Korokboon 15:4 - Yomgkom

⁴ O Yariman, kanembed eb yaa unene ewaningko kankoonaanban? Kedi, ebbedmo kuu karadmo kii. Ambibkin koremdan kuu mene eb arinambo ari bumangke ewaningko kankoonaniib, amborom kuu ebbed kami yorokmo kuu dian keroon kowe.” ande wingkiwen.

Korokboon 15:4 Iomraidhean Croise

Yook 105:7

ye kuu Yariman nub God, ye wengyundi weng kuu okaddan korem yaa angkimbaraneen.

Yook 111:9

Yembed ye nimakarub biddi ye kiwaan ongmoon, kwane ye amob weng ongmoon kuu aron korem yeman yedme kowoon. Ye aningko kuu karadmo, ye aningko kuu binangke ye kuu darewoob arimbed andi yeman.

Yook 22:23

Yariman yaa unimaibdan, yiib kuu ye aningko kankoonime! Yekob yawoya korem, yiib kuu ye yaa nambiri konime! Israeldan korem, yiib kuu ye yaa bumangkime!

Yook 22:27

Bid yimin yimin koremdan kuu Yariman yaa ika meene ye yaa amonombaniib. Ambibkin mimim koremdan kuu ye yaa bumangkaniib.

Yook 22:3

Kuned eb kuu king ye dibirimbon arimbed dibere karadmoman kerewen, kwane ewaningko kuu Israeldanbed kankoonimaib.

Yook 86:9

O Yariman, ambibkin koremdan kuu ebbed ongmenabewen kowe, mene eb arinambo ari ewaningko kankoonaniib, kwane yi kuu ewaningko yaa nambiri kankowaniib.

Yook 89:7

Karadmodan nedbimaib kuu yi korem God yaa uni darewoob kerimaib, kwane yembedmo kuu unimbonman, kwane kane kane ye yaa awanewandiwendan korem kuu ye arebban.

Yook 97:8

Saiyon kuu wengamberekoru kubeen, kwane Yudadan yi kambong kambong kuu kubiyiib keriwen, amborom kuu, o Yariman, ebbed wengyundewen kowe.

Yook 99:5

Yariman nub God ye aningko kankoonime, ye yon kiriboon yirimbed ye yaa bumangke yaningko kankoonime, ye kuu karadmo kowe.

Yook 99:9

Yariman nub God yaningko kankoonenib ye aangko karadmo arimbed ye yaa bumangke yaningko kankoonime, amborom kuu Yariman nub God kuu karadmo kowe.

Romdan 15:9

Kwanoon kuu Yuudanban kuu Godbed yi yaa mimyob keende kakman are nonondandoon kumbed God yaa nambiri konime anded. Kuye dowad Dewidbed God Ye Weng aom kekamune yedme wongkoon, Keresu ye dowad, “Kwani kowe, Yuudanban kumaom kuu nembed ewaningko kankoonaniin, kwane eb yaa kurikuri yook wingkaniin.” andoon.

1 Pita 1:16

amborom kuu God Ye Weng aombed wongkoon kuu “Karadmo dobirime, amborom kuu Ne kuu karadmo kowe.” andoon.

Korokboon 11:15

Kwane, engyu ed andi ye kibi baandoone Ewen arimbed wengmo naawonmo baande yedmiwen, “Okad kumundin kiri ye oonimbon kuu, nub Yariman yoom ye Keresu yoom yi oonimbon keroone, aron korem korem yembed oonaneen kii.” andiwen.

Korokboon 14:7

Kwane, yembed naawonmo baande yedmoon, “God yaa unekorib yaningko kankoonime, amborom kuu ye wengyundi yaron kuu muneen kowe. Ambidiib okadiib karamokiib dem okiib ongmenaboon ye God yaa bumangke yaningko kankoonime.” andoon.

Korokboon 16:5

Kwane, wengambaraane engyu ok yaa oonoon kumbed yedmoon, “Eb kuu Karadmo Ye God anuk doberewen kibik doreeb, ebbed kwamunemo wengyundeneb dabab kee bangkandewen kuu inamen yorokmo,

Korokboon 16:7

Kwane, wengambaraane dingkan nengke baeb konimbon yaambed wengmo yedmoon, “Ee, Aromkonomo Ye Yariman God, eb wengyundewen kuu yorokmo anammo kii.” andoon.

Korokboon 19:2

amborom kuu ye wengyundi kuu anammo yorokmo kowe. Nenem awaan wonong, yu nenem inamen abdonbed okad yiridan ben amonombe abdon kerundeen kuu, Godbed wengyunde yu yaa dabab kondoon. Yumbed ye deme karub yenbanduune dukniiwe yi umkan kubudoroon kuye dowad yembed man inande dabab kondoon.” andiwen.

Korokboon 19:8

Ebkad amun yeman kawanmo dangkorong koroomiibban kuu, yu inwari dowad bangkandiwen.” andiwen. Ebkad amun yeman kawanmo ye id kuu God ye karadmodan kami yorokmo ambangkiwen kui.

Korokboon 3:7

“Weng kee anam andiwendan Filadelfia aom doriib yi engyu yaa yedme kowandamaan kowe wongke. “Karadmo anam ye karub, Dewid ye kiiyiib awinoon ye karub, ambongko nandaneen kuu karub maambed ma kebenaanban ye karub, angkon kebenaneen kuu karub maambed ma nandaanban ye karub kuu ne kei. Ne weng kuu kei.

Korokboon 4:8

Dingkan kaningiib yi korem mimim kuu buraab benmeyiib kumbed yi id korem yaa kuu indowiibmo awanewandoon, kwane yi buraab dabderem aom korem kwangkon indowiibmo. Kwane awingyawiib amnoomiib korondiyiibban yedmimaib, “Aromkonomo Ye Yariman God kuu karadmo, karadmo, karadmo, ye kuu anuk doboroon, kibik doreen, ari dobaraneen.” ande kamembirimaib.

Korokboon 6:10

Kwane, yimbed naawonmo baande kaamoniwen, “Yariman Ambengkan God karadmo anam, eb kuu aron komoyiib kerekorewed okad yiri ye nimakarubbed nub yiiwe duknuwen ye dowad wengyundeneb kakman kondaneeb?” andiwen.