Andowoon 1:1 - Yomgkom

¹ Yimin andowoon yiri kuu Godbed ambidiib okadiib ongmenaboon,

Andowoon 1:1 Iomraidhean Croise

Yook 102:25

Yimin andowoon yiri kuu ebbed okad yu ambokab ongmenabewen, kwane ambidiib Eweniib kuu eb dingkimbed ongmenabewen.

Yook 104:24

O Yariman, eb ambangkenabi kuu yemoon kai. Eb kuu meeni kangdommombed korem ongmenabewen, kwane okad kwari kuu ongmenabewen ye kumkam kuu yemoonmo muubniwen.

Yook 104:30

Kumban ebbed eb inum yi yaa kondaawa yi wadkeri kuu andowe dobirimaib, kwane ebbed okad kumundin ongmendaawe yeeb areb ikakman kerimaun.

Yook 115:15

Yiib kuu Yarimanbed amun kerundok, Eweniib okadiib ongmenaboonman, yembed kui.

Yook 121:2

Ne awawi kuu Yariman yaambed minimaan, Eweniib okadiib ongmenaboonman yaambed kui.

Yook 124:8

Nub awandi ye karub kuu Yariman, Eweniib okadiib ongmenaboon ye God kui.

Yook 134:3

Yarimanbed yiib yaa kuu Saiyon arimbed amun kerundok, Eweniib okadiib ongmenaboonman yembed kui.

Yook 136:5

Ye meeni kangdombed Ewen ongmoonman yaa kui. Amborom kuu ye womoniyiibban ye mimyob dowaken kuu aron korem kwane angkimbaraneen.

Yook 146:6

Yembed Eweniib okadiib ongmenaboon, karamokiib kumaom kumkam koremiib kangkon ongmenaboon. Yembed ma korondiyiibban weng awinembirimaan aron korem.

Yook 33:6

Yariman kuu wengmo no dakmoon kuyaambed Eweniib ambidiib kuu kwane keroon, kwane yembed inum naroona mindongiib wood awene kuyiib kuu dange wonoon.

Yook 33:9

Amborom kuu ye kuu wengmo yedmoona okad kuu andoween, kwane yembed kwanok ande yedmoona kangdommo kereen.

Yook 8:3

Ambidiib Eweniib kuu ebman, eb dingkimbed ongmenabewen, kwane woodiib mindongiib kuu ebbed ongmenabe nongkobewen. Kuyaa wedme meendobimain kumbed

Yook 8:4

kwane kaamonimain, “Nimakarub kuu kaneyakob eb kuu yi yaa meenmo doreeb? Yi dana kuu kaneyakob eb kuu yi yaa oone doreeb?” andimain.

Yook 90:2

Aangko aangko ongmenabindo yaron o ebbed bidiib okad kumundiniib ongmenabindo yaron, aron korem anuk doberewenbed mene aron korem ambab ari dobaraneeb kui, eb kuu God.

Yook 96:5

Ambibkin mimimdan yi god korem kuu kuruwak godmo, kumban Yarimanbed Eweniib ambidiib ongmenaboon.

Matyu 11:25

Kuye aron Yesumbed God yaa yedmoon, “O Ambe, eb kuu Eweniib okadiib ye Yariman. Ne ewaningko kankoonaan, amborom kuu ebbed kekamune ye inamen kuu ebbed dana areb keriwendan yaamo korokbendewen, kumban kedmengkandi yemoon biwendaniib indengandengdaniib yaa kuu bikderebewen.

Maak 13:19

amborom kuu kuyaron ari kuu dabab darewoob yemoon menebaneen kuu Godbed yimin yiri okad ongmoon kumbed mene kibikee ye dabab korem kuu burudande miin darewoob keraneen kowe. Kuyareb keraneen kuu ika ma kwanaanban.

Kwamiwen 14:15

“Yiib komande kwane kamiib? Nub kangkon karub, yiib areb nub mimo kei! Nub kuu God ye weng amun kanmenuub kii! Kee kwane dakmubko yiib minikmanak arewa yaa kuu korondekorib, Wad Doreen ye God yaa amonombime. Yembed ambidiib okadiib karamokiib kumkam koremiib kuu ongmenaboon kui.

Kwamiwen 17:24

“God yembed okad koremiib kumkam koremiib ongmenaboon kuu okad koremiib Eweniib ye Yariman kui. Ye kuu karubbed ambib arumimaib aombed dobirimokban.

Kwamiwen 4:24

Kee kwane wengamberekoriwa, yi korem God yaa kurikuri keriwen. Kwane yedmiwen, “Ambengkan God, ebbed ambidiib ok yiriyiib okad ariyiib kumkam korem kwaomiib ongmenabewen.

