Korokboon 13:17 - Yomgkom

¹⁷ Kowe, karub kanembed kumuniibban kuu berengke moonaanban. Kuye kumun kuu arud dingkan yaningko o ye namba kui.

Korokboon 13:17 Iomraidhean Croise

Galasiadan 6:17

Yeenbon kebeni weng kuu kei. Karub mimombed ne yaa dabab ma kawaib, amborom kuu ne id yaa nenbandiwen ye kuburu ke dangoon kembed korokboon kuu Yesu kuu ne Yariman kowe.

Korokboon 13:16

Ye kangkon nimakarub korem, aningko embengiib o darewoowiib, yiribman yemoondaniib o kamboknondaniib, yena yi dabderem yiri dobere no deme awinembiridaniib o yika oonimaibdaniib kuu yembed yi dingki wiwi angka o binad ari kumun bi yeman ande dedmobendoone kwaniwen.

Korokboon 13:18

Weng kee inamen kangdom meeni yeman. Kanembed inameniib keroka, arud dingkan ye namba kuu andangkok, kukuu karub ye namba. Ye namba kuu 666 kui.

Korokboon 14:11

Kwananeene, yi durud yewed kandembirimbon ye amareng kuu aron korem korem kwane deederebembaraneen. Kane kanembed arud dingkan yaayiib ye kuruwak yaayiib bumangke yaningko kankoonaniib o arud dingkan yaningko ye kumun kandaniib kuu, awingyawiib amnoomiib ma yiidkaibban durud yewedmo kandembaraniib.” andoon.

Korokboon 14:9

Engyu ayoobmim andi kuu yi yoman wenene naawonmo baande yedmoon, “Kanembed arud dingkan yaayiib ye kuruwak yaayiib bumangke yaningko kankoonene ye binad ari o dingki yaa arud dingkan ye kumuniib kandaneen kuu,

Korokboon 15:2

Kwane, wedmaane karamok dabonmo ok kuruwak areb amoyiib daboknoon kumbed karamok kebed yaa nimakarub yena doriib. Yi kuu arud dingkaniib ye kumuniib yaningko ye nambayiib bindo burudandiwendan kui. Yi kuu Godbed anukbed wingki yeman haawiib bangkandoon kumbed awinenib,

Korokboon 17:5

Yu binad ari kuu weng id angkara biknoon ye aningko kekane wongkiwen, Babilon Aningko Arimbed Darewoowiib, Kiwaan Ari Nima Korem Ye Awaan, Okad Yiri Komyeng Ye Inamen Miin Arewa Ye Awaan, kui.

Korokboon 20:4

Kwane wedmaane, wengyundi ye korok korok yi ooni ye dibirimbon ari kuu wengyundi ye aromkonoyiib kondoondan kuu dibiib. Kwane, anukbed nimaya karuwa Yesu ye weng daande korokbendenib God ye weng dakmiwen kumbed yenambed korok wanabiiwe dukniwendan yi kingkin kuu wedmendaan. Yi kuu arud dingkaniib ye kuruwakiib yaa ma bumangke aningko kankoonindo, angkon yi binad ari o yi dingki yaa kuu ye kumuniib bindo. Kwane, yi kuu dukniwen yirimbed ika wadkere dembekorib, Yesu Keresu yoom korok korok kere weeb 1,000iib oone dobaraniib.

Korokboon 22:4

Yi kuu ye murubia wedmenaniiwe, yi binad ari ye aningko wongkanabaneen.

Korokboon 3:12

Kanembed arewa menebaneen yaa ninabone burudandaneen kuu nembed ongmenaniine ye kuu ne God ye kurikuri boyambib darewoob aom ye dongka areb keraneen. Kwane, ye angkon ambib kuyaa ika ma domondaanban. Kwane, nembed ye ari ne God yaningkoyiib ne God ye siti darewoob Yerusalem yeeb yu aningkoyiib wongkaniin. Siti kee ne God yaambed Ewen aombed kubudaranuun. Kwane, nembed angkon naningko yeeb ye ari wongkaniin.

Korokboon 7:3

“Okadiib karamokiib ayiib kuu monmaraibned, mokorondibko God ye demedan yaa ye kumuniib yi binad ari dengkuuwa.” andoon.