Korokboon 17:8 - Yomgkom

⁸ Kedi, arud dingkan wedmenewen kuu anuk doboroon kumbed kibikee dorokban, ye kuu dem kongdem yirimbed dembe yarene ye monmari ye yumbon yaa wananeen. Okad yiri doriibdan kuu yimin yiri andowene okad awene ongmenaboon yaronbed wadkeri ye buk aom yi aningkoyiib wongkindo keraneen kuu arud dingkan wedmenekorib binangkaniib, amborom kuu anuk doboroon kumbed kibikee dorokban, kuned angkon mananeen kowe.

Korokboon 17:8 Iomraidhean Croise

Yook 69:28

Kwane, yi aningko wadkeri buk aom kuu are daadme. Kwane, yi kuu yorokmodan yi aningko yaa wongke daboknaab.

Matyu 25:34

“Kwane Kingbed nimakarub wiwi angka yuroondan yaa yedmaneen, ‘Minime, yiib korem kuu Godbed amun kerundoondan kii. Menenib, yiib Ambe God ye dana meed ye yumbon kuu kandime, yiib yumbon kui. Yiib yumbon kuu Godbed korok kere oonimbon kii, okad ongmoon yaron arimbed yiib dowad nekwoon kii.

Yesu Ye Weng Amun Lukbed Wongkoon 10:20

Kuned awad arewa kuu nub weng wengambiriwen ande kubaib, kumban yiib aningko kuu Ewen ari wongkoon kuyaambed kubime.” andoon.

Yesu Ye Weng Amun Lukbed Wongkoon 8:31

Kwanandoone, awad arewambed ika ika eekme yedmiwen, “Nub yaa dem kongdem yiri wene dobirime andaab.” andiwen.

Yoon 17:24

“Ambe, ne dowaken kuu ne yaa ben bangkawewendan kuu nembed dobaraniin ye yumbon kuyaa kuu yiyiib doberenib ne nambiri wedmaniib kii. Nambiri kee ebbed kawewen, amborom kuu okadiib ambidiib ongmenabindombed eb kuu ne yaa mimyob dowaken keewewen kowe.

Kwamiwen 15:18

unyemanbed korokboona kaadkeriwen.

Efesusdan 1:4

Yimin yiri okad ongmenabindombed nub kuu yembed Keresu yaambed kinoon, ye indob ari kuu karadmo keruwed ambarakmiyiib kii ande dedmone daandiyiibban ye dowad. Ye mimyob dowaken keendoon kumbed

Taitus 1:2

Anam andi keyiib kaadkeri keyiib kuye ambokab kuu wadkeri aron korem korem kande doberembaranuub ande meedmi kui. Wadkeri keye dowad kuu ma dudimokban ye Godbed aron maa ma andowindo kuyaambed weng kunduk yedme kowoon.

1 Pita 1:20

Ye kuu okadiib kumkam koremiib ongmenaboon yaron anuk yirimbed Godbed kinoona, yeenbon yaron kemaom yiib dowad angkadere dian keroon.

Korokboon 11:7

“Kwane, Yesu ye weng dakmenabe dowan keraniib kuu dem kongdem yirimbed demboon ye arud dingkan maa kumbed burudande yenbandaneene duknaniib.

Korokboon 17:11

Arud dingkan anuk doboroon kumbed kibik dorokban keroon kuu ika king keroon kowe ye kuu king kaning kaning andimaib. Ye kuu king ediib kuye maa. Ye kuu ye monmari ye yumbon yaa wananeen.

Korokboon 17:2

Kedi, yu yoom kuu okad yiri yi kingbed nenem kame ambarakmendimaib, kwane yu nenem kame ambarakmi ye ok arewa kuu kakumundin kuu anekorib awarak yimaun.” andoon.

Korokboon 20:10

Kwanoone, yi yaa birandoon ye awad arewa kuu nen bot sulfaambed amot denembiri ye bowan yiri koraroon, kwane arud dingkaniib dudi profesimaniib ben kiradmoon ye bowan yiri kui. Kwane, yi kuu awingyawiib amnoomiib durud yewed kandembaraniib aron korem korem.

Korokboon 20:12

Kwane wedmaane, dukniwendan aningkoyiib aningkoyiibbaniib kuu ye arinambo ari doriiwe, buk kuu daadmenaboon. Buk mamaa daandoon kuu wadkeri ye buk. Dukniwendan kuu yimbed komo kamiibkob buk daadmenaboon kuyaa anuk wongkanaboon kuu kwamunemo wengyundandoon.

Korokboon 20:15

Kane kane yi aningko wadkeri ye buk aom wongkindo kuu amot denobembiri ye bowan yiri ben kiraraneen.

Korokboon 3:10

Dabab menebaneen yaa yodbirimban iwari kere kangdommo doberembirime ye weng yiib yaa yedme kowaan kuu ongme awiniwen. Kowe, kwane okad kumundin kiri doriibdan korem yaa komboon wedmi dowad dabab manandameen yaron ari kuu yiib kuu nembed oonendaniin.

Korokboon 3:5

Kanembed arewa menebaneen yaa ninabone burudandaneen kuu ebkad kawanmo deebiwendan areb ebkad kawanmo inwaraneen. Ye aningko kuu wadkeri ye buk aom kuu arainban. Kwane, Nambe yoom ye engyus yoom yi murubia arimbed ‘Ye kuu anam kuu ne karub kii.’ andaniin.