Korokboon 14:7 - Yomgkom

⁷ Kwane, yembed naawonmo baande yedmoon, “God yaa unekorib yaningko kankoonime, amborom kuu ye wengyundi yaron kuu muneen kowe. Ambidiib okadiib karamokiib dem okiib ongmenaboon ye God yaa bumangke yaningko kankoonime.” andoon.

Korokboon 14:7 Iomraidhean Croise

Andowoon 22:12

Kowe, engyumbed yedmoon, “Eb dana kuu ayaab! Kibireb kee eb wengambere anam ande kwami God yaa kuu wedmaan, eb dana mingki mimo kuu ebka amuknokban, ne yaa kuu.” andoon.

Yook 115:15

Yiib kuu Yarimanbed amun kerundok, Eweniib okadiib ongmenaboonman, yembed kui.

Yook 124:8

Nub awandi ye karub kuu Yariman, Eweniib okadiib ongmenaboon ye God kui.

Yook 33:6

Yariman kuu wengmo no dakmoon kuyaambed Eweniib ambidiib kuu kwane keroon, kwane yembed inum naroona mindongiib wood awene kuyiib kuu dange wonoon.

Yook 36:1

God yaambed weng kuu ne niindem aom meneboon, arewa kamidan yi ambarakmenabi ye dowad, kedi yi inamen aom kuu God yaa unimokban.

Yook 89:7

Karadmodan nedbimaib kuu yi korem God yaa uni darewoob kerimaib, kwane yembedmo kuu unimbonman, kwane kane kane ye yaa awanewandiwendan korem kuu ye arebban.

Yook 95:5

Karamok kuu yeman, amborom kuu yembed ongmoon kowe. Kwane, ye dingkimbed okad kamkono ongmoon.

Matyu 25:13

Andekore, Yesumbed ye kedmengkandeendan yaa daandoon, “Kwana kowe, kerekbere doberembirime, amborom kuu Karub Ye Mingki mananeen ye aron kuu yiibkaadban kowe.” andoon.

Yesu Ye Weng Amun Lukbed Wongkoon 17:18

Nubkanmomban Samaria ye karub kee yembedmokob, ika mene God yaa eso andok monoon dee?” andoon.

Kwamiwen 14:15

“Yiib komande kwane kamiib? Nub kangkon karub, yiib areb nub mimo kei! Nub kuu God ye weng amun kanmenuub kii! Kee kwane dakmubko yiib minikmanak arewa yaa kuu korondekorib, Wad Doreen ye God yaa amonombime. Yembed ambidiib okadiib karamokiib kumkam koremiib kuu ongmenaboon kui.

1 Pita 4:7

Kumkam korem yimin wandi yaron kuu dia kereen. Kwani kowe, korobe meenenib yiibka kangkadmime. Kwananiib kuu yiib kurikuri kuu yimin keraneen.

Korokboon 11:13

“Daaniiwe, erebnarimban kumbed dowodki arewa kamene siti aom kuu ambib korem nekwe angko angko kerekore mimo angkara kuu monmaranuun. Dowodkimbed kadaareb 7,000iib korem yenbandaneen. Kwananeene, wad doriibdan kuu uni miin darewoob kerekorib Ewen ari doreen ye God yaningko kankoonaneen.” andoon.

Korokboon 11:18

Okad yiridan kuu arud wandiwen kumban, eb norin kuu monoon. Dukniwendan wengyundandeneb, eb profesi weng dakmidan eb deme awinimaiwiib eb karadmodaniib ewaningko kankoonimaibdaniib, eb nimaya karuwa aningko embeng o darewoob kui, yi kuu kakman bangkandeneb, kane kanembed okad yiri monmariwen kuu monmaraneeb yaron kuu muneen kii!” andiwen.

Korokboon 15:4

O Yariman, kanembed eb yaa unene ewaningko kankoonaanban? Kedi, ebbedmo kuu karadmo kii. Ambibkin koremdan kuu mene eb arinambo ari bumangke ewaningko kankoonaniib, amborom kuu ebbed kami yorokmo kuu dian keroon kowe.” ande wingkiwen.

Korokboon 16:9

Yi kuu nimin darewoob kumbed denoniib kowe God yaningko yaa butun kamiwen. Dabab kondoon kuu yembed oonoon kumban, yi kuu nub ambarakmi yaa koronde ye yaa amonombe yaningko kankoonaubban andi ye inamenmo awiniwen.

Korokboon 18:10

Kwane, yu durud yewed kuyaa wedmende uni miin darewoob kerekorib, ambab angkambed dobere ameng kamende yedmaniib, ‘Dabab, dabab, kuu meneboon kii! O Babilon, o siti aningko darewoob ariyiib, aromkono ari ye siti! Aron dukmen kumbed wengyundi ye dabab kuu ub yaa korem meneboon kii!’ andaniib.

Korokboon 18:17

Kumban aron dukmen kumbed biamod miin darewoob korem kee monmaroon kii!’ andaniib. “Kwane, karamok ari ye motod awindimaibdan koremiib motodbed dewenebimaibdan koremiib motod aom demedan koremiib karamok angkambed od deme awinimaibdan koremiib kuu ambab angkambed doberenib,

Korokboon 18:19

Kwane, mimyob wandiwen dowad ingkud yi korok ari ben nongkobenib yuude ameng kamenib yedmaniib, ‘Dabab, dabab, kuu meneboon kii! O siti aningko arimbed darewoob, karamok ari motodiibdan kuu ub biamod yaambed od darewoob kandiwen kii. Kumban aron dukmen kumbed ub kuu monmaroon kii!’ andaniib.

Korokboon 19:5

Kwanoone God ye ooni ye dibirimbon yaambed wengmo menebe yedmoon, “Ye demedan, aningko embengiib darewoowiib ye yaa uniwendan, yiib korem kuu nub God yaningko kankoonem!” andoon.

Korokboon 4:11

“Nub Yariman, nub God, eb yaa nambiriyiib aningko darewoob ariyiib aromkonoyiib bangkabdi kuu yimin, amborom kuu ebbed kumkam korem kuu ongmenabewen, kwane eb dowakenbed ongmenabeebkob dange weneene doriiwa.” andimaib.

Korokboon 4:9

Kwane dingkan kaningiib kumbed King ye ooni ye dibirimbon ari dibeen ye karub yaa nambiri kone yaningko darewoob arimbed kone eso andimaib, aron korem korem doreen ye karub yaa kui.

Korokboon 8:10

Kwane, engyu ayoobmim andimbed ye kibi baandoon. Baandoone, mindong darewoob ambid arimbed angkadkok ye nambiri areb kombere yure kamene ok darewoowiiwa dem okiiwa korem kuu nekwe ayoobmim kerekore mimo angkara ari komboroon.