Yems 3:6 - Yomgkom

⁶ Kowe, ong kuu kwane amot areb. Ong kuu arewamo, indob o dingki o yon kwamune awene arebban. Kukuu karub id kumundin kan monmare arewa kerene, inamen korem be kiwaan arewa ari nongkobimaan. Kukuu kumbaanban yamotbon ye inamen yaambed kwane ambangkimaan.

Yems 3:6 Iomraidhean Croise

Yook 140:3

Kwane yi ong kuu niin yi ong areb kerenib “ssss” andimaib, kwane yi weng mongkodkono mandakadbed dembimaan kuu niindok arud ambod areb. Selah

Yook 64:3

Yi weng arud dakmi kuu kerewang areb, kwane yi weng kookiib kuu ana areb dedmone dakmimaib.

Matyu 12:24

Kumban Farisidan kuu wengamberekorib yedmiwen, “Yii! Kukuu no awad arewa yi korok yaningko yaambed awad arewa kuu yedmaankob angkanimaib kude!” andiwen.

Matyu 5:22

“Kumban nembed yiib yaa ke yedmendaan kei, kanembed maa yaa norin wandaneen kuu, ye nenwananeene wengyundi ye korokbed dabab darewoob konaneen kuu yimin. Angkon kwane kanembed noriniib maa yaa eb kuu awon korok anamaa andaneen kuu, Suprim Kot yaa nenwananeene keye wengyundi ye korokbed dabab darewoob konaneen kuu yimin. Angkon kwane kanembed noriniib maa yaa eb kuu inameniibban anamaa andaneen kuu, kan kumbaanban yamotbon yiri koraraneen angkon yimin.

Maak 7:15

Bunangka yeman maa karub ye mongkodem aom awunimaan kuu God yaa arewa keri yemanban. Kumban, komo karub ye niindem aombed angkadirimaan kuu God yaa arewa keri yeman.” andoon.

Yesu Ye Weng Amun Lukbed Wongkoon 16:24

Kowe yembed baandoon, ‘Ambe Abraham, ne yaa mimyob keewe! Lasares yedmenebko ye dingkiod kuu ok aom kamonekore ne ong ari deroko yurukmo kerok, amborom kuu ne kuu amotbon aom durud yewed kandaan kowe.’ andoon.

Kwamiwen 20:30

Angkon yiib yoom dabokniwen kumaom kuu yika yaro dembenib anam andiwendan yena kuu birande dudanabi weng daande ben angkananiib kii.

Kwamiwen 5:3

Kondoona, Pitambed Ananaiyas yaa yedmoon, “Eb komande Seten ye inamenbed eb niindem aom kumundin ibnebdoonkob okad od yena ebka amuknekoreb kwane Kingkin Karadmo yaa bironewen?

Kwamiwen 6:13

Kwane, weng dudi kobkob kamenib yedmiwen, “Karub kee nub karadkono kurikuri boyambib darewoowiib Moses ye amowiib yaa kuu manmo dore angkaan weng anamban ande dakmimaan kii!

Taitus 1:11

Kwane, yi dudi weng kuu kebenime, amborom kuu yimbed inamen arewa od bi dowadmo kedmengkandimamenib ambib yena kumaom doriibdan yi anam andi kankubuniwen.

Yems 2:7

Yiib Yariman yaningko amun kuu yimbed wengamborokbanabimaib dee? Korem kee kwamunemo kamimaib kuda.

Yems 3:7

Dingkan maa maa korem, ayari oniib niiniib yiyiib ok niindem yiri dange weneen ye dingkaniib kuu karubbed bangkandaiwa amongkob kerimaib.

2 Pita 3:3

Awine kaadkerime andi ye weng ibduruk kuu kei, aron yeenbon arimbed damangkandidan menenib mungkuwandenib yika yi id ye dowaken arewa ye yoman wenebaniib kii.

3 Yoon 1:10

Ye kuu nub yaa kobkob weng arewa dakmenaboon. Kumbedmomban, ye kangkon anam andiwendan kuyaa winiwen kuu kubendimokban kerene dowakeniibban kerundoon. Kwane, winiwendan yaa kuu kuristen angkodmi yena awandande kamiwen kwangkon yembed kebengkene kuristendan nedbimaib kuyaa ben bunangka kiranmoon. Kowe, ne mananiin kumbed yembed komo kamoon korem kuu korokbendaniin.

Korokboon 12:9

Arud ye yi kedbon kuu unyeman ye niin, awad arewa Seten kui, okad yiridan kumundin birande ben kiwaan abdon wini ye karub kui, ye kuu ye awadiib okad yiri benkiraroon.

Korokboon 13:14

Arud dingkan ibduruk ye aromkono konoone ye dowad dud kedmengkoon kembed okad yiridan birondoon. Kwane, yembed arud dingkan ibduruk ari kerewangbed ayiiwe bobnoon kumban ika demboon ye kuruwak kuu botbed ongmime andoone ongmiwen, yaningko darewoob ari koni dowad.

Korokboon 18:23

Ub kuyaom kuu lem ye nambiri kuu angkon ika ma yuraanban. Ub kuyaom kuu wonong yeeb awani ye orokbon ye kuweng kuu angkon ika ma wengambaraibban. Anukbed ub berengkidan kuu okad yiri aningko arimbed darewoob keriiwe, ub waruk komob yaambed ambibkin koremdan kuu ben kimyen abdon wenewen kowe kwamune kerewen.

Korokboon 19:20

Kumban arud dingkan kuu nen awineniwen. Dudi profesiman arud dingkan ye dowad dud yeka mamaa kedmengkanaboon kuu ye kangkon nen awineniwen. Keye karub kee dud kedmengkoon kembed nimaya karuwa arud dingkan ye kumun kuu yi binad o dingki yaa kandekorib ye kuruwak ongmiwen yaa bumangke yaningko kankoonimaibdan kuyaa birande ben abdon wonoon kui. Arud dingkaniib dudi profesimaniib, yi ayoob kuu bobnaibban wad bene bot sulfaambed amot denembiri ye bowan yiri kiradmoon.