiwe monmariwendan kwamune arebban, yiiwa nuwa kuu anam anduuwe bobni yaa burudande bindoondan kwamune kii.

Hibrudan 3:14

Nub kuu ibduruk Keresu ye dowad kerebkarawiibban arudkonomo doburuwen kwane kangdommo dobaranuuwe yimin wandanuun kuu, Keresu yoom ibmo dobaranuub.

Hibrudan 3:6

Kumban Keresu kuu God ye Mingki, ma domondimokbanman, God ye nimakarub korem yaa kuu. Kwane, nub kuu arudkono doberenub yembed kwananeen ande kerengkanuwen ye weng awine dobaranuub kuu, nub kuu ye nimakarub keranuub.

Yems 1:12

Karub kanembed komboon kaamoni ye dabab meneboon yaa kangdommo dobaraneen kuu Godbed amun kerundoon, amborom kuu yiminmo dobaraneen kuu wadkeri ye kakman king ye korok ari dereni yeman areb kandaneen. Kakman keyaa Godbed weng kunduk yedme kowoon, ye yaa mimyob dowaken keenimaibdan yi dowad.

Yems 1:2

Nangkodmia, dabab maa maa yiib yaa meneboka, kubimombed dobirime,

1 Pita 1:13

Kwani kowe, yiib inamen kuu God ye deme awini dowad nekwane dobirime. Yiibmeren kangkadmime. Yiib yaa God ye amun kerundi Yesu Keresu dian keraneen yaron arimbed kondaneen kuyaa kuu, ongme meedmime.

1 Pita 3:14

Kumban yiib kuu kwamune inamen yorokmo kamaniiwe yenbandaneene durud yewed kandaniib kuu Godbed amun kerundaneen. God Ye Weng aombed yedmoon kuu, “Yi komo komo yaa unimaib kuu yiib kuyaa unaib, binangke unembaraib.” andoon.

2 Pita 2:9

Godbed kwamoon kowe, God ye kerekmen yaa doriibdan yi yaa komboon kaamobi ye dabab meneboon yaa kuu binde ooni kuu Yariman yekaad kuda. Kwane, yorokmo inameniibbandan kuu Godbed awingke ukum kondimame wene wengyundi yaron keranuun kangkon yekaad.