Zaki 4:6 - Nkanda Wu Moyo Nguizani yimona ayi minkunga

⁶ Muaki, nlemvo wuwombo kakutuvananga. Diawu katubila ti : Nzambi wunkakidilanga bankua luniemo vayi nlemvo andi widi kuidi batu bobo bakukikululanga.

Zaki 4:6 Iomraidhean Croise

Minkunga 138:6

Ka diambu ko Yave widi wuzangama, niandi weti tala bobo beti kukikulula ayi zebi bumboti batu badi luniemo bu badi ku thama.

Minkunga 9:12

Bila mutu wowo wumvutulanga landi mu diambu di menga matengolo wuntebukanga moyo ; kazimbakananga ko yamikina ku batu badi mu phasi.

Matayi 13:12

Bila mutu wowo widi bima, bela kumvana ayi wela baka biwombo biviatukidi tezo. Vayi mutu wowo kambulu bima, wela ziono fiofi fidi yandi.

Matayi 23:12

Woso mutu wukukinangika wela kululu ayi woso mutu wukukikulula wela nanguku.

Luka 1:52

Wukuludi batu ba lulendo mu bikundu biawu bi kipfumu ayi wunangikidi batu bobo badi balembama

Luka 14:11

Bila woso wukukinangikanga wela kululu ayi woso wukukikululanga wela nanguku.

Luka 18:14

Bukiedika ndikulukamba, mfutisi wu ziphaku wowo sumbu kavutuka ku nzo andi, wumonika wusonga va meso ma Nzambi vayi bika mutu wowo wunkaka bila woso wukukikululanga wela nanguku ayi woso wukukinangikanga wela kululu.

Zaki 4:10

Bika lukikulula va meso ma Pfumu, buna niandi wela kulunangika.

1 Piela 5:5

A beno baleki, lutumukina bakulutu. Bika kadika mutu buna luidikakikulula va meso ma ndiandi, bila disonama ti : Nzambi weti kakumukina bankua luniemo vayi weti vana nlemvo andi kuidi batu bobo beti kukikulula.