Korokboon 7:10 - Yomgkom

¹⁰ Kwane, naawonmo baande yedmiwen, “Nimakarub bobni yaa burudande bindi kuu nub Godbed ye ooni ye dibirimbon ari dibeeniib Sibi Manayiib kumbedmo yimin.” andiwen.

Korokboon 7:10 Iomraidhean Croise

Yook 115:1

O Yariman, nub yaamban, ewaningko yaamo kuu nambiri kabdi yeman, amborom kuu eb womoniyiibban ye mimyob dowakeniib ma korondiyiibban weng awiniyiib bangkandimaab kowe.

Yook 3:8

Arudbon yaa burudande nenmini ye karub kuu Yariman, yembedmo. Kowe, eb karuwa nimaya yaa amun amun kerunde. Selah

Yook 37:39

Yorokmodan ben bobni yaa burudande bindi ye kiwaan kuu Yarimanbed ongmoon, yi yaa dabab minimaan kuu yembed awande dukmondimaan.

Yesu Ye Weng Amun Lukbed Wongkoon 3:6

Nimakarub korem Godbed bobni yaa kuu burudande bindi ye kiwaan kuu wedmaniib.’” ande wongkoon.

Yoon 1:29

Kuye awarimbed Yesu kuu Yooniib yaa meneena wedmenekore yedmoon, “Kee God ye Sibi Mana, okad ye nimakarub korem yi ambarakmi araneenman kii!

Yoon 1:36

Yesu kuu meneen. Meneene, Yoonbed wedmenekore yedmoon, “Kedi, yakuu God ye Sibi Mana meneen kii!” andoon.

Yoon 4:22

Yiib Samariadan kuu yiib koronbed no God yaningko kankoonimaib. Ma, nub Yuudan kuu kane yaa yaningko kankoonimaub kuu nub nubkaad, amborom kuu bobni yaa kuu burudande bindi ye weng kuu Yuudan yaambed kowe.

Efesusdan 2:8

Amborom kuu ye kabamoon kondoon ye mimyob dowaken yaambed yiib kuu bobni yaa burudande bindoon kowe. Kee anam andi yaambed kui, yiibkarebban, Godbed munob kondoon kii.

Korokboon 12:10

Kwanoone, wengambaraane Ewen arimbed wengmo naawon baande yedmoon, “Kibik kened kuu bobni yaa burudande bindiyiib aromkonoyiib oonimboniib Godbed ongmenaboon kuyiib Keresu ye kwanime andi yaromkonoyiib meneboon. Amborom kuu anam andiwendan yaningko monmarande kami ye karub nub God ye arinambo ari amnoomiib awingyawiib yi aningko monmarande kamembirimaan kuu okad yiri kankoraroon kowe.

Korokboon 19:1

Kwanoone wengambaraane, Ewen aombed kadaareb yemoon naawonmo baandimaib ye kuweng areb kwane komke yedmiwen, “God yaningko kankoonem! Bobni yaa burudande bindiyiib nambiriyiib aromkonoyiib kuu nub God yeman,

Korokboon 21:5

Kwane, Godbed ye ooni ye dibirimbon arimbed yedmoon, “Kedi, kumkam korem kuu yeeb ongmenabaan kii!” andoon. Andekore yedmoon, “Weng kee anammo, ne kuu ma korondainban kowe, wongke.” andoon.

Korokboon 22:3

Kuyaom kuu God ye butuniib ma angkimbaraanban. Siti kuyaom kuu God yoom Sibi Mana yoom yi ooni ye dibirimbon angkimbaraneene, ye demedan kuu ye yaa kurikuri ye deme awinaniib.

Korokboon 4:6

Angkon king ye dibirimbon ye okad kuu naknaamo, nambiri menengmenengiib karamok dabonmo areb, kwane ok kuruwak areb. King ye ooni ye dibirimbon wedyiri ye angkara angkara awanewandiwen kuu dingkan kaningiib doriib, kwane yi murubia ariyiib angkurom angkayiib korem kuu indob yemoon.

Korokboon 5:7

Kwane, Sibi Manambed mene Kingbed ye ooni ye dibirimbon ari dibeenman ye dingki wiwi angka beegod bedmiweniib awinoon kuu kandoon.