Yuda 1:12 - Nkanda Wu Moyo Nguizani yimona ayi minkunga

¹² Bawu beti bivisa malambu meno ma kithuadi bu bandianga, va kimosi ayi beno mu minyengo mu kambu ku tsisi. Bakukibanzilanga kaka bawu veka. Badedikini banga matuti mankambu nokisa zimvula ayi momo mamvevumunungu kuidi phemo ; badedikini banga minti minkambulu buta mimbutu mu tsungi awu : bawu bafua mu zikhumbu zizole, bavuzu.

Yuda 1:12 Iomraidhean Croise

Minkunga 1:3

Mutu beni widi banga nti wukunu va muenda nlangu ; wowo wumbutanga makundi mu tsungi andi ayi meza mandi mayumanga ko ; weti mona mamboti mu mamo keti vanganga.

Minkunga 37:2

Bila banga biti, bela yuma mu nsualu ; banga biti bi nlangu bela lebuka mu nsualu.

Matayi 13:6

Vayi muini wungolo bu wutotuka, mintuidila beni miyokana ayi miyuma bila mianzi miawu misia kota ko mboti mu tsi ntoto.

Matayi 15:13

Yesu wuba vutudila : —Kioso kunusu, kikambu kuna Dise diama di Diyilu, kiela vuzu.

Malako 4:6

Vayi muini wungolo bu wutotuka, mintuidila beni milebuka ayi miyuma bila misia ba mianzi ko.

Luka 12:45

Vayi enati kisadi beni yindudi mu ntimꞌandi ti : “Pfumu amakakadi vika vutuka” ayi tonini yamisa bisadi bi babakala ayi bi bakieto, tonini dia, nua ayi kolu,

Luka 16:19

—Kuba mutu wumosi wu kimvuama, wuba vuatanga minledi mintalu ayi mimboti. Kadika lumbu, luzingu luandi luba lu minyengo.

Luka 21:34

Lukikeba beno veka mu diambu di mintima mieno mibika ba zitumu diambudi phulu yi dia ayi yi kolo malavu ; ayi mu diambu di mayinduma luzingu lualu muingi lumbu kina kibika lukuizila mu kinzimbukila.

Luka 8:6

Ndambu yinkaka yi zitheti yibua va matadi. Bu zimena, zivika yuma bilavasia ba mbozi ko.

Efeso 4:14

Buna tulendi buela ba bana balezi ko, bobo bannatungu ayi bandiengosongo kuidi yoso-yoso pheve yi malongi meti singimina mu luvunulu batu ayi mu diela diawu di mbimbi di sadila zinzila zimbimbi mu diambu di zimbisa batu.

Filipi 3:19

Luzaba ti tsukuluꞌawu zimbala bila vumu kiawu kiawu Nzambi awu ; beti kukiniemisa mu mambu momo meti kuba fuisa tsoni ; mayindu mawu madi mu bima bi nza.

1 Timote 5:6

Vayi difuola dinzingilanga mu makhini didi difua, ka diambu ko dilembo zingi.

Ebelewo 13:9

Lubika vunu mu malongi ma phila mu phila ayi ma nzenza. Bila bulutidi mfunu mintima mikindusu mu nlemvo wu Nzambi vayi bika mu khebolo yi mina mitedi ndiwulu, bila misadisanga ko bobobansadilanga miawu.

Zaki 5:5

Luzingidi mu luzingu lu zikhini ayi lu kitoko vava ntoto ; lumeni kituka banneni banga bibulu bimvingila lumbu kioki biela vondo.