Yems 1:22 - Yomgkom

²² God ye weng kee kwane wengamberekoriwa kuyaa awinokban keraniib kuu, yiibka yiibmeren bironaniib. Kowe, weng keyaambed wengambere awinime.

Yems 1:22 Iomraidhean Croise

Matyu 12:50

amborom kuu kane kanembed Nambe Ewen ari doreen ye inamen dowaken yaambed kamimaib kuu ne enaya ne aagoroka ne yangkuraya kuu kui.” andoon.

Matyu 28:20

Kwane, nembed yiib yaa kwamime ye weng komo komo kedmengkande kondaan ye weng korem kuu yi yaa awinime ande kedmengkandime. Kedi, anam anam kuu ne kuu aron korem yiib kuu domondainban kwane doberembaraniinkob, kwane wene okad miin yimin wandanuun kii.” andoon.

Yesu Ye Weng Amun Lukbed Wongkoon 11:28

Kumban yembed yu yaa yedmoon, “Yii, maa, anam kuu kei. Kane kanembed God ye weng wengamberekorib anam andenib awiniwen kuu Godbed amun kerundoon kii.” andoon.

Yoon 13:17

Kibireb kee inamen kee yiibkaadkeriwen kowe, kee awine kwamune ambangkaniib kuu yiib yaa amun kerundaneen.

Romdan 2:13

Kedi, amob no wengambiriwendan kuu God ye kerekmen yaambed yorokmo kerindo, amob wengambere awine kandiwendan kuu God ye kerekmen yaambed yorokmodan kii ande daandaneen.

1 Korindan 15:33

Korondaiwe kuye weng dakmimaibdanbed yiib ben kimyen wanaib, anam kuu weng kei, “Angkodmia arewa kuu yiib inamen amun amun ben nengkidme arewa kerundimaib.”

1 Korindan 3:18

Yiibkareb yiibmeren biranaib. Yiib kuyaa kanembed ye kuu okad kiri ye dobiri kerekmen yaambed ye kuu meeni kangdom ye karub ande meenoka, wabkaddanbed ye yaa inameniibbanman andi dowad God ye inameniib kerok. Kwananeen kumbed God ye kedmengkandi kaadkerene God ye meeni kangdomman keraneen.

1 Korindan 6:9

Arewa kamenabidan kuu God ye oonimbon aom yiyiib yumbon kandaibban kuu yiibkaadbankowoo? Yenambed yiib yaa birandaib ande nekwe meenime, keye weng keyaa. Nenem kamidan o dudi god bumangkidan o karub yikanmo awanoon awanoon kamidan

Galasiadan 6:3

Aningkoyiibbanmanbed “Ne kuu arimbed kwana ye karub kii.” ande kamaneen kuu yeka yemeren birananeen.

Galasiadan 6:7

God yaa kuu karub mim kanembed ma damangkanaanban, amborom kuu karub kuu komo ambangkaneen kuu kuye idmo wandaneen kowe, inamen maa kere yiibka yiibmeren bironaib.

Filipaidan 4:8

Angkodmia, yeenbon weng kei, yiib inamen aom kuu inamen yiminmo keyiib kankooni ye inamen keyiib kembed ben nongkobime, inamen anammoyiib korem burudandoon arimo ye inameniib inamen yorokmoyiib inamen karadmoyiib kubi dowaken kerundi ye inameniib meeni amun andi ye inameniib kuu meendobe awine kandime.

Kolosedan 3:17

Kwane, weng dakmi yaambed o ambangki yaambed, komo komo awine kamandamiib korem kuu, Yariman Yesu yaambed Ambe God yaa eso andenib Yesu yaningko yaambed kwane ambangkime.

2 Timoti 3:13

Kwane, arewa kamidan yoom aadikmidan yoom kuu arewa yiri wenenib, yena yaa birandaniiwe neman birandaniib kii.

Taitus 3:3

Kurin anukbed doburuwen kuu nub kangkon inameniibban wabkaddan, nub kuu nemengkandoone nub id dowaken deme arewa yemoonbed nub yariman keriwen. Nub dobiri kuu karub ma ayem andi meenenub inwirine keenomboroon keenomboroon kamenub neman arud wandemboroon arud wandemboroon kamuwen.

Yems 1:26

Kwane, karub kanembed yeka yedmaneen, “Ne kuu anam ande amob awinaan.” andaneen kuned kangkadme meenmiyiib dakmokban keraneen kuu, yeka yemeren birananeene ye anam ande amob awini ye kerekmen kuu anam idiibban.

Yems 4:11

Angkodmia, yiibkanmo yaa wengamborokbanabaib. Karub kanembed ye kuristen angkodmi yaa wengamborokbanabaneen o ambarakmoon ande wungkananeen kuu, kuye wengbed God ye amob yaa wengamborokbanabe arewa ande wengyundaneen. Kwamune ye karub kuu amob awini ye karubban, amob yaa no wengyundi korok areb keroon.

Yems 4:17

Kwane, karub kanembed amun kami angkeen kuu wedmoon kumban ma awine ambangkindo kuu, ye kuu ambarakmoon.

2 Pita 2:13

Yi kuu kwane nimakarub yena be dabab arewa yaa kirarimaib kowe, yi kakman kuu ben dabab arewa yaa kiraraneen. Yi kubi dowaken kami kuu aronki wedangkambon ok arewa ano animan duudkab kiom anengkanao kamiib kii. Yi kuu yiib kuyaom kuu ebkad yeeb yaa nunung deengkemoon areb o koroom ambemoon areb kii, yi kuu yiib yoom orok animaib kuu yi nemengkandi yaa kube ok arewa ano animan duudkab kiom anengkanao kamiib kii.

1 Yoon 1:8

Ma, nubbed kamune ambarakmi-yiibban andanuub kuu, nubka nubmeren birananuub kwane nub niindem aom kuu anamiibban keraneen.

1 Yoon 2:3

Nub nubkaad, nub kuu Yesumbed kwanime andoon ye weng kuu wengam-bere awine kandanuub kuu, anam ye kuu nubkaadkerenuwen.

1 Yoon 3:7

Ee ne danaya, korondaiwa karub yenambed kimyen abdon benwanaib. Karub kanembed yorokmo kamoon kuu God ye yorokmoman kii. Kwane, Yesu kuu yorokmoman kowe Yesu areb keroon.

3 Yoon 1:11

Ee angkodmi, inamen arewa kumunkingkaab, inamen amunmo kumunkingke. Kanembed amun yaambed awinoon kuu God ye karub kii. Ma, kanembed arewa yaambed awinoon kuu God yekaadban.

Korokboon 12:9

Arud ye yi kedbon kuu unyeman ye niin, awad arewa Seten kui, okad yiridan kumundin birande ben kiwaan abdon wini ye karub kui, ye kuu ye awadiib okad yiri benkiraroon.

Korokboon 22:7

Kwane, Yesumbed yedmoon, “Kedi, ne kuu aron doboobban ari mananiin kii! Karub kanembed profesi weng buk keyaombed dakmeen yaa awine kandaneen kuu Godbed amun kerunaneen.” andoon.