Korokboon 11:8 - Yomgkom

⁸ Yi id kuu yirin kamuun ye siti aom kiwaan ari danganiib. Kuye siti ye kumun angkara aningko kuu Sodom areb Idyip areb. Kuyaom kuu yi Yariman kuu at ming ari aye kowiwen.

Korokboon 11:8 Iomraidhean Croise

Andowoon 13:13

Sodomdan kuu Yariman ye murubia ari miin arewa kame ambarakmi darewoob kamembirimaib.

Andowoon 19:24

Yarimanbed yedmoone ambid arimbed bot sulfa amotiib taun Sodomiib Gomorayiib ari kirobeen.

Matyu 10:15

Nembed yiib yaa ke anam yedmendaan kei, Godbed wengyundaneen yaron ari Sodomdaniib Gomoradaniib yi dabab kuu yirimbed, ma kambong o taundan yiib weng wengamberedandaniib kuu dabab miin darewoob kandaniib.

Kwamiwen 9:4

Kwanoone, okad yiri kombere wengamboroona, “Sool, Sool! Eb komande ne nenbandeneb dabab durud yewed kawewen?” andoon.

Hibrudan 13:12

Kwani kowe, Yesu ye kangkon siti kuuk ambongko angkane bunangkambed durud yewed kandoon, ye umkan yaambed nimakarub bene karadmo kerundi dowad.

2 Pita 2:6

Kwane, siti ayoob Sodom yoom Gomora yoom yi nimakarub komo kamiwen kumbed, Godbed wengyundekore amotbed nengkane agedmo keroon. Kukuu God yaa wunekariwendan amaanbed komarewa keraniib ande kumun korokbi yeman korokboon.

Kerek Judbed Wongkoon 1:7

Kwane, Sodomiib Gomorayiib kambong yena dia diayiib kuyaa kwangkon meenime, yi kuyaom kuu nenem ye ambarakmimbed darewoob keroona, kwangkon karub yikanmo awanoon awanoon kamiwen. Yi kuu Godbed nengkoon kuu kuye kumun korokboon kuu, kane kanembed God wunekaraniib kuu yembed aron korem ye amotbon yiri kiraraneen.

Korokboon 11:13

“Daaniiwe, erebnarimban kumbed dowodki arewa kamene siti aom kuu ambib korem nekwe angko angko kerekore mimo angkara kuu monmaranuun. Dowodkimbed kadaareb 7,000iib korem yenbandaneen. Kwananeene, wad doriibdan kuu uni miin darewoob kerekorib Ewen ari doreen ye God yaningko kankoonaneen.” andoon.

Korokboon 11:9

Kwane, aron ayoobmim dowan kere amkimombed wene aronkob yaa keranuun kuye niindem aom kuu ambibkin mimim korem yaayiib, weng mimim korem yaayiib kad mimim korem yaayiib nimakarub korem kuu keendombere yangmadandekorib yi bob id kuu ben mangkaibban.

Korokboon 14:20

Yi kuu siti angkara nong yob beengkimbon aombed beengkanaboon. Kwanoone, umkan kuu deederebene urok areb kere derebe daanoon kuu, daane hoos ye kongkono yimin yaa keroone angkon bune yaroon ye ambab kuu 300 kilomita keroon.

Korokboon 14:8

Kwanoone, engyu mamaa kuu ye yoman menene yedmoon, “Monmaroone kombureen kii! Aningko miin darewoob ye siti Babilon kuu monmaroone kombureen kii. Kukuu ambibkin koremdan yaa nenem ye inamen dowaken arewa kenambun bangkandimaun ye ok arewa bangkandimaun ye siti kui.” andoon.

Korokboon 16:19

Kwanoone, aningko arimbed darewoob ye siti kuu bangkanabe ayoobmim kereen, kwane ambibkin mimim yi siti kangkon monmare kirobeen. Kwanuune, Godbed aningko arimbed darewoob ye siti Babilon yu inamen arewa yaa ika meenekore, ye arud miin darewoob ye ok arewa kabus aombed demboon kuu yu yaa kondoone aneen.

Korokboon 17:1

Kwane, meneki wongdem awiniwen ye engyus ediib yaa mamaambed mene ne yaa yedmoon, “Menebko, nenem awaan wonong kuu ok awaan yemoon dia dibuun kuu ukum kondandameen kowe korokbebda.

Korokboon 17:18

Wonong ku wedmendewen kuu siti aningko arimbed darewoob. Yumbed okad yiri ye king kuu ooneen kui.” andoon.

Korokboon 17:5

Yu binad ari kuu weng id angkara biknoon ye aningko kekane wongkiwen, Babilon Aningko Arimbed Darewoowiib, Kiwaan Ari Nima Korem Ye Awaan, Okad Yiri Komyeng Ye Inamen Miin Arewa Ye Awaan, kui.

Korokboon 18:10

Kwane, yu durud yewed kuyaa wedmende uni miin darewoob kerekorib, ambab angkambed dobere ameng kamende yedmaniib, ‘Dabab, dabab, kuu meneboon kii! O Babilon, o siti aningko darewoob ariyiib, aromkono ari ye siti! Aron dukmen kumbed wengyundi ye dabab kuu ub yaa korem meneboon kii!’ andaniib.

Korokboon 18:18

yu denuun ye amot amareng wedmendekorib yedmaniib, ‘Siti aningko arimbed darewoob kee, siti mamaa kuu ma yu arewiib kerindo kii!’ andaniib.

Korokboon 18:2

Kwane, aromkono darewoowiib kumbed baande yedmoon, “Monmaroone kombureen kii! Aningko miin darewoob ye siti Babilon kuu monmaroone kombureen kii. Yu kuu awad arewa yi dobirimbon kereen. Kuyaom kuu kingkin arewa mimim korem yoom komyeng areb keriwen ye ayari on arewa korem yoom yimbirimo kumbed doriib.

Korokboon 18:21

Kwane, aromkono darewoob ye engyu maambed bot dumnad darewoob dabawiib kuu kande karamok yiri naawonmo korarene yedmoon, “Kwamune areb kuu siti aningko arimbed darewoob Babilon kuu yiri naawonmo kankoraraneene, angkon ika ma wedmaibban.

Korokboon 18:24

Ubbed God ye profesi weng wengambere dakmidaniib God ye karadmodaniib okad yimin yimin yaambed yeewe dukniwendaniib yi umkan kubudoroon kuu God kuu wedmoon.” andoon.