Korokboon 19:16 - Yomgkom

¹⁶ Ye ebkad doboob yaayiib yon muudkuk yaayiib kuu aningko keane wongkiwen, King Korem Yi King, Yariman Korem Yi Yariman.

Korokboon 19:16 Iomraidhean Croise

Yook 136:3

Yariman korem yi Yariman yaa eso andime. Amborom kuu ye womoniyiibban ye mimyob dowaken kuu aron korem kwane angkimbaraneen.

Yook 72:11

Kingdan korem kuu ye yaa bumangkime, kwane ambibkin korem kuu ye demedan kerime.

Yook 89:27

Nembed ye angkon ne wonob dana areb kine kowaniin, kwane ye kuu okaddan yi king korem burudande aningko arimbed konaniin.

Matyu 25:40

“Kwane kaamobaniiwa, Kingbed yi yaa inande yedmaneen, ‘Nembed yiib yaa ke anam yedmendaan kei, mungi bobnidaniib ok moom bobnidaniib noroddaniib ebkadiibbandaniib anikaddaniib wiidaniib kuu ne damana kowe, yi yaa yiibbed komo komo ambangkiwen korem kuu yi yaamban ne yaa kamiwen kii.’ andaneen.

1 Timoti 6:15

Kuyaron kuu Godbed ye dowaken yaamo aron kinoon yaambed kwananeen. Ye kuu amun kerundi meneboon ye God, yembedmo kuu Korok, ye kuu king korem yi King, yariman korem yi Yariman.

Korokboon 17:14

Kwane, yi kuu Sibi Mana yaa nangbenaniib kumban, yembed burudandaneen, amborom kuu ye kuu yariman korem ye Yariman, king korem ye King, angkon yembed baande kinoondan ma korondiyiibban ye yoman winiwen kuu ye yoom miniwen kowe.” andoon.

Korokboon 2:17

“Kanembed kerendemiib keroka, Kingkin Karadmombed anam andiwendan yaa weng ke dakmeen kee wengamborok. Kanembed arewa menebaneen yaa ninabone burudandaneen kuu nembed Ewen aom ye om mena bikdereboon kuu bangkanekori, angkon bot kawanmo kwari aningko yeeb wongkooniib kuu konaniine kandaneen kuu yena yikaadkeraibban, yembedmo aningko yeeb kuu yekaadkeraneen.