Korokboon 14:11 - Yomgkom

¹¹ Kwananeene, yi durud yewed kandembirimbon ye amareng kuu aron korem korem kwane deederebembaraneen. Kane kanembed arud dingkan yaayiib ye kuruwak yaayiib bumangke yaningko kankoonaniib o arud dingkan yaningko ye kumun kandaniib kuu, awingyawiib amnoomiib ma yiidkaibban durud yewedmo kandembaraniib.” andoon.

Korokboon 14:11 Iomraidhean Croise

Andowoon 19:28

Ye wene doberene Sodomiib Gomorayiib kankubunen yiriyiib yaa wedmoone, ambib yemoon amot denemoon yi amareng darewoob yeederebeen.

Yook 10:16

Yariman kuu aron korem korem ye king keroon, kwane ye weng wengambaraibban ye ambibkindan kuu ye okad ambab angkambed duknaniib.

Yook 145:1

Ne God ne King, eb kubebde eb kuu darewoob arimbed andaniin, kwane ewaningko kuu aron korem korem kankoonaniin.

Matyu 11:28

“Kane kane dabab darewoob awiniwen kuu ne yaa minime. Nembed owongab yiidki kondaniin kii.

Matyu 25:41

“Andekore, Kingbed ye an angka doriibdan yaa yedmendaneen, ‘Winime, yiib korem kuu Godbed arewa kerundoon kii. Keyaa koronde kumbaanban yamotbon yiri winime. Yiib yumbon kuu Godbed Seten yoom ye engyus ye yoman winiwen yoom yi dowad ongmene nekwoon.

Matyu 25:46

Kowe, kwane yi korem kuu koronde wene durud yewed kandimbon yiri aron korem korem doberembaraniiwe, yorokmodan kuu wadkeri aron korem korem kandaniib kii.” andoon.

Hibrudan 1:8

Kumban ye Dana Mingki ye dowad yedmoon kuu, “O God, eb oonimbon kuu aron korem korem kwane angkimberembaranuun, eb ambibkin aom kuu yorokmo ye aromkonombed oonaneeb.

Korokboon 11:15

Kwane, engyu ed andi ye kibi baandoone Ewen arimbed wengmo naawonmo baande yedmiwen, “Okad kumundin kiri ye oonimbon kuu, nub Yariman yoom ye Keresu yoom yi oonimbon keroone, aron korem korem yembed oonaneen kii.” andiwen.

Korokboon 13:12

Kwane, ye yaa kuu arud dingkan ibdurukbed ye deme aromkono konoon kumbed arud dingkan ibduruk ye dowad deme korem kuu kwane ambangkoon. Kwane, yembed okad kwari doriibdan korem kuu naawon dedmonoone, kuman ayiiwe bobnoon kumban ongmenoone wadkeroon ye arud dingkan ibduruk kuyaa kurikuri kere yaningko kankooniwen.

Korokboon 13:15

Kwane, ye yaa kuu arud dingkan ibduruk ari ye kuruwak ongmiwen kuyaa inum koni yeman yaromkono konoone kwanoon. Kwanoon kuu weng dakmoked kanembed kuruwak yaa “Nub God kii!” andaibban kuu yenbande nongkobi yeman.

Korokboon 13:17

Kowe, karub kanembed kumuniibban kuu berengke moonaanban. Kuye kumun kuu arud dingkan yaningko o ye namba kui.

Korokboon 14:9

Engyu ayoobmim andi kuu yi yoman wenene naawonmo baande yedmoon, “Kanembed arud dingkan yaayiib ye kuruwak yaayiib bumangke yaningko kankoonene ye binad ari o dingki yaa arud dingkan ye kumuniib kandaneen kuu,

Korokboon 18:18

yu denuun ye amot amareng wedmendekorib yedmaniib, ‘Siti aningko arimbed darewoob kee, siti mamaa kuu ma yu arewiib kerindo kii!’ andaniib.

Korokboon 18:9

“Kwane, okad yiridan yi king yu yoom nenem kamenib, yu id ye dowaken yaambed komo kamimaun kuu dabokne kwane kamimaibdan kuu, amotbed yu nengke denuun ye amareng wedmendekorib mimyob wande ameng kamendaniib.

Korokboon 19:3

Kwane yimbed angkon ika komke yedmiwen, “God yaningko kankoonem! Yu amareng ku daanebeen kuu aron korem korem yeman kii.” andiwen.

Korokboon 20:10

Kwanoone, yi yaa birandoon ye awad arewa kuu nen bot sulfaambed amot denembiri ye bowan yiri koraroon, kwane arud dingkaniib dudi profesimaniib ben kiradmoon ye bowan yiri kui. Kwane, yi kuu awingyawiib amnoomiib durud yewed kandembaraniib aron korem korem.

Korokboon 22:5

Kuyaom kuu kumuniibban. Kwane, yi kuu lemiib aron ye nambiriyiib yaa meenaibban, amborom kuu Yariman Godbed nambiri kuu kondaneen. Kwane, yi kuu aron korem korem oone dobaraniib.

Korokboon 7:12

yedmiwen, “Anam kwanok! Aningko kankooniyiib nambiriyiib meeni kangdomiib eso andiyiib aningko darewoob arimbed koniyiib yiminmo dobiriyiib aromkonoyiib kuu nub God yaa kerok, aron korem korem. Anam kwanok!” andiwen.