Korokboon 21:3 - Yomgkom

³ Kwane wengambaraane, God ye ooni ye dibirimbon aombed wengmo naawonmo dakmoon, “Kibikee God ye dobirimbon kuu nimakaruwiib yaa angkimbaraneen. Kwane, yiyiib yaa dobaraneen. Yi kuu God ye karuwa nimaya keraniiwe, God yeka yiyiib yaa doberene yi God keraneen.

Korokboon 21:3 Iomraidhean Croise

Yoon 1:14

Weng kee karub kerekore nub aom doboroon. Ye aromkono nambiri kuu wedmuwen, God ye Mingki mimo ye aromkono nambiri kui, ye kuu Ambe God yaambed monoon. Ye kuu kabamoon kondoon ye mimyob dowakeniib anam anamiibbed ibnenoon.

Yoon 14:23

Kwane, Yesumbed inandoon, “Kane kanembed mimyob dowaken keewaniib kuu ne kedmengkandi kuu awine kandaniib. Kwane, ne Ambembed mimyob dowaken kondaneene, ne Ambe yoom ne yoom menenub yi yoom doberembaranuub.

2 Korindan 6:16

Kwane, God ye kurikuri boyambib darewoobdan yoom dudi god yoom amob weng ongmiwenoo? Dowan! Kedi, wad doreen ye God ye kurikuri boyambib darewoob kuu nub kei. Kuye dowad Godbed Ye Weng aombed yedmoon, “Ne kuu yi yoom dobereni yi yoom ibonmo dewenebaniin. Kwane, ne kuu yi God keraniine, yi kuu ne karuwa nimaya keraniib.” andoon.

2 Korindan 6:18

Ne kuu kwamuneni yiib Ambe keraniina, yiib kuu ne nima dana karub dana keraniib.” andoon, Aromkono Korem ye Yarimanbed.

1 Tesalonaikadan 3:11

Kwane kowe, nub Ambe God yoom Yariman Yesu yoombed kiwaan ongmendibko, yiwiib yaa menem.

Hibrudan 11:16

Kumban yi kuu koronde okad kiri ye ambibkin arebban amunmo ye ambibkin, Ewen kui, kuyaa meenmembiriwen. Kwanikob, God yaa yimbed yi God andi kuu ye kuu karakiibban, amborom kuu yembed yi dowad siti nekwe ongmoon kowe.

Hibrudan 8:10

“Yarimanbed yedmoon, ‘Kuyaron dowan keranuun arimbed nembed Israeldan yaa ongmaniin keye amob weng kei. Nembed yi inamen aom kuu ne amowamowiib nongkobeni, yi niindem aom wongkaniin. Ne kuu yi God keraniine, yi kuu ne karuwa nimaya keraniib.

Hibrudan 8:2

karubbed ongmindo Yarimanbed Ewen arimbed ongmoon ye kurikuri ambib anam niindem aom kuu yembed God ye deme ambangkimaan.

Korokboon 10:4

Nambad ediib kuu kwane dakmenabiiwe wongkok andaan kumban, wengambaraane Ewen arimbed wengmo yedmoon, “Nambad ediibbed dakmiwen kuu wongkaab, kan bikne.” andoon.

Korokboon 10:8

Kwane, Ewen arimbed wengmo anuk wengambaraan kwane ika ne yaa daawe yedmoon, “Weneneb engyu karamok yiri dore bid ari dore keroon ye dingki ari beegod daandoone angkeen kuu kande.” andoon.

Korokboon 12:10

Kwanoone, wengambaraane Ewen arimbed wengmo naawon baande yedmoon, “Kibik kened kuu bobni yaa burudande bindiyiib aromkonoyiib oonimboniib Godbed ongmenaboon kuyiib Keresu ye kwanime andi yaromkonoyiib meneboon. Amborom kuu anam andiwendan yaningko monmarande kami ye karub nub God ye arinambo ari amnoomiib awingyawiib yi aningko monmarande kamembirimaan kuu okad yiri kankoraroon kowe.

Korokboon 21:7

Kanembed ninabe burudandaneen kuu korem kee yeman keraneene ne kuu ye God keraniine ye kuu ne dana keraneen.

Korokboon 22:3

Kuyaom kuu God ye butuniib ma angkimbaraanban. Siti kuyaom kuu God yoom Sibi Mana yoom yi ooni ye dibirimbon angkimbaraneene, ye demedan kuu ye yaa kurikuri ye deme awinaniib.

Korokboon 7:15

Kwanikob, yi kuu God ye ooni ye dibirimbon ye arinambo arimbed doberenib, amnoomiib awingyawiib ye kurikuri boyambib darewoob aombed ye aningko kankoonembaraiwe, King ye ooni ye dibirimbon ari dibeen kumbed yi yoom doberene yi yaa awande keendombirimaan.