Matyu 1:1 - Yomgkom

¹ Yesu Keresu ye awoya awoya yiri kei. Yesu Keresu kuu Dewid ye awo aman ari, King Dewid kuu Abraham ye awo aman ari. Aningko kei:

Matyu 1:1 Iomraidhean Croise

Andowoon 12:3

Kanembed eb yaa amun kerubdaneen kuu nembed amun kerunaniin, kuned kanembed arewa kerubdaneen kuu nembed arewa kerunaniin. Eb yaambed ambibkindan korem yaa kuu amun kerundaneen.” andoon.

Andowoon 2:4

Kuye weng kuu Godbed ambidiib okadiib kumkam korem ongmenaboon ye weng kui. Yariman Godbed ongme dowan kerindo kuyaron kuu

Andowoon 22:18

Eb yob yaambed ambibkindan korem okad yimin yimin yaa kuu amun keendaniin, amborom kuu eb kuu ne weng wengamberewen kowe.’” andoon.

Andowoon 5:1

Adam ye awoya kuu kei. (Godbed karub kuu ye areb ongmoon.

Yook 132:11

Yarimanbed Dewid yaa amob weng ongmoon, kuye amob kuu ikakman kandaanban, anammo angkimbaraneen kui. Kekane yedmoon, “Nembed eb yob yaambed mimo kine nendaniine king keraneen.

Yook 89:3

Ebbed yedmewen, “Nembed kinaanman yaa kuu amob weng ongmaan. nembed ne deme karub Dewid yaa yedme koweni yedmenaan kuu kei,

Yook 89:36

Nembed ye awoya ari yaa kuu aron korem ye yumbon kondaniin, ye dibere ooni ye yumbon kuu aron diberembirimaun areb ne arinambo ari angkimbaraneen kui.

Matyu 1:18

Kekee komo kere Yesu Keresu wooneen kuu kei. Ye awaan Meri kuu Yosef ye wonong ande boriwen, kumban yi ayoob awane dobirindo ye niindem aom kumbed, Kingkin Karadmombed yu yaa menekore ye aromkonombed yu niindem aom kuu dana ongmoon kowe, yu kuu oyoomiib keruune wedmiwen.

Matyu 1:2

Abraham kuu Aisek yambe, Aisek kuu Yekob yambe, Yekob kuu Yudayiib ye aagoroka yenayiib yi ambe,

Matyu 15:22

Kuyaa Keenandan wonong ambibkin kuyaombed yaro menenu, Yesu yaa baande komkeen, “Yariman, Dewid ye Awo, ne mimyob keewe. Ne dana mungkan kuu awad arewambed ibnendoona miin yiminban arewa anam kereen kii.” andeen.

Matyu 3:16

Kwane, Yesu yaa baptais kerunoone yaro demboone ambid kuu bengkeroone, kuyaa wedmoonka God ye Kingkinbed on arud wan kamenemoon areb kamenene Yesu ari diboroon.

Matyu 9:27

Kwane, Yesu kuyaambed yaro dore weneena, indob tut karub ayoob ye yoman menenib komkanmo miniwen, “Dewid ye Awo! Nub yaa mimyob keende!” andiwen.

Yesu Ye Weng Amun Lukbed Wongkoon 1:33

yembed Israeldan yi korok keraneen kuu yimin wandindeban.” andoon.

Yoon 7:42

God Ye Weng Karadmombed kwane ande wongkoon kuu Godbed kinaneena mananeenman Keresu kuu Dewid ye awo awoya aman ari kui. Kwane, Dewidbed doboroon ye kambong Betlehem yaambed woonanuun kui. Kowe, ye kuyoo? Dowan kii!” andiwen.

Kwamiwen 2:30

Ye kuu profesiman kowe, God Ye Weng kundukbed amob ongmoon kuu ‘ye yobbed ye ooni ye yumbon ari kuu ye awo aman arimbed kandaneen’ kuu yekaadkeroon.

Romdan 1:3

Weng Karadmo wongkoon kee ye Mingki ye dowad. Nimakarub yi kerekmen yaambed ye kuu king Dewid ye ambokab yaambed monoon.

Romdan 4:13

Abraham yoom ye yob yoom okad yimin yimin yaa yembed yariman keraneen ye weng kunduk kandiwen kuu Moses ye amob yaambedban, anam andoon kumbed yorokmo kerunoon yaambed kandiwen.

Romdan 9:5

Kwane awo awoya Abraham awene kuu yikanmo, kwane karub ye kerekmen yaambed Godbed Kinoona Monoonman Keresu kuu yikanmo kii. Ye kuu korem burudande arimbed ye God, aron korem korembed yaningko kankoonem! Anam kwanok.

Galasiadan 3:16

Kedi, weng kunduk kuu Abraham yoom ye yob yoom yaa yedmendoon. God Ye Weng dakmoon kuu “yob yemoon yoom” andindo, “eb yob yoom” andoon. Kukuu karub mimo anded, Keresu kui.

1 Timoti 2:5

Kedi, God kuu mimo, yenayiibban. Kwane, God dore nimakarub dore wedyiri dobiri ye karub kuu mimo, karub Yesu Keresu, yembedmo.

2 Timoti 2:8

Bobnoon yirimbed nen daanoonman, King Dewid ye awo aman ari ye karub Yesu Keresu kui, ye weng amun nembed daandimain kuyaambed ye yaa ika meenme.

Korokboon 22:16

“Ne kuu Yesu, nembed ne engyu yedmaane menene weng kee anam andiwendan yaa daandi ye dowad kondoon yiib yaa. Ne kuu Dewid Ye Ambokab, Dewid Ye Awo kui, kwane ne kuu Amkimo Ye Mindong nambiri darewoowiib kii.” andoon.