Yems 3:8 - Yomgkom

⁸ Kumban karub maambed ong kuu kan kwamune kerok ande ma kwanindo. Ong kuu kangkadmindeban ye barang miin arewa, arud niin ye ambod arewayiib areb.

Yems 3:8 Iomraidhean Croise

Yook 140:3

Kwane yi ong kuu niin yi ong areb kerenib “ssss” andimaib, kwane yi weng mongkodkono mandakadbed dembimaan kuu niindok arud ambod areb. Selah

Yook 55:21

Ye weng kuu dabere windane amun amun dakmimaan kumban, ye niindem aom kuu ana nangmi ye inameniib angkeen. Ye weng kuu dabere windane yewenub weng areb dakmimaan kuned, anam kuu ye weng kuu arud kere ana nangmi ye inamen kerundi ye weng kerimaan.

Yook 57:4

Ne kuu laiyon yi kidaom keraana kanawanewandiwen kii. Kwane ne kuu karub yeene komkad animaib ye dingkan yi numun angkaan. Kukuu ne bondan kui, yi ningkambo kuu maradiib anayiib yi arud areb, kwane yi ong kuu kerewang ye arud areb.

Yook 58:4

Yi weng ambod kuu niin ye ambod arewa kwamune areb. Yi kuu weng amun yaa kened warudki areb kerenib niinbed domonande kaimaib areb kerimaib.

Yook 59:7

Yi mongkodkono aombed wiin kami areb weng arewa menebe dakmimaib kuu wedme. Yi ong kuu kerewang areb, arud weng dakmimaib kui. Kwane yimbed yedmimaib, “God kuu nub weng wengambirimokban.” andimaib.

Romdan 3:13

“Yi weng dakmenabi kuu bobwum baeb areb, yi ongbed birandimo kamimaib.” “Yi weng mongkodkono mandakadbed dembimaan kuu niindok arud ambod areb.”

Yems 3:6

Kowe, ong kuu kwane amot areb. Ong kuu arewamo, indob o dingki o yon kwamune awene arebban. Kukuu karub id kumundin kan monmare arewa kerene, inamen korem be kiwaan arewa ari nongkobimaan. Kukuu kumbaanban yamotbon ye inamen yaambed kwane ambangkimaan.

Yems 3:7

Dingkan maa maa korem, ayari oniib niiniib yiyiib ok niindem yiri dange weneen ye dingkaniib kuu karubbed bangkandaiwa amongkob kerimaib.

Korokboon 12:9

Arud ye yi kedbon kuu unyeman ye niin, awad arewa Seten kui, okad yiridan kumundin birande ben kiwaan abdon wini ye karub kui, ye kuu ye awadiib okad yiri benkiraroon.