Korokboon 8:10 - Yomgkom

¹⁰ Kwane, engyu ayoobmim andimbed ye kibi baandoon. Baandoone, mindong darewoob ambid arimbed angkadkok ye nambiri areb kombere yure kamene ok darewoowiiwa dem okiiwa korem kuu nekwe ayoobmim kerekore mimo angkara ari komboroon.

Korokboon 8:10 Iomraidhean Croise

Matyu 25:1

Kwane, Yesumbed kuruwak weng kee yedmoon, “Kuyaron ari kuu Godbed korok kere ooni yeman mananuun keyareb kei. Nima koyu angko angkoyiib kuu angkadkok benwenenib wonong awanandameenman wenganok winiwen.

Yesu Ye Weng Amun Lukbed Wongkoon 10:18

Kwanandiiwe, Yesumbed yedmoon, “Nembed wedmaane Seten kuu Ewen arimbed imak areb kubudoroon kii.

Kerek Judbed Wongkoon 1:13

Yi kuu karamok yu oknondok arud areb, ok kamok areb yi komo kamimaib kuu karak bobni yeman. Kwane, yi kuu mindong ambid ari awerenmo yarimaib areb, yi yoman wini kuu yiminban. Kowe, yi kuu miriknimbon kumun doromod wimaan kuyaom ben kiraraneena aron korem dobaraniib.

Korokboon 1:20

Mindong ediib ne dingki wiwi ari dangeeniib lem denobimaanbon ediiwiib wedmewen ye weng id bikdereboon kuu kei. Mindong ediib kuu anam andekorib nedbe kurikuri kamimaibdan kambong ediib aom doriib yi ooni ye engyus ediib Godbed ben nongkoboon kui, angkon lem denobimaanbon ediib kuu anam andekorib nedbe kurikuri kamimaibdan kambong ediib aom doriib kui.” andoon.

Korokboon 12:4

Kwane, mindong ambid aom korem kuu nekwe ayoobmimiib kerekore mimo angkara kuu ye yibikonombed daadmene okad yiri kiraroon. Kwane, ye kuu dana woonandamuun ye wonong yu arinambo ari dana woonanuune erebnariyiibban kwane aye ani ye dowad doboroon.

Korokboon 14:7

Kwane, yembed naawonmo baande yedmoon, “God yaa unekorib yaningko kankoonime, amborom kuu ye wengyundi yaron kuu muneen kowe. Ambidiib okadiib karamokiib dem okiib ongmenaboon ye God yaa bumangke yaningko kankoonime.” andoon.

Korokboon 16:4

Kwane, engyu ayoobmim andi ye meneki wongdem kuu ok yiriyiib demok yiriyiib yaa ondukdereboone koronde umkan kereen.

Korokboon 6:13

Mindong kangkon yedob kuu nuub aromkonombed wuure okad yiri ben kiradmemoon areb kwane ambid arimbed kirobenabiwen.

Korokboon 8:7

Kwane, engyu ibdurukbed ye kibi baandoon. Baandoone, am boyareb yurukmo kuyiib amoyiib umkanbed daboknoon kuu okad yiri kiroboon. Kwane okadiiwa ayiiwa kuu nekwe ayoobmimiib kerekore mimo angkara kuyiib kereek koremiib kuu denoboon.

Korokboon 9:1

Kwane engyu angko andi ye kibi baandoon. Baandoone, ambid arimbed okad yiri komboroon ye mindong kuu wedmaan. Mindong yaa kuu dem kongdem yiri awad arewayiib doriib ye ambongko kiiyiib konoon.

Korokboon 9:15

Kwane engyus kaningiib kuu meedme doriib ye aroniib woodiib weewiib ari kereen kowe, nimakarub korem nekwe ayoobmim kerekore mimo angkara kuu yenbande nongkobi dowad dudmungkoon.

Korokboon 9:18

Kwane, korem nekwe ayoobmim kerekore mimo angkara ye nimakarub korem kuu dabab kondi ye yiribman ayoobmim kee amoyiib amarengiib bot sulfaayiib kumbed hoos yi mongkodem aombed deederebe yenbandoone dukniwen.