Korokboon 22:3 - Yomgkom

³ Kuyaom kuu God ye butuniib ma angkimbaraanban. Siti kuyaom kuu God yoom Sibi Mana yoom yi ooni ye dibirimbon angkimbaraneene, ye demedan kuu ye yaa kurikuri ye deme awinaniib.

Korokboon 22:3 Iomraidhean Croise

Yook 16:11

Ebbed wadkeri ye kiwaan kuu korokbewewen. Kwane eb arinambo arimbed ne yaa kubi kawaneeb, aron korem ye kubiyiib eb dingki wiwi angkambed kui.

Yook 17:15

Kwane, ne kuu yorokmo dobiri yaambed eb murubia wedmaniin. Kwane ne kuu unuk yirimbed yaro dembaniin kuu eb kuru wedmeni kubaniin.

Matyu 25:21

“Andoona, ye yarimanbed yedmoon, ‘Korem amun anam ambangkewen, eb kuu korondiyiibban wengambere awini ye deme karub amun. Eb kuu yiribman yemoonban yaambed ne weng korondiyiibban wengambere awinewen kowe, yiribman yemoon kuu eb yaa kowaan kii, ebbed ooni yeman. Kwane, ne dobere kubimbon aom eb yoom ibonmo kube doberem.’ andoon.

Matyu 25:41

“Andekore, Kingbed ye an angka doriibdan yaa yedmendaneen, ‘Winime, yiib korem kuu Godbed arewa kerundoon kii. Keyaa koronde kumbaanban yamotbon yiri winime. Yiib yumbon kuu Godbed Seten yoom ye engyus ye yoman winiwen yoom yi dowad ongmene nekwoon.

Yoon 12:26

Karub kanembed ne deme awinandamoka ne yoman monok. Kwane, ne kunaya dobaraniin kuu ne dememan neyiib dobaraneen. Kwane, karub kanembed ne deme awinaneen kuu ne Ambembed ye aningko kuu darewoob ari kankowaneen.

Yoon 13:32

God kuu ye yaambed nambiriyiib kandaneen kuu yeka ye yaambed ye Mingki yaa nambiriyiib konaneen, erebnarokban kumbed nambiriyiib konaneen kii.

Yoon 14:3

Kwane, ne kuu wene yiib dowad yumbon nekwandeni dowan keraniin kuu, ne ika meneni yiib kwangkon neyiib yaa dobaraniib ye dowad yiib be wananiin.

Yoon 17:24

“Ambe, ne dowaken kuu ne yaa ben bangkawewendan kuu nembed dobaraniin ye yumbon kuyaa kuu yiyiib doberenib ne nambiri wedmaniib kii. Nambiri kee ebbed kawewen, amborom kuu okadiib ambidiib ongmenabindombed eb kuu ne yaa mimyob dowaken keewewen kowe.

Korokboon 7:10

Kwane, naawonmo baande yedmiwen, “Nimakarub bobni yaa burudande bindi kuu nub Godbed ye ooni ye dibirimbon ari dibeeniib Sibi Manayiib kumbedmo yimin.” andiwen.

Korokboon 7:9

Kwanoone, angkon wedmaane ne murubia arimbed kadaareb yemoon karub kanembed kimingke dandindeban wedmendaan. Yi kuu amyenimbon mimim korem yaambed weng mimim korem yaambed ambibkin mimim korem yaambed kad mimim korem yaambed Kingbed ye ooni ye dibirimbon ari dibeeniib Sibi Manayiib yi murubia ari dobiriwen. Yi kuu ebkad kawanmo deebiwen kumbed yuum biidiib awingkiwen.