Romdan 11:36

Kedi, kumkam korem kuu yembed ongmenaboon, kukuu ye yaambed wonekmoon, kukuu ye aningko kankoonaniib kii. Ye yaa nambiri kerok, aron korem korem! Anam kwanok.

1 Korindan 8:6

Kuned nub yaa kuu kwamunemban, God kuu mimo, nimakarub korem yi Ambe kui. Yembed kumkam korem ongmenaboone demboon. Kwane, ye dowadbed nub doruub kii. Kwane, Yariman kuu mimo, Yesu Keresu kui. Ye yaambed kumkam korem meneboon. Kwane, ye yaambed nub doruub kii.

Efesusdan 3:9

kuye inamen Godbed komarewa awine ambangkaneen ye weng kuu nimakarub korem yaa dianmo korokbi yemaniib bangkawoon kii. Kuye inamen kuu kumkam korem ongmenaboon ye God kurin anukbed meene ongmekore biknoonbed mene kibikee.

Hibrudan 1:10

Kwane yedmoon kuu, “O Yariman, yimin andowoon yiri okad ye ambokab ongmeneb, ambid kuu eb dingkimbed ambangkewen.

Hibrudan 1:2

Kumban kibik aron yeenbon kee, ye Dana Mingki yaambed nub yaa daandoon. Kwane, ye kuu Godbed kumkam korem yaa kangkoman keruni ye dowad kine kowoon. Kwanekore, ye yaambed Godbed kumkam korem kuu ongmenaboon.

Hibrudan 11:3

Anam andi yaambed nubkaadkeruwen kuu, kumkam korem kuu God ye wengbed kwanok andoonkob kwane dembe wonoon. Kwani kowe, wedmuub yeman kuu wedmindeban yeman kumbed ongmenaboon.

Hibrudan 3:4

Kedi, ambib mimim korem kuu karub mimimbed yenbenabimaib kumban, God kuu kumkam korem yenbenabi ye karub.

2 Pita 3:5

Kumban kwanandaniibdan kuu weng maa yaa yangmadandunaniib, kukuu Godbed ye wengbed yedmoonkob ambidiib keroone ok yaambed okad ongmoone ok niindem yirimbed yeedureen ye weng kui.

1 Yoon 1:1

Yesu kuu Wadkeri Ye Weng. Ye weng kee yiib yaa nubbed wongkane keenduub kei. Ye kuu andowoon yirimbed aron korem wad doboroon. Wadkeri kee, Ambe God yoom ibmo dobiriwen kumbed angkadoroona, nubka nub wengamberenub, nub indowiibbed wedmenenub, nub dingkimbediib badmenuwen. Kuye wadkeri weng kuu ke dakmuub kei. Kukuu wadkeri aron korem korem yeman ke dakmuub kei.

Korokboon 10:6

Kwanekore, ambidiib kwari yeman koremiib, okadiib kwari yeman koremiib, karamokiib kuri yeman koremiib ongmenaboon ye God aron korem korem doreen ye aningko yaambed yedme kowene yedmoon, “Mogeed mogeediibban kii!

Korokboon 14:7

Kwane, yembed naawonmo baande yedmoon, “God yaa unekorib yaningko kankoonime, amborom kuu ye wengyundi yaron kuu muneen kowe. Ambidiib okadiib karamokiib dem okiib ongmenaboon ye God yaa bumangke yaningko kankoonime.” andoon.

Korokboon 21:6

Kwane yembed ne yaa yedmoon, “Kuned kuu dowan keroon kii. Ne kuu Ibduruk Doboroon Ye God, angkon Yeenbon Dobaraneen Ye God, ne kuu Andowoon Ye God, angkon Yimin Wandaneen Ye God kii. Kanembed ok moom bobnaneen kuu nembed wadkeri ok dewenebuun yaambed munobmo konaniin.

Korokboon 22:13

Ne kuu Ibduruk Doboroonman, angkon Yeenbon Dobaraneenman, ne kuu Andowoonman, angkon Yimin Wandaneenman kii.

Korokboon 3:14

“Weng kee anam andiwendan Laodisea aom doriib yi engyu yaa yedme kowandamaan kowe wongke. “Anam Kwananeenman, komo wedmoon kuu kwamunemo anammo daandi ye karub, Godbed yimin yirimbed ongmenaboon ye ambokab kuu ne kei. Ne weng kuu kei.

Korokboon 4:11

“Nub Yariman, nub God, eb yaa nambiriyiib aningko darewoob ariyiib aromkonoyiib bangkabdi kuu yimin, amborom kuu ebbed kumkam korem kuu ongmenabewen, kwane eb dowakenbed ongmenabeebkob dange weneene doriiwa.” andimaib.