Andowoon 1:3 - Yomgkom

³ Godbed yedmoon “Namborok.” andoona namboroon.

Andowoon 1:3 Iomraidhean Croise

Andowoon 2:4

Kuye weng kuu Godbed ambidiib okadiib kumkam korem ongmenaboon ye weng kui. Yariman Godbed ongme dowan kerindo kuyaron kuu

Yook 104:2

Ebka eb nambirimbed ebkad doboob areb kan dabunewen, kwane ebbed ambid kuu dabua areb kan batangne binge koweneb,

Yook 118:27

Yariman kuu God, kwane yembed nambiri ongmoona nub ari yurendoon. Yiib dingki aom kuu ambuudiib awingkenib, God yaa kubi dowad nedbe God yaa koni ye bot wuubimbon yaa daane weniibdan yoom dabokne winime.

Yook 148:5

Yi korem kuu Yariman ye aningko kankoonime, amborom kuu yembed weng yedme kowoona doriwen kowe.

Yook 33:6

Yariman kuu wengmo no dakmoon kuyaambed Eweniib ambidiib kuu kwane keroon, kwane yembed inum naroona mindongiib wood awene kuyiib kuu dange wonoon.

Yook 33:9

Amborom kuu ye kuu wengmo yedmoona okad kuu andoween, kwane yembed kwanok ande yedmoona kangdommo kereen.

Yook 97:11

Nambiri kuu yorokmodan ari yurene kubi kuu kangdommo doriibdan yaa kondimaan.

Matyu 8:3

Kwane, Yesumbed ye dingki yirene karub yaa angkoronene yedmoon, “Ee, ne dowaken keraan ee. Kwane amun kerok.” andoone kirodmo ye kaningki bob kuu amun keroon.

Yoon 1:5

Kumun aom kuu nambiri yuroon, kumban kumunbed nambiri kuu kebenenindeban keroon.

Yoon 1:9

Nambiri anam kee nimakarub korem yaa nambiri kondimaan kuu okad kiri monoon kii!

Yoon 11:43

Kee kwane yedmekore, naawonmo baande yedmoon, “Lasares, eb yaro angkadere.” andoon.

Yoon 3:19

Wengyundi ye weng kuu kamune kii, Nambiri kuu okad yiri monoon, kumban nimakarub kuu nambiri korondenib kumunbed yi dowaken darewoob keriwen, amborom kuu yi kuu arewamo kamimaib kowe.

2 Korindan 4:6

Kedi, “Nambiri kuu yuroko kumun yiri kuu namborok.” ande yedmoon ye God, yembed ye nambiri ongmene nub niindem aom kowe yuroon, yuroko Keresu ye murubia yaambed God ye nambiri kaadkerime anded.

Efesusdan 5:14

amborom kuu nambiri kuu ben dian keri yeman kowe. Kwanekob, ke kwamune yedmoon kei, “O unukudbob, dembe, bobnewen yiri kuu dembebko, Keresumbed eb niindem aom nambiri yurok.” andoon.

Efesusdan 5:8

Kedi, anuk kuu yiib kuu kumun aom dobiriwen kumban, kibikee yiib kuu Yariman yaambed nambiriyiib keriwen kowe, nambiri ye dana areb kwane dobirime,

1 Timoti 6:16

Yembedmo kuu bobnindeban ye God, dia winindeban ye nambiri aom doreen ye God, ye kuu karub maa kurin ma wedmenindo ye God, ma wedmenindeban ye God. Ye yaa aningko ambab ariyiib aromkonoyiib aron korem korem kerok. Anam kwanok.

1 Yoon 1:5

Weng Yesumbed kondoona wengamberekorub daanduub kuu kei. God kuu nambiri kowe, ye aom kuu ma kumuniibban dowan.

1 Yoon 2:8

Kumban weng keyiib kee yeweb areb keroon. Kukuu Yesuyiiwa yiiwiiwa yaambed anam id keroon, amborom kuu kumun kuu are weneene nambiri anam kuu ware weneen kowe.