Matyu 5:3 - Yomgkom

³ “Kane kane yi dobiri kankubune God ye dabderem aom dobirimaib kuu Godbed amun kerundoon, amborom kuu Godbed Ewen arimbed yi yaa korok kere oonimaan kowe.

Matyu 5:3 Iomraidhean Croise

Yook 1:1

Karub kane ye kuu arewadan yi inamen ye yoman yarokban o, ambarakmenabidan yi kiwaan ari dorokban o, damangkandimbon ari nenkowe diborokban kuu, Godbed amun kerunoon.

Yook 112:1

Yariman ye aningko kankoonime. Karub kanembed Yariman yaa unimaan kuu Yarimanbed amun kerunoon, kwane karub kane kuu Yarimanbed kwanime andi ye weng yaa dowaken darewoob keroon kuu Yarimanbed amun kerunoon.

Yook 128:1

Yariman yaa unimaibdan korem kuu amun kerundoon, ye kiwaan ari weniibdan kui.

Yook 146:5

Kumban kane kane yi kuu Yekob ye Godbed awandimaan kuu amun kerundoon, Yariman yi God ye dowad yembed kwananeen andimaibdan kui.

Yook 2:12

Ye Dana Mingki yaa bumangke yaningko kankoonime, kwanaibban kuu arud wandene, yiib wadkeri kuu wedyambed nare monmaraneen. Amborom kuu ye arud kuu kudmeniibban yurendimaan kowe. b Kane kane kuu Dana Mingkimbed kukbimaanbon aombed dobaraniib kuu yi korem kuu amun kerundaneen kii.

Yook 34:18

Mimyob wandi miin yiminban kerimaibdan kuu Yarimanbed yi dia mene dobirimaan, kwane kane kane yenambed ben kubune inamen korem monmarimaibdan kuu yembed ben burudande obon kerundimaan.

Yook 41:1

Kanembed kamboknondan yaa meendene amun kamendimaan kuu ye kuu Godbed amun kerunoon. Ye yaa dabab mananeen kuu Yarimanbed awanene nen angka kowaneen.

Yook 51:17

God ye kubi dowaken keri yeman kuu yiibka kankubuni. O God, kane kane kuu yika kankubunenib God ebbedmo yimin andimaib kuu ebbed yi yaa wunekaraabban.

Yook 84:12

O Ana Nangmidan Yemoon Ye Yariman, eb yaambed angkumone doreenman kuu amun kerunewen kii!

Matyu 11:25

Kuye aron Yesumbed God yaa yedmoon, “O Ambe, eb kuu Eweniib okadiib ye Yariman. Ne ewaningko kankoonaan, amborom kuu ebbed kekamune ye inamen kuu ebbed dana areb keriwendan yaamo korokbendewen, kumban kedmengkandi yemoon biwendaniib indengandengdaniib yaa kuu bikderebewen.

Matyu 11:6

Kanembed ne komo kamaan kuu wedmekore koronde dowakeniibban kerindo kuu Godbed ye yaa amun kerunaneen.” andoon.

Matyu 13:16

“Kumban yiib indobbed wedmenib, yiib kerendembed wengambirimaib kowe, Godbed yiib yaa amun kerundoon.

Matyu 19:14

Kwaniiwe, Yesumbed yedmoon, “Yiib korondiiwo, dana bongbong kuu ne yaa minime yiib kebengkaib. Godbed korok kere ooni yeman kuu dana bongbong kamune yi inamen areb keraniib kumbed awunaniib.” andoon.

Matyu 24:46

Kwane, ye korokbed deme konekore wananeen kuu aman ika mene wedmaneene no kwane awinaneen kuu kuye karub kuu amun kerunaneen.

Matyu 25:34

“Kwane Kingbed nimakarub wiwi angka yuroondan yaa yedmaneen, ‘Minime, yiib korem kuu Godbed amun kerundoondan kii. Menenib, yiib Ambe God ye dana meed ye yumbon kuu kandime, yiib yumbon kui. Yiib yumbon kuu Godbed korok kere oonimbon kii, okad ongmoon yaron arimbed yiib dowad nekwoon kii.

Matyu 3:2

“Ambarakmi yaa koronde amonombime, amborom kuu Ewen Yarimanbed nimakarub yi korok kere ooni yaron dia menuun.” andimaan.

Matyu 8:11

Kwane, yiib yaa ke yedmendaan kei, yemoon kuu okad yimin yimin yaambed menebaniib kii. Yi mene Abraham Aisek Yekob awene ibonmo korem Ewen aom orokbon ari dibaraniib,

Maak 10:14

Kwamiiwe, Yesu kuu wedmendekore kongendoon kowe, yembed yi yaa yedmendoon, “Kebendaib. Korondibko dana kuu kwane ne yaa menebime, amborom kuu Godbed korok kere ooni aom dobiri ye yumbon kuu dana kee areb keriwendan yiman.

Yesu Ye Weng Amun Lukbed Wongkoon 11:28

Kumban yembed yu yaa yedmoon, “Yii, maa, anam kuu kei. Kane kanembed God ye weng wengamberekorib anam andenib awiniwen kuu Godbed amun kerundoon kii.” andoon.

Yesu Ye Weng Amun Lukbed Wongkoon 18:14

“Ne yiib yaa yedmaan kuu, karub kee ambiwoom wonoon kuu God yaa yiminmo keroon, kumban Farisiman kuu God yaa kuu yiminmo kerindo. Kanembed yekareb yaningko ari kowaneen kuu Godbed kankubunaneen, kumban kanembed yekareb kankubunaneen kuu Godbed aningkoyiib kerunaneen.” andoon.

Yesu Ye Weng Amun Lukbed Wongkoon 22:29

Nambembed aromkonoyiib oonimboniib bangkawoon kowe, yiib kangkon nembed kwamune areb bangkandaan.

Yesu Ye Weng Amun Lukbed Wongkoon 22:30

Kwananiin kuu yiib kuu ne oonimbon aom ne arak yaambed animaniib okiib ananiib, kwane yiib kuu king yi ooni ye dibirimbon arimbed diberenib amyenimbon wad ayoob Israeldan yaa wengyundaniib kii.” andoon.

Yesu Ye Weng Amun Lukbed Wongkoon 4:18

“Yariman ye Kingkin kuu ne yaa doreen, amborom kuu kamboknondan yaa weng amun kedmengkandi ye deme dowad kuu yembed ne korok ari amob ok bune kinoon kowe. Godbed yedmoona manaan kuu bonmanbed karuwa nimaya yembed boon yaa kuu be yeedere wananeen ye wengiib indob tutdan kuu ongmaneene ika wedmaniib ye wengiib be meneni, dabab wayiroondan yaa kuu ben yeedereni,

Yoon 20:29

Kwane, Yesumbed yedmenoon, “Eb kuu wedmewekoreb ne yaa anam andeewoo? Kane kane akmewindo kumban anam andiwen kuu amun kerundoon.” andoon.

Yems 1:10

Kuristen angkodmi yiribman yemooniib keroon kuu Godbed kankubune yumbon yiri konoon kowe kwangkon kerengkanok, amborom kuu ye kuu nong wuung yeere bobnemoon areb keraneen kowe.

Yems 1:12

Karub kanembed komboon kaamoni ye dabab meneboon yaa kangdommo dobaraneen kuu Godbed amun kerundoon, amborom kuu yiminmo dobaraneen kuu wadkeri ye kakman king ye korok ari dereni yeman areb kandaneen. Kakman keyaa Godbed weng kunduk yedme kowoon, ye yaa mimyob dowaken keenimaibdan yi dowad.

Yems 2:5

Mimyob dowaken keendimain ye angkodmia, wengambirime. Okad yiridanbed kane kane yaa kamboknon andimaib ye karuwa nimaya kuu, Godbed kinoona yi anam andi yaa yiminmo kerekoriwa, oonimbon aom mimyob dowaken keendoondan yi yumbon yeka ye weng kunduk kowoon kuu kandaniib. Eeyoo?

Korokboon 19:9

Kwane, engyumbed ne yaa yedmoon, “Wongke, ‘Kane kane Sibi Mana ye awani orokbon yaa ani yeman baandoondan kuu amun kerundoon kii!’” andekore ika yedmoon, “Weng kee God ye weng anam.” andoon.

Korokboon 22:14

“Kane kane yi ebkad doboob ogiwen kuu Godbed amun kerundoon. Kwaniwen kumbed Godbed yi yaa wadkeri ye at yaa wene ani kuu yimin, siti kuuk ambongko awuni kuu yimin yedme kowoon.

Korokboon 3:17

Yiibbed yedmimaib, ‘Nub kuu barang yemoon buwen kowe komo komo kuu yiminmo kii.’ andimaib. Kumban yiib kuu God yaa ambab kerenib, miin yiminban kerenib, kamboknon, indob tut, ebkadiibban keriwen kuu yiibkaadban keriwen kii.