Yuda 1:16 - Nkanda Wu Moyo Nguizani yimona ayi minkunga

¹⁶ Batu bobo baniungutanga mu zithangu zioso, beti nionga mu philayibadidi, bandiatilanga boso buididi zitsatu ziawu zimbimbi ; miunu miawu mintubanga mambu ma luniemo ayi baniemisanga batu mu diambu babaka ndandu.

Yuda 1:16 Iomraidhean Croise

Minkunga 106:25

Baniunguta mu zinzo ziawu zi ngoto ; ayi basia tumukina ko Yave.

Minkunga 15:4

Weti lenza mutu weti vanga mambimbi Vayi wunzitisanga bobo bankinzikanga Yave. Wunkebanga zindefi ziandi. Ka diambu ko yela kummonisa phasi.

Minkunga 17:10

Bakikangidi mintima miawu midi banga matadi ; Miunu miawu mintubanga mambu ma lunanga.

Minkunga 73:8

Bamvueza ; banyolukilanga mu bumbimbi ; mu lunangu luawu, balembo kubika khuamusu.

Luka 15:2

Bafalisi ayi minlongi mi mina baniunguta ayi batuba : —Mutu wawu wunyakula bankua masumu ayi wundia yawu va kimosi !

Luka 19:7

Bu bamona bobo, batu boso baniunguta ayi batuba : —Tala, wedi leki ku nzo nkua masumu wowo !

Luka 5:30

Bafalisi ayi minlongi mi mina miomi miba mu dingumba diawu mifuema ayi bayuvula minlonguki mi Yesu ti : —Bila mbi lulembo dila ayi nuina va kimosi ayi mimfutisi mi ziphaku miomi, bankua masumu e ?

Yowani 6:41

Bayuda baniunguta mu diambu diandi bila niandi wutuba ti “minu ndidi dipha diba ku Diyilu.”

Yowani 6:61

Yesu wuzaba ti minlonguki miandi miniunguta mu diambu dina, buna wuba kamba : —A buevi mambu mama malumonisini phasi mu mintima mieno e ?

1 Kolinto 10:10

Lubika niunguta, banga bu niungutila bankaka mu bawu. Mu bila kioki mbasi yi lufua yiba vonda.

Ngalatiya 5:16

Diambu ndituba diawu diadi, ludiatila mu Pheve, muingi luedi vanga zinzinunu zi nsuni.

Ngalatiya 5:24

Bobo badi batu ba Klisto bamana banda va dikulusi kinsuni kiawu va kimosi ayi zinzinunu ayi zitsatu zi nsuni.

Filipi 2:14

Bika luvangila mambu moso mu kambu maniunguta ayi ziphaka

1 Tesalonika 4:5

bika sia ti mu zinzinunu banga bu mvangilanga Bapakanu, batu bakambulu zaba Nzambi.

1 Timote 6:5

ziphaka ziphamba zi batu basumuka mu diela diawu ayi bakambulu kiedika, beti banzila ti kinzikanga Nzambi yidi tho yi bakilanga ndandu.

2 Timote 4:3

Bila thangu yidi yela ba ti batu bakadi buela zola wa malongi ma kiedika ; vayi mu diambu di zitsatu ziawu bela kukivangila minlongi miwombo-wombo, miomi miela kuba kamba mambu momo makutu mawu matidi wa.

1 Piela 1:14

Banga bana badi bulemvo, lubika landakana zinzinunu ziozi ziba yenomu thama bu luba batu bakambulu diela.

1 Piela 2:11

Bakundi bama ba luzolo, luidi banzenza ayi minkibi va nza yayi ; diawu ndikululeba mu tina zinzinunu zi nsuni, zinnuanisanga muela.

1 Piela 4:2

mu diambu kabika buela zingila, mu ndambu yi bilumbu bisiedi yandi mu nitu andi, boso buididi zitsatu zi batu vayi boso buididi luzolo lu Nzambi.

2 Piela 2:10

Vayi wela luta vana thumbudulu kuidi bobo banlandakana boso buididi nsuni mu zitsatu zisumuka ayi bobo banlenza kipfumu ki Nzambi. Badi batu beti kukibanzilanga bawu veka ayi badi batu ba luniemo ; bamonanga tsisi ko mu finga bivangu bi nkembo bi diyilu

2 Piela 2:18

Vayi bu beti tuba mambu mawu ma luniemo, makambulu mfunu ; buna beti tombanga tuta mu nzila yi zitsatu zinsuni mu kitsuza kiawu, bobo bavukidi bosi va khatitsika batu bobo banzingila mu nzimbala.

2 Piela 3:3

Muaki lufueti zaba ti mu bilumbu bi tsuka minsekinini miela kuiza, miela diatila mu mvuezolo boso buididi zitsatu ziawu. Miela tuba

Yuda 1:15

mu diambu di sambisa batu boso ayi tumbudila batu bosobobo bankinzikanga ko mambu ma Nzambi mu diambu di mavanga mawu moso mambimbi, mu diambu di kambu kuawu ku lukinzu ayi mu diambu di mambu moso ma ngolomatuba bankua masumu, batu bobo bankambu kinzikanga mambu ma Nzambi.

Yuda 1:18

Ziawu zituba : “ku tsuka yi zithangu kuela totuka batu bela vueza mambu ma Nzambi, bela diatila boso buididi zitsatu ziawu zinkambu kinzikanga mambu mu Nzambi.